Clima mediterraneu

De Wikipedia
Saltar a: navegación, buscar
Estensión del clima mediterraneu nel mundu

El clima mediterraneu ta enmarcáu nos climes templaos al pie de otros como'l chinu, el pampeano o l'oceánicu. Caracterízase por iviernos templaos y lluviosos y branos secos y calorosos, con serondes y primaveres variables, tantu en temperatures como en precipitaciones. El nome recíbelu del mar Mediterraneu, área onde ye típicu esti clima y adquier mayor estensión xeográfica, pero tamién ta presente n'otres zones del planeta, anque con variaciones tocantes a la distribución de les temperatures.

Les precipitaciones nun suelen ser bien abondoses, anque hai zones onde se devasen los 1000 mm. Pero la característica principal ye qu'éstes nun se producen pel branu, polo que la so distribución ye la inversa a la del clima de la zona intertropical, que xenera un importante estrés hídricu.

Les temperatures caltiénense, en promediu, tolos meses percima de los 20 °C pero presenten variación estacional, hai meses fríos per debaxo de los 18 °C y otros más templaos que nel mediterraneu típicu devasen los 22 °C.

El clima mediterraneu ta asitiáu xeográficamente nes mariñes occidentales de les mases continentales, ente los climes oceánicu, escontra los polos, y desérticu, al Ecuador, siendo realmente una combinación de dambos: pel hibiernu predomina la componente oceánica y pel branu la desértica. Cuanto más escontra los polos, el clima ye más suave y lluviosu, polo que falamos de mediterraneu d'influencia oceánica y cuanto más escontra l'Ecuador, más secu, de cuenta que falamos de mediterraneu secu.

La vexetación resultante ye arbórea de tipu anxelfodiu o perennifolio, colos árboles non bien altos y unos estratos herbales y de carbes. Tien un estratu arbustivo y lianoide bien desenvueltu, d'heriedu tropical, qu'arriquez el monte y failo apertáu y dacuando inclusive impenetrable. La xamasca de los árboles y parrotales permanez na planta tol añu, aforrando asina una escesiva producción de material vexetal, bien costoso de faer por tener munches defenses. Estes defenses pueden ser de tipu físicu (fueyes esclerófiles, esto ye, dures y resistentes a la deshidratación, aguiyones, pubescencia), químicu (fueyes arumoses, fedióndigues o venenoses), o biolóxicu (secretando sustances p'alimentar a pequenos insectos depredadores que caltienen llibre de plagues a la planta). Son estratexes desconocíes nel mundu templáu, y qu'entemecen les del mundu tropical húmedu (fueyes perennes) y secu (fueyes xeromorfas, espinoses, arumoses, atractoras de formigues).

Les denominaciones típiques de les formaciones resultantes son la garriga nel mediterraneu, el chaparral en California o'l fynbos en Suráfrica y la carba chilena en Chile. Nes zones con esti clima ye onde se desenvolvió tradicionalmente la llamada triloxía mediterránea: trigu, vide y olivar. Esti postreru ye un árbol que namái se cultiva en zones que presenten esti patrón climáticu. Anguaño les zones de clima mediterraneu son onde más desenvuelta ta l'agricultura de regadíu produciéndose gran cantidá de frutes (naranxes, llimones, albaricoques, piescos, cereces, cirueles, cadápanos, etc.) y hortolices (tomates, pataques, berenxenes, calabacinos, cebolles, ayos, cenahories, etc.), quedando nel secanu'l ya la mentada olivar al pie de otres especies como almendros y algarrobos.


Paisaxe de regadío de clima mediterraneu, güerta de naranxales en Alcira, España