Istituto centrale per il catalogo unico delle biblioteche italiane e per le informazioni bibliografiche

De Wikipedia
Istituto centrale per il catalogo unico delle biblioteche italiane e per le informazioni bibliografiche
organismu públicu y editorial
Llocalización
Sede Roma
Historia
Fundación1975
Fundador Angela Vinay
Forma parte de
Web oficial
Cambiar los datos en Wikidata

L'Istituto centrale per il catalogo unico delle biblioteche italiane e per le informazioni bibliografiche, más conocíu pola sigla ICCU, (n'asturianu: «Institutu central pal catálogu unificáu de les biblioteques italianes y de la información bibliográfica») ye un organismu públicu italianu que tien l'oxetivu principal de coordinar, promover y xestionar el catálogu y la rede del Serviciu Nacional de Biblioteques.

La ICCU relevó en 1975 al presistente Centru nazionale per il catalogo unico, institución que de la mesma fuera creada en 1951 pa catalogar el patrimoniu bibliográficu nacional.

L'institutu promueve y ellabora pa tol territoriu nacional programes, estudios ya iniciatives científiques de catalogación, inventariu y digitalización del patrimoniu bibliográficu y documental que se caltién nes biblioteques pertenecientes al estáu y a otres entidaes públicu y priváu italianes. Tamién desempeña una función de coordinación en rellación coles autoridaes llocales nel ámbitu de documentación, valorización y espardimientu del patrimoniu cultural que tienen les biblioteques col propósitu de definir un sistema nacional de servicios.

Actividaes y funciones[editar | editar la fonte]

El ICCU desenvuelve les actividaes y cumple les funciones siguientes:

  • Coordina, promueve y xestiona el catálogu y la rede del Serviciu Nacional de Biblioteques, entama los servicios de préstamu interbiblibliotecaro y emite documentos.
  • Coordina, promueve y xestiona les bases de datos nacionales rellacionaes col rexistru de manuscritos y de la so bibliografía, el rexistru y bibliografía del llibru antiguu, y l'inscripción nes biblioteques italianes.
  • Xestiona los procedimientos conforme al Serviciu Nacional de Biblioteques de l'aplicación de la xestión de les biblioteques.
  • Promueve y coordina el desenvolvimientu de les regulaciones nacionales y promueve normes y estándares internacionales, garantizando la uniformidá del catálogu y la producción de ferramientes de control bibliográficu.
  • Dende l'añu 2009 ye l'Axencia Nacional d'Italia pa la asignación del códigu d'ISIL,[1][2] de la cual realizó la traducción.[3]
  • Participa a nivel internacional na producción y actualización de normes y formatos bibliográficos.
  • Promueve y coordinar el desenvolvimientu de normes y directrices relatives a la digitalización del patrimoniu bibliográficu y documental, nos aspeutos referíos al archivu, xestión, caltenimientu y accesu a los recursos dixitales.
  • Coordina'l siguimientu de proyeutos de digitalización y ye responsable de la publicación y usu de los recursos dixitales, integrándolos col catálogu SBN.
  • Coordina'l portal Internet Culturale.
  • Entama les actividaes de formación nes distintes árees, ellaborando de programes didácticos tradicionales y d'aprendizaxe a distancia;
  • Participa en proyeutos internacionales nel campu del espardimientu d'información y digitalización, tales como CERL, DPE, Michael, TEL y Europeana.
  • Desenvuelve actividá editorial.

Les actividaes, llinies directrices téuniques y d'investigación se promueven y executen de conformidá coles direiciones xenerales del Ministeriu de Patrimoniu y Cultura y la Direzione generale per i beni librari (Direición Xeneral de Biblioteques), los institutos culturales y de derechos d'autor.

Referencies[editar | editar la fonte]

  1. Istituto centrale per il catalogo unico delle biblioteche italiane e per le informazioni bibliografiche (ed.): «ICCU Agenzia di Registrazione del codice ISIL per le biblioteche italiane» (19 de febreru de 2009).
  2. Istituto centrale per il catalogo unico delle biblioteche italiane e per le informazioni bibliografiche (ed.): «Codice Isil».
  3. Istituto centrale per il catalogo unico delle biblioteche italiane e per le informazioni bibliografiche (ed.): «Commissione tecnica UNI / DIAM».