Unión de la Llingua Neerlandesa

De Wikipedia
Saltar a navegación Saltar a la gueta
Los miembros de la Unión de la Llingua Neerlandesa
Onde se fala neerlandés

La Unión de la Llingua Neerlandesa (neerlandés: Nederlandse Taalunie) ye la entidá encargada de la proteición y promoción de la llingua neerlandesa, falada nos Países Baxos, Bélxica (la rexón de Flandes) y Surinam. Los mentaos Estaos, por aciu la Taalunie (nome de la ULN en neerlandés), tuvieron trabayando xuntos nes polítiques llingüístiques y na enseñanza del idioma y de la so lliteratura.

L'orixe de la Taalunie remontar a 1980 cuando los Países Baxos y Flandes roblaron el tratáu de fundación. En 2004, añedióse-yos Surinam (antigua Guyana neerlandesa, n'América del Sur). Últimamente l'oxetivu fundamental de la entidá ye'l de garantizar l'usu del neerlandés en toles situaciones cotidianes posibles, sobremanera les rellacionaes coles nueves tecnoloxíes, terrén nel cual el neerlandés llucha con bastante desventaxa frente al inglés, cuidao que la mayoría de falantes de neerlandés son prácticamente billingües col inglés.

Nun formen parte de la organización países como Sudáfrica o Namibia, nos cualos ye oficial el afrikáans, idioma deriváu del neerlandés ya intelixible con ésti, Indonesia, onde l'idioma foi pasu ente pasu deasapareciendo dempués de la so independencia, anque nos últimos años ta alicando pol interés de les xeneraciones más nueves por aprendelo o les islles que componíen les antigües Antilles Neerlandeses, una y bones éstes siguen perteneciendo a Países Baxos magar tener una autonomía pola cual funcionen na práctica como estaos independientes.

Enllaces esternos[editar | editar la fonte]



Unión de la Lengua Neerlandesa