Delmira Agustini

De Wikipedia
Saltar a navegación Saltar a la gueta
Delmira Agustini
Delmira Agustini.jpg
Vida
Nome completu Delmira Agustini Triaca
Nacimientu Montevidéu24  d'ochobre de 1886
Nacionalidá Bandera de Uruguái Uruguái
Fallecimientu

Montevidéu6  de xunetu de 1914

(27 años)
Sepultura Cementerio Central de Montevideo Traducir
Causa de la muerte homicidiu
Estudios
Llingües castellanu
Oficiu
Oficiu escritora y poeta
Movimientu modernismo Traducir
vanguardismo Traducir
Xéneru artísticu poesía
Cambiar los datos en Wikidata

Delmira Agustini Triaca (Montevidéu, 24 d'ochobre de 1886- ibídem, 6 de xunetu de 1914) foi una poeta modernista uruguaya.

Biografía[editar | editar la fonte]

Nació en Montevidéu en 1886 y yera fía de Santiago Agustini (m. 1925), uruguayu, y de María Murtfeld Triaca (1856-1934), arxentina.[1] Collaboró na revista La Alborada, tamién en Apolo, del poeta Manuel Pérez y Curis. Formó parte de la Xeneración del 900, xunto a Julio Herrera y Reissig, Leopoldo Lugones, Rubén Darío y Horacio Quiroga, al que consideraba'l so maestru. Darío llegó a comparala con Santa Teresa, diciendo d'ella que yera la única, dende la santa, n'espresase como muyer.[2]

La so poesía espresó l'erotismu femenín n'una dómina na que'l mundu taba apoderáu pol home. El so estilu pertenez a la primer fase del modernismu y les sos temes traten de la fantasía y de materies exótiques.[3]

Eros, dios del amor, simboliza l'erotismu y ye la inspiración para los poemes d'Agustini sobro los placeres carnales. Ye'l protagonista en munchos de los sos poemes y obres lliteraries, y a quien dedicó'l so tercer llibru tituláu Los cálices vacíos (1913), lo que significó la so entrada al movimientu de vanguardia.

Contraxo matrimoniu con Enrique Reyes el 14 d'agostu de 1913, pero por desavenencies conxugales separóse un mes y mediu más tarde, divorciándose'l 5 de xunu de 1914. En xunetu del mesmu añu foi asesinada pol so ex maríu, quien dempués se suicidó.

Memorial[editar | editar la fonte]

La ciudá de Montevidéu tien un espaciu memorial dedicáu a Delmira Agustini y a toles víctimes de la violencia de xéneru allugáu na cai Andes 1206, onde Delmira foi asesinada pol so ex maríu. Ye una obra del artista Martín Sastre y foi inauguráu en 2014 al cumplise 100 años del asesinatu de la poeta.[4]

Referencies[editar | editar la fonte]

  1. Instituto de Estudios Genealógicos del Uruguay Revista del Instituto de Estudios Genealógicos del Uruguay. Páx. 130. El Instituto, 2000
  2. Magazine Modernista.com. «Delmira Agustini y Rubén Darío». Consultáu'l 1 de mayu de 2018.
  3. (1969) Sexu y poesía nel 900. Los estraños destinos de Roberto y Delmira. Alfa.
  4. Motnevidéu (2014). «A ella». Consultáu'l 1 de mayu de 2018.

Enllaces esternos[editar | editar la fonte]