Suiza

De Wikipedia
Saltar a: navegación, buscar
Suiza
Schweizerische Eidgenossenschaft
Confédération suisse
Confederazione Svizzera
Confederaziun svizra
Confoederatio Helvetica
Confederación Suiza
Flag-map of Switzerland.svg
Flag of Switzerland.svg Coat of Arms of Switzerland (Pantone).svg
Bandera de Suiza Escudu de Suiza
Lema nacional Unus pro omnibus, omnes pro uno1
(Llatín: Un pa toos y toos pa un)
Himnu nacional Himnu de Suiza
Alministración
Nome oficial Confoederatio Helvetica
Schweizerische Eidgenossenschaft
Confédération suisse
Confederazione Svizzera
Confederaziun svizra
Capital Berna y ensin valor
Forma de gobiernu Sistema directorial y república federal
Conseyu Federal de Suiza Conseyu Federal de Suiza
ensin valor ensin valor
Llingües oficiales Idioma Alemán, Italianu y francés
División
Xeografía
Coordenaes 46°47′55″N 8°13′55″E / 46.798562, 8.231973Coordenaes: 46°47′55″N 8°13′55″E / 46.798562, 8.231973
Europe-Switzerland.svg
Superficie 41285 km² (puestu 135)
% agua 4,2%
Costes Nun tien
Llenda con Austria, Liechtenstein, Alemaña, Francia y Italia
Puntu más altu Picu Dufour
Demografia
Población 8 211 700 hab. (setiembre 2014)
Densidá 198,9 hab/km²
Economía
Moneda francu suizu
PIB nominal 701 037 135 966 (2014)
PIB per cápita 80 945,08
Más información
Dominiu d'Internet .ch
Códigu telefónicu +41
Códigu ISO 756 / CHE / CH
Estaya horaria Hora central europea, UTC+01:00, UTC+02:00 y Europe/Zurich
www.admin.ch/
Cambiar los datos en Wikidata

La Confederación Helvética o Suiza (n'alemán Schweiz, n'alemán suizu Schwyz o Schwiiz, en francés Suisse, n'italianu Svizzera y en romanche Svizra) ye un Estáu Federal asitiáu nel centru d'Europa ensin salida al mar.

Tien llendes con Alemaña, Francia, Italia, Austria y Liechtenstein. El país tien una tradición secular de neutralidá política y militar, polo que ye sede de munches organizaciones internacionales. El so nome ye una derivación del nome d'ún de los cantones fundadores de la federación, "Schwyz". Ye ún de los países más ricos y desendolcaos del mundu.

Hestoria[editar | editar la fonte]

En 1291, patriotes de los tres cantones d'Uri, Schwyz y Unterwalden ficieron la "Carta de l'Alianza" que los xunió na llucha escontra los Habsburgos (Austries), quien naquella dómina yeren emperadores del Sacru Imperiu Romanu Xermánicu. Fechos sobre la independecia suiza pue lleese na obra "Wilhelm Tell" de Friedrich Schiller, ye perfamosa la cita nesta obra del Práu de Rütli au s'axuntaben los conxuraos escontra l'emperador. Na Batalla de Morgarten en 1315, los suizos algamaríen la independencia dafechu col nome de "Confederación Helvética".

Yá nel Tratáu de Westfalia nel añu 1648, reconocióse la independencia xurídica de Suiza del Sacru Imperiu Romanu Xermánicu por parte los estaos europeos. Na dómina de la Revolución francesa foi parte del Imperiu Napoleónicu. Pol Congreu de Viena de 1815, refizo la so independencia y foi'l momentu que se reconoz la neutralidá suiza por éstes.

Nel añu 1848, Suiza fizose una constitución confederal, na que la so capital sedría Berna. Les otres ciudaes candidates yeren Zúrich y Llucerna. Los xeitos d'esta constitución yeren pola necesidá d'un equillibriu ente los cantones y les pasaes engarradielles secesionistes de la guerra separatista del Sonderbund (lliga suiza católica) de 1845.

La igua de la constitución en 1874 foi pergrande y pasóse a un sistema federal pol establecimientu de compentencies pa la Confederación na materia d'asuntos llegales, de defensa y comerciu. Dende entos ye continua la meyora política, económica y social que tevo y tien la sociedá suiza.

Los suizos son perconocíos pola so histórica neutralidá política, qu'entama dende 1515 tres la derrota escontra Francia na Batalla de Marignano pola dominación del Milanesáu (anguaño Milán), y pola so non participación millitar en nenguna de les guerras mundiales. Nel añu 2002, Suiza convirtióse en miembru plenu de les Naciones Uníes.

Xeografía[editar | editar la fonte]

El paisax suizu ta encadarmáu polos Alpes, una alta cadena montañosa que crucia la fastera central y sur del país. Ente los altos picos de los Alpes Suizos ta El Picu Dufour qu'algama los 4.634 msnm. Nel Picu Dufour atópense numberosos valles y dellos con glaciares. D'esi llugar surden abondos de los ríos principales d'Europa, ente ellos el Rin, el Ródanu, el Enu, el Aare y el Tesinu, ríos que suelen desembocar nalgunos llagos, por exemplu, el Llagu Lemán, el Llagu de Zurich, Llagu Neuchâtel y el Llagu de Constanza. Éstos y otros llagos tien el so orixe glaciar y son patrimoniu de la Humanidá.

La fastera norte de Suiza, la más poblada, ye más abierta, pero inda tien abondos cuetos. El clima suizu ye normalmente templáu, pero pue camudar muncho dependiendo de la llocalidá, dende el severu clima nas altes montañes hasta'l prestosu clima mediterraneu na fastera sur.

Demografía[editar | editar la fonte]

Nel añu 2007, Suiza tevo una población de 7.554.000 habitantes. Los grupos étnicos principales son: alemán 65%, francés 18%, italianu 10%, otros (turcos, africanos, etc.) 6%, retorromanu 1%. Los tres idiomas oficiales son: l'alemán (faláu pol 63.7%), el francés (faláu pol 20.4%), l'italianu (falaú 6.5%) y el romanche. La esperanza de vida media ye de 80.6 años. El promediu de fíos por muyer ye de 1.44. La mestura étnica de Suiza d'anguaño ye la siguiente:

Suizos: 79.% Europeos: 16.7% Asiáticos: 2.4% Americanos (continentales): 0.7% Africanos: 0.7%

Economía[editar | editar la fonte]

Artículu principal: Economía de Suiza

Política[editar | editar la fonte]

Artículu principal: Política de Suiza

Una de les polítiques más importantes d'esti país con respectu al exércitu ye la de non poseyer un exércitu. Tolos suizos na edá millitar falten al so trabayu ensin perder prestaciones económiques p'asistir a maniobres millitares una vegada cada añu un mes.

Suiza posee un sistema de gobiernu que se diferencia de munchos vixentes anguaño, declárase democracia direuta, anque ye más bien una democracia semidireuta y na práutica sólo dos cantones anguaño caltienen esti sistema. Convocáronse referendos sobro les lleis más importantes dende la constitución de 1848.

Cualesquier ciudadanu pue oponese a una llei qu'apruebe el parllamentu. Si yecapaz de recoyer 50.000 firmes escontra dicha llei en 100 díes, tien de convocase un referendum federal en que los votantes deciden por mayoría simple si acepten o refuguen la llei.

Organización político-alministrativa[editar | editar la fonte]

La Confederación Suiza ta formada por 23 cantones. Como trés d'ellos tán dividíos en dos semicantones, el númberu exactu de xunidaes alminitratives ye de 20 cantones y 6 semicantones[1].

Swiss cantons
Cantón Capital Cantón Capital
Wappen Aargau matt.svg Argovia 19 Aarau Wappen Nidwalden matt.svg *Nidwalden 7 Stans
Wappen Appenzell Ausserrhoden matt.svg *Appenzell Rodes Esteriores 15 Herisau Wappen Obwalden matt.svg *Obwalden 6 Sarnen
Wappen Appenzell Innerrhoden matt.svg *Appenzell Rodes Interiores 16 Appenzell Wappen Schaffhausen matt.svg Schaffhausen 14 Schaffhausen
Coat of arms of Kanton Basel-Landschaft.svg *Basilea-Landschaft 13 Liestal Wappen des Kantons Schwyz.svg Schwyz 5 Schwyz
Wappen Basel-Stadt matt.svg *Basilea-Ciudá 12 Basilea Wappen Solothurn matt.svg Solothurn 11 Solothurn
Wappen Bern matt.svg Berna 2 Berna Coat of arms of canton of St. Gallen.svg Sankt Gallen 17 Sankt Gallen
Wappen Freiburg matt.svg Friburgu 10 Friburgu Wappen Thurgau matt.svg Turgovia 20 Frauenfeld
Wappen Genf matt.svg Xinebra 25 Xinebra Wappen Tessin matt.svg Tesinu 21 Bellinzona
Wappen Glarus matt.svg Glaris 8 Glaris Wappen Uri matt.svg Uri 4 Altdorf
Wappen Graubünden matt.svg Los Grisones 18 Chur Wappen Wallis matt.svg Valais 23 Sion
Wappen Jura matt.svg Xura 26 Delémont Wappen Waadt matt.svg Vaud 22 Lausanne
Wappen Luzern matt.svg Lucerna 3 Lucerna Wappen Zug matt.svg Zug 9 Zug
Wappen Neuenburg matt.svg Neuchâtel 24 Neuchâtel Wappen Zürich matt.svg Zúrich 1 Zúrich

*Estos cantones reciben el nome de semicantones y tán representaos namái por un conseyeru (en cuenta de los dos de los cantones completos) nel Conseyu Suizu d'Estaos.


Los 26 cantones tienen un estatus constitucional permanente y un gráu peraltu d'independencia. Toos ellos son iguales en condición según la Constitución federal, y caún tien la so propia constitución, y los sos propios parllamentu, gobiernu y tribunales[1]. Sicasí, hai diferencies importantes ente los cantones, neto en términos de población que d'estensión xeográfica. Los cantones comprienden un total de 2.485 municipios.

Dientro del territoriu suizu hai dos enclaves: Büsingen, que pertenez a Alemaña, y Campione d'Italia, que pertenez a Italia[2].

Referencies[editar | editar la fonte]

  1. 1,0 1,1 «Addresses of administrative authorities». Berna: A service of the Confederation, cantons and communes. Consultáu'l 29 d'ochobre de 2017.
  2. Enclaves del mundu.

Enllaces esternos[editar | editar la fonte]


Países d'Europa
Albania | Alemaña | Andorra | Austria | Bielorrusia | Bélxica | Bosnia y Hercegovina | Bulgaria | República Checa | Croacia | Dinamarca | Eslovaquia | Eslovenia | España | Estonia | Finlandia | Francia | Grecia | Hungría | Irlanda | Islandia | Italia | Letonia | Liechtenstein | Lituania | Luxemburgu | República de Macedonia | Malta | Moldavia | Mónaco | Montenegro | Noruega | Países Baxos | Polonia | Portugal | Reinu Xuníu | Rumanía | Rusia | San Marín | Serbia | Suecia | Suiza | Turquía | Ucraína | Vaticanu | Xeorxa | Xipre

Dependencies: Akrotiri y Dhekelia | Gibraltar | Guernsey | Islles Feroe | Islla de Man | Jersey | Svalbard ya Islla Jan Mayen

Rexón autónoma: Islles Åland

Países con status discutíu: Abkhasia | Kosovo | Osetia del Sur | Transnistria