Cuba

De Wikipedia
Saltar a navegación Saltar a la gueta
Cuba
República de Cuba
Flag of Cuba.svg Coat of arms of Cuba.svg
Bandera de Cuba Escudu de Cuba
Himnu nacional La Bayamesa
Alministración
Capital L'Habana
Presidente de Cuba Miguel Díaz-Canel
Primer Ministru de Cuba Miguel Díaz-Canel
Llingües oficiales castellán
División
Xeografía
Coordenaes 22°00′N 79°30′W / 22°N 79.5°W / 22; -79.5Coordenaes: 22°00′N 79°30′W / 22°N 79.5°W / 22; -79.5
Cuba (orthographic projection).svg
Superficie 109884 km² (puestu 105)
% agua cuasi nun tien
Costes 3.735 km
Llendes 29 km
Llenda con Estaos Xuníos
Puntu más altu Picu Turquino
Puntu más baxu Mar Caribe
Demografia
Población 11 265 629 hab. (2013)
Densidá 102,52 hab/km²
Xentiliciu cubanu, -a, -o[1]
Economía
Moneda pesu cubanu
PIB nominal 87 133 000 000 ()
Más información
Dominiu d'Internet .cu
Códigu telefónicu +53
Códigu ISO 192 / CUB / CU
Estaya horaria UTC-5
Cambiar los datos en Wikidata

Cuba[1], oficialmente República de Cuba, ye un país d'América asitiáu nun archipiélagu del Mar de les Antilles, tamién conocíu como Mar Caribe. Al norte alcuéntrense los Estaos Xuníos y Les Bahames, al oeste Méxicu, al sur les Islles Caimán y Xamaica, y al sudeste Haití.

Historia[editar | editar la fonte]

Artículu principal: Historia de Cuba

Demografía[2][editar | editar la fonte]

La población del país yera en 2010, según la Oficina Nacional de Estadísticas, de 11.241.161 habitantes. En cuantes a la distribución por grupos étnicos, el 65% son blancos, el 24% mulatos y el 10% negros; el 1% sobrante ye de xente d'otros grupos étnicos non especificaos.

Les principales ciudaes del país, según el so númberu d'habitantes, son:

Ciudá Población (2010)
L'Habana 2.135.498
Santiago de Cuba 492.891
Corrientes 358.223
Holguín 344.428
Camagüey 323.442
Santa Clara 237.646
Guantánamo 216.936

Política y gobiernu[3][editar | editar la fonte]

Organización política[editar | editar la fonte]

La llei cimera del país, la Constitución, foi promulgada en febreru de 1976, y reformada pola Asamblea Nacional en 1992. Amás, una nueva llei de reforma constitucional declaró, en xunu de 2002, la irrevocabilidá del réxime socialista na islla. El Partíu Comunista de Cuba ye l'únicu del país, y a él correspuénde-y, según la constitución, el papel de ser la fuerza dirixente superior de la sociedá y l'Estáu.

El poder llexislativu y constituyente tienlu l'Asamblea Nacional, que los miembros de so son elexíos poles asamblees municipales. Tien 610 miembros, nomaos diputaos, que representen a les quince provincies del país y al distritu especial de la Islla de la Xuventú. Nos 169 conceyos del país escuéyese, cada cinco años (la cabera eleición foi en 2008), un diputáu por cada 20.000 habitantes o fracción mayor de 10.000. A ella correspuénde-y nomar a los miembros del Conseyu d'Estáu, que'l so presidente ye al tiempu xefe del estáu y del gobiernu y xefe cimeru de les Fuerces Armaes del país.

Hai, tamién, eleiciones parciales cada dos años y mediu pa escoyer los miembros de les asamblees municipales. Los más de 15.000 delegados municipales del país foron elexíos por última vegada n'abril de 2010.

El poder executivu del país recái nel presidente del país. El que lo foi dende 1959, Fidel Castro, delegó, el 31 de xunetu de 2006, el poder nel so hermanu menor Raúl pa operase d'una enfermedá intestinal. En febreru de 2008 renunció pa siempres al poder dempués de tener gobernao el país 49 años y 55 díes, y Raúl Castro foi ratificáu como nuevu presidente del país. El 19 d'abril de 2018 Miguel Díaz-Canel foi nombráu presidente del país[4]

Gobiernu[editar | editar la fonte]

El xefe del estáu y, poro, del Conseyu d'Estáu, ye, dende'l 24 de febreru de 2008, Raúl Castro Ruiz. El so vicepresidente primeru ye José Ramón Machado Ventura, y los otros vicepresidentes son Esteban Lazo Hernández, Abelardo Colomé Ibarra, Ramiro Valdés Menéndez y Gladys Bejerano Portela. El presidente de l'Asamblea Nacional ye Ricardo Alarcón de Quesada.

El Conseyu de Ministros ta presidíu tamién por Raúl Castro, con José Ramón Machado Ventura como primer vicepresidente. Hay, tamién, otros seis vicepresidentes: José Ramón Fernández Álvarez, Marino Murillo Jorge, Ulises Rosales del Toro, Ramiro Valdés Menéndez, Ricardo Cabrisas Ruiz y Antonio Enrique Lussón Batlle. Fórmenlu, amás, los siguientes ministros y direutores d'institutos con rangu ministerial:

Partíos políticos y sindicatos[editar | editar la fonte]

Nel país nun hai más partíu qu'ún, el Partíu Comunista de Cuba. El so primer secretariu ye'l presidente del país, Raúl Castro, y el segundu secretariu el vicepresidente José Ramón Machado. Tocántenes a los sindicatos, hai unu namái. Llámase Central de Trabayadores de Cuba, ta presidida por Salvador Mesa y integra 19 sindicatos sectoriales, con más de dos millones d'afiliaos.

Xeografía[editar | editar la fonte]

Artículu principal: Xeografía de Cuba

Organización territorial[editar | editar la fonte]

El país ta sodividíu, dende'l puntu de vista alministrativu, en 15 provincies. Hai, amás, un distritu especial, el de la Islla de la Xuventú.

CubaSubdivisions.png

  1. Pinar del Río
  2. Artemisa
  3. La Habana (anantes Ciudá de L'Habana)
  4. Mayabeque
  5. Matanzas
  6. Cienfuegos
  7. Villa Clara
  8. Sancti Spíritus
  1. Ciego de Ávila
  2. Camagüey
  3. Las Tunas
  4. Granma
  5. Holguín
  6. Santiago de Cuba
  7. Guantánamo
  8. Conceyu Especial Islla de la Xuventú

Economía[editar | editar la fonte]

Artículu principal: Economía de Cuba

Referencies[editar | editar la fonte]

  1. 1,0 1,1 Academia de la Llingua Asturiana (2010). Cartafueyos Normativos. Nomes de los países del mundu y de les sos capitales y xentilicios. ISBN 987-84-8168-500-8.
  2. Los datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Axencia Efe. Disponible en http://www.anuarioiberoamericano.es/
  3. Los datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Axencia Efe. Disponible en http://www.anuarioiberoamericano.es/
  4. Miguel Díaz-Canel, propuestu oficialmente como presidente de Cuba en sostitución de Raúl Castro

Enllaces esternos[editar | editar la fonte]


Países d'América
Antigua y Barbuda | Arxentina | Les Bahames | Barbados | Belize | Bolivia | Brasil | Canadá | Chile | Colombia | Costa Rica | Cuba | Dominica | República Dominicana | Ecuador | Estaos Xuníos d'América | Granada | Guatemala | Guyana | Haití | Hondures | Méxicu | Nicaragua | Panamá | Paraguái | Perú | El Salvador | Saint Kitts y Nevis | Saint Lucia | San Vicente y les Granadines | Surinam | Trinidad y Tobago | Uruguái | Venezuela | Xamaica

Dependencies: Anguilla | Les Bermudes | Islles Caimán | Clipperton | Guadalupe | Guyana Francesa | Groenlandia | Islles Malvines | Islles Turques y Caicos | Montserrat | Martinica | Puertu Ricu | Shag Rocks | Xeorxa del Sur y Sandwich del Sur