Organización territorial d'Uruguái

De Wikipedia
Mapa políticu d'Uruguái.

Uruguái ye un estáu xunitariu. Dixébrase en departamentos que tán gobernaos por un intendente municipal, escoyíu por sufraxu universal por una estada de cinco años. Los ediles de la Xunta Departamental actúen como poder llexislativu a nivel departamental.

Llista de departamentos[editar | editar la fonte]

Hai 19 departamentos:

Bandera Departamentu Capital Códigu ISO Área
(qum²)
Población
(2011)
Densidá
(hab./qum²)
Artigas Artigas UY-AR 11.928 73 378 6,15
Canelones Canelones UY-CA 4.536 520 187 114,68
Cerro Largo Melo UY-CL 13.648 84 698 6,21
Colonia Colonia del Sacramento UY-CO 6.106 123 203 20,18
Durazno Durazno UY-DU 11.643 57 088 4,90
Flores Trinidad UY-FS 5.144 25 050 4,87
Florida Florida UY-FD 10 417 67 048 6,44
Lavalleja Minas UY-LA 10.016 58 815 5,87
Maldonado Maldonado UY-MA 4.793 164 300 34,28
Montevidéu Montevidéu UY-MO 530 1 319 108 2.489
Paysandú Paysandú UY-PA 13.922 113 124 8,13
Río Negro Fray Bentos UY-RN 9.282 54 765 5,90
Rivera Rivera UY-RV 9.370 103 493 11,04
Rocha Rocha UY-RO 10.551 68 088 6,45
Salto Salto UY-SA 14.163 124 878 8,82
San José San José de Mayo UY-SJ 4.992 108 309 21,70
Soriano Mercedes UY-SO 9.008 82 595 9,17
Tacuarembó Tacuarembó UY-TA 15.438 90 053 5,83
Trenta y Tres Trenta y Tres UY-TT 9.676 48 134 4,97

Gobiernu[editar | editar la fonte]

D'atroxu col artículu 262 de la Constitución de la República, en materia d'alministración departamental "el Gobiernu y Alministración de los Departamentos, con esceición de los servicios de seguridá pública, sedrán exercíos por una Xunta Departamental y un Intendente. Tedrán la so sede na capital de ca departamentu y aniciarán les sos funciones sesenta díes dempués de la so eleición."

Amás, "l'Intendente, con alcuerdu de la Xunta Departamental, podrá delegar nes autoridaes llariegues l'exerciciu de determinaos cometíos nes sos respeutives circuscripciones territoriales"(...).

"Los Gobiernos Departamentales podrán alcordar, ente só y col Poder Executivu asina como colos Entes Autónomos y los Servicios Descentralizaos, la organización y prestación de servicios y actividades propies o ermunes, tanti nos sos respetivos territorios como en forma rexonal o entedepartamental."

Organización[editar | editar la fonte]

L'artículu 263 caltién que: "Les Xuntes Departamentales encadarmaránse de trenta y un miembros". Éstos exercerán nos sos cargos por una estada de cinco años, lo mesmo que los Intendentes que podrán asinamesmo ser reellectos desixéndose la so renuncia tres meses enantes d'entamar la campaña política.

El cargu d'Intendente alcuéntrase suxetu a sufraxu universal por parte de quienes s'afayen empadronaos nos departamentos au se lleve a cabu la sp eleición.

Competencies departamentales[editar | editar la fonte]

  1. Cumplir y facer cumplir la Constitución y les Lleis.
  2. Promulgar y espublizar los decretos sancionaos pola Xunta Departamental.
  3. Entamamientu de presupuestos cola debida aprobación de la Xunta Departamental.
  4. Aprobación d'impuestos, tases y contribuciones; Fitar los precios por emplegu o aprovechamientu de los bienes o servicios departamentales y homologar les tarifes de los servicios públicos a cargu de concesionarios o permisarios.
  5. Nomar a los emplegaos de la so dependencia, correxilos y suspendelos. Destituyilos en casu d'ineptitú, omisión o delitu, con autorización de la Xunta Departamental.
  6. Presentar proyeutos de decretos y resoluciones.
  7. Designar los bienes a espropiase por mor de necesidá o utilidá públiques.
  8. Designar miembros de les Xuntas Llocales.
  9. Velar pola salú pública y la istrcción primaria, secundaria, preparatoria, industrial y artística, proponiendo a les autoridaes competentes los medios afayadizos pa la so meyora.

Referencies[editar | editar la fonte]

Enllaces esternos[editar | editar la fonte]