Estrabón

De Wikipedia
Saltar a: navegación, buscar
Estrabón

Estrabón (en griegu antiguu, Στράβων; Amasia, Ponto, c. 64 o 63 e.C.-c. 19 o 24 d.C.) foi un xeógrafu y hestoriador griegu conocíu principalmente pola so obra Xeografía.

Biografía[editar | editar la fonte]

Foi un gran viaxeru que, aprovechando la paz romana, percorrió casi toles tierres de la ecúmene, aportando a Armenia n'Oriente, hasta Cerdeña n'Occidente, y dende'l mar Prietu nel norte hasta les llendes d'Etiopía nel sur. Percorrió'l Nilu hasta Asuán nuna espedición empobinada por Eliu Galu, prefeutu romanu de Exiptu.

D'él caltiénense namái dellos fragmentos del so trabayu históricu, les sos Memories históriques, en 43 llibros, complementu de la hestoria del griegu Polibiu. Sicasí sí se recueye casi por completu'l so magna Xeografía, datada ente los años 29 e.C., na que da empiezu'l so periplu, hasta l'añu 7. Consta de 17 volumes d'una descripción detallada del mundu tal como se conoció na antigüedá y tienen un gran valor, sobremanera como informe, poles sos propies y estenses observaciones. El terceru d'ellos dedícase a Iberia y lo que nél se diz foi arrexuntao d'otres fontes, sobremanera de Posidoniu, yá que Estrabón enxamás tuvo na península Ibérica. Na Xeografía pue vese un mapa d'Europa.

Como xeógrafu descriptivu refugó la obra de los xeógrafos matemáticos como Eratóstenes de Cirene o Hiparco de Nicea pol so calter puramente astronómicu o cartográficu. Esto llevó-y a un desdexamientu poles causes físiques de los fenómenos naturales, centrándose nos aspeutos humanos, la hestoria y los mitos pa componer una semeya de les xentes y los países qu'estudiaba.

Bibliografía[editar | editar la fonte]

  • Estrabón (1991-). Xeografía. Obra completa. Seis volumes. Editorial Gredos. Madrid. ISBN 978-84-249-1472-1.
   Volume I: Llibros I-II. 1991. ISBN 978-84-249-1473-8.
   Volume II: Llibros III-IV. 1998. ISBN 978-84-249-1493-6.
   Volume III: Llibros V-VII. 2001. ISBN 978-84-249-2297-9.
   Volume IV: Llibros VIII-X. 2001. ISBN 978-84-249-2298-6.
   Volume V: Llibros XI-XIV. 2003. ISBN 978-84-249-2373-0.