Ríu Nilu
| Nilu | |
|---|---|
 | |
| Alministración | |
| Estaos | Uganda, Sudán y Exiptu |
| Xeografía | |
| Coordenaes | 0°25′03″N 33°11′42″E / 0.4174°N 33.1951°ECoordenaes: 0°25′03″N 33°11′42″E / 0.4174°N 33.1951°E |
  Ríu Nilu Ríu Nilu (Sudán) | |
| Llonxitú | 6.650 km |
| Altitú de la fonte | 1.134 m |
| Fonte |
Bosque de Nyungwe  y Lago Tana |
| Boca | Mediterraneu, Exiptu |
| Hidroloxía | |
| Superficie de la cuenca | 3.400.000 km² |
| Caudal mediu | 2.830 m³/s |
| |
El ríu Nilu (النيل n'árabe) ta allugáu nel nordeste d'África, naz en Burundi, nel ríu Kagera y dende la so principal fonte, el llagu Victoria n'África central, flui a traviés d'Uganda, Sudán y Exiptu, desembocando nel mar Mediterraneu ensamando un delta enanchu. El Nilu toma la so actual forma no cabero de la Era Terciaria, xunto cola formación del Mediterraneu. Ye'l segundu ríu más llargu del mundu, namái superáu pol ríu Amazones
Etimoloxía de la pallabra Nilu[editar | editar la fonte]
La pallabra Nilu (del árabe 'nīl) remanez de la pallabra griega Neilos (Νειλος), que significa «Valle del ríu». Na antigua llingua exipcia, el ríu yera nomáu Iteru, que significa «Gran ríu». En coptu, la pallabra piaro (Sahídicu) o phiaro (Boháiricu) significa «El ríu» (lliteralmente «La gran canal»), que vien del mesmu nome antiguu.
Historia[editar | editar la fonte]
El Nilu foi un elementu fundamental pal xorrecimientu de la civilización del Antiguu Exiptu. La mayor parte de la población y ciudaes alcontrábense nel valle del Nilu y el Delta. El Nilu foi vital pa la cultura exipciana dende la Edá de Piedra. El cambéu del clima, y la desertización, ensugaron les tierres de caza y pastoríu d'Exiptu pa ensamar el desiertu del Sáḥara, alrodiu del añu 8000 e.C.; entos, los habitantes asentáronse xunto al ríu Nilu, au desendolcaren una economía agrícola y una sociedá centralizada.
