Gran Enciclopedia Aragonesa

De Wikipedia
Saltar a navegación Saltar a la gueta
Gran Enciclopedia Aragonesa
Datos
Tipu enciclopedia
Idioma castellanu
Data de publicación 1977
Tema principal Aragón
Páxina web enciclopedia-aragonesa.com
Cambiar los datos en Wikidata

La Gran Enciclopedia Aragonesa, davezu embrevida como GEA, ye una enciclopedia temática sobre Aragón.

Historia[editar | editar la fonte]

Antecedentes[editar | editar la fonte]

El precedente de la GEA ye la obra Los aragoneses,[1] espublizada en 1977 pola editorial Istmo; ún de los sos autores ye Eloy Fernández Clemente.

Ediciones impreses[editar | editar la fonte]

En 1978 José Mª Sáiz, fundador de la editorial Unión Aragonesa del Libro (UNALI) propón a Eloy Fernández Clemente entamar una enciclopedia sobre Aragón,[2] que va ser asoleyada ente 1980-1981. Esta primer edición de la Gran Enciclopedia Aragonesa espublizóse en 12 tomos y tuvo una gran acoyida.

Ente 1983 y 2007 publicáronse los Apéndices I a V. Fueron directores de los apéndices: Eloy Fernández Clemente (I, III ya IV), Manuel Martín Bueno (II) y Wifredo Rincón García (V).

En 1999, la editora del diariu El Periódico de Aragón adquirió los derechos de la enciclopedia y actualizóla, publicando al añu siguiente una nueva edición de la que se vendieron más de 8000 exemplares.[3]Esta nueva edición ye popularmente conocida como GEA 2000. En febreru de 2003, espublizóse'l so primer y únicu tomu d'actualización, l'apéndiz I qu'ente les sos fueyes recoyía los dos últimos años de la vida d'Aragón.[4]

GEA 2000 reordenó toles voces ya incluyó nun mesmu orde alfabéticu les de tolos apéndices publicaos hasta entós, Apéndiz I (1983), Apéndiz II (1987) y Apéndiz III (1997), polo qu'esa nueva edición tien 16 tomos.

GEA OnLine[editar | editar la fonte]

La enciclopedia empezó a pasar del papel a una versión en dixital en 2002, y en setiembre de 2003 llanzóse la versión 1.0 de la Gran Enciclopedia Aragonesa On-Line, que va ser conocida como GEA OnLine. El Gobiernu d'Aragón sofitó la revisión y anovación de los conteníos de la enciclopedia en llinia p'adautalos al currículu aragonés y fomentar asina'l so usu didácticu, al empar que'l so accesu llibre per internet.[5]

Bibliografía[editar | editar la fonte]

Referencies[editar | editar la fonte]

  1. Borrás, 2010, p. 176.
  2. Pinilla, 2010, p. 92.
  3. Gran Enciclopedia Aragonesa. «Quién somos» (castellán). Consultáu'l 12 d'ochobre de 2014.
  4. El Periódicu actualiza la Enciclopedia Aragonesa
  5. Gobiernu d'Aragón, Departamentu de Presidencia , 2007, p. 11028.

Enlaces externos[editar | editar la fonte]