Galia

De Uiquipedia
Saltar a: navegación, buscar
Mapa de la Galia primero de la conquista romana.

Galia ye'l nome llatín dau a una rexón d'Europa occidental anguaño ocupada por Francia, Bélxica, l'oeste de Suiza y zones de los Países Baxos y Alemaña al oeste del Rin. La pallabra galu refierse davezu a los habitantes celtes d'esa rexón en tiempos antiguos y foi emplegada principalmente polos romanos que bien rares vegaes llamaben celtes a esti conxuntu de diverses tribus. El xentiliciu caltúvose al traviés de los tiempos solamente na estensión de tierres que güei componen el país de Francia y entá güei sigue llamándose galos a los franceses, y de fechu Gallia ye'l nome griegu modernu de Francia.

Pero los galos estendiéronse per toa Europa en tiempos romanos, falando llingües celtes que diverxeron en dos grupos. Amás de los galos de l'actual Francia, otros asitiáronse nes enllanaes del norte d'Italia, na provincia que los romanos conocíen como Galia Cisalpina («Galos a esti llau de los Alpes») hasta'l Vénetu y Istria. Otros galos emigraron cruciando los Pirineos hasta Iberia, dando llugar amás a los celtíberos al entemecese col sustratu íberu indíxena.