Paraguay

De Uiquipedia
Saltar a: navegación, buscar
Gtk-find-and-replace.svg
Esti artículu necesita una revisión por un correutor qu'ha d'ameyorar la so ortografía, la so gramática, la so sintaxis o'l so vocabulariu. Tamién, iguar les referencies o semeyes o con enllaces francíos.
(ver la llista completa d'artículos pa correxir)


República del Paraguay
Tetã Paraguái
Bandera de Paraguay Escudu de Paraguay
(Bandera de Paraguay) (Escudu de Paraguay)
Lema nacional: Paz y Xusticia
Himnu nacional: Paraguayos, República o Muerte
Situación de Paraguay
Capital
 • Población
 • Coordenaes
Asunción
1.582.559 (2005)
25°16′ S 57°40′ O
Mayor ciudá Asunción
Idiomes oficiales castellanu, guaraní
Forma de gobiernu República democrática
Horacio Manuel Cartes Jara
Juan Audes Afara Maciel
Independencia D'España
14 de mayu de 1811
Superficie
 • Total
 • % agua
Llendes
Costes
Puestu 59º
406.752 km²
2,3%
3.920 km
Nun tien
Población
 • Total
 • Densidá
 • Densidá
Puestu 103º
6.672.631 (proyección 2012)
14 ab./km²
14 hab/km²
PIB (PPA)
 • Total (2010)
 • PIB per capita
Puestu 97º
USD 18.427 millones
USD 2.878 (2010)
Moneda guaraní
Xentiliciu Paraguayu, -a, -o
Zona horaria
 • en Branu
UTC-4
UTC-3
Dominiu d'Internet .py
Códigu telefónicu +595
Prefixu radiófonicu ZPA-ZPZ
Códigu ISO 600 / PRY / PY
Miembru de: ONX, OEA, CSN, Mercosur
Sitiu web del Gobiernu:
{{{web_gobiernu}}}

Paraguay Soníu (Pronunciación) (tamién Paraguái[1]) ye un país allugáu nel corazón d'América del Sur, dixebráu pol ríu Paraguay en dos rexones; Oriental y Occidental o Chaco. Comparte con Bolivia, n'América, la condición de ser los únicos países que nun llendan con dengún océanu. El so nome oficial ye República del Paraguay y la so capital ye la ciudá d'Asunción. Llenda al sur y suroeste con Arxentina, al este con Brasil y al noroeste con Bolivia.

Etimoloxía del topónimu[editar | editar la fonte]

Magar que ye abegoso facer una torna del guaraní, lo más dable ye que Paraguay signifique «agües del mar»: pará (mar) guá (denota orixen), ý (agua), podría considerase entós que Paraguay significa «Agua que vien del mar», equí quiciabes "mar" faciendo referencia al Gran Pantanal.

Historia[editar | editar la fonte]

Época Precolombina[editar | editar la fonte]

El territoriu del Paraguay oriental, esto ye, l'área ente'l ríu Paraná al sureste y el ríu Paraguay al noroeste, alcontrábase moráu por diverses etnies indoamericanes que s'alcontraben n'estáu de guerra ente elles. Entá nun se sabe si los lágidos foron los primeros n'ocupar el territoriu o si llegaren primero los pámpidos. Lo documentao ye qu'hacia 'l sieglu XV los amazónidos avá, conocíos comúnmente como guaraníes, llograron avanzar dende'l norte y l'este gracies a la so superioridá numérica y la posesión d'una cultura material más avanzao. La práutica d'una agricultura de roza facía-yos tener abondoses colleches de yuca, maíz y maní que, magar que permitíen alimentar a la so creciente población, fízo necesario, al medrar esta entá más, qu'ocuparan nuevos territorios.

Gracies a la so organización económica básica y a la so demografía, los Guaraníes organizáronse cuasi estatalmente, con xefes llamaos mburuvichá o tuvichá. Llégase a falar d'una civilización precolombina no que güei ye'l Paraguay oriental. N'efeutu, alcontráronse grafismos en diverses zones del Paraguay, anque nun pue precisase la o les etnies que los realizaron. Lo que güei ye'l Paraguay oriental basábase en numeroses tribus amerindies seminómades falantes principalmente de la llingua avañe'ê o guaraní, que yeren reconocíes poles sos fieres tradiciones guerreres. Practicaben una relixón politeísta mística, qu'empués mezclose col cristianismu.

Colonización[editar | editar la fonte]

El primer alcuentru documentáu de los guaraníes colos europeos ye'l d'Alejo García, esplorador español o en tou casu portugués nacionalizáu español que llueu de naufragar na Isla de Santa Catarina en 1525, dirixió antes de 1533 a un grupu grande de guaraníes que, subiendo'l cursu del ríu Pilcomayo llegó a les fronteres del Tawantinsuyu. D'esta espedición ye que surdió nel Chaco Boreal la etnia mixoxénica con predominiu guaraní nomada despeutivamente polos quechuas “chiriguanos”. Asina, les aliances (cuasi siempre asimétriques) ente guaraníes y españoles proliferaren n'oposición a otres etnies, principalmente escontra les delos llamaos peyorativamente “guaycurús” o “mbyás”.

Tres l'esfaimientu de la primera fundación de la ciudá de Buenos Aires, gran parte delos europeos procedentes desta ciudá refuxáronse na casa-fuerte que fundó Juan de Salazar y Espinosa. N'efeutu, l'esplorador español, natural d'Espinosa de los Monteros, fundó Asunción nel día de la Nuesa Señora de l'Asunción, el 15 d'agostu de 1537, nes cercaníes del pueblu lideráu pol mburuvichá Lambaré.

Pola alianza ente guaraníes y españoles, los varones de los españoles practicaron la polixinia. Por ello nos sos inicios Asunción yera conocida como “El paraíso de Mahoma”. Los fíos mestizos d'españoles fueron llamaos “mancebos de la tierra” y – algu insólitu nel restu de l'América colonia l- fueron consideraos españoles colos privilexos de tal “casta”. El motivu pa esto alcuéntrase nel valor estratéxicu que tenía'l territoriu del Paraguay. Pocos años empués, España repobló Buenos Aires con “mancebos de la tierra” nacíos n'Asunción y fundó les ciudaes de Santa Cruz de la Sierra, Corrientes, Santa Fe y les darréu destruíes ciudaes de San Francisco de Mbiaza, Ontiveros, Ciudad Real del Guayrá, la primera Villa Rica del Espírito Santo, Concepción de Buena Esperanza y Santiago de Jerez.

En 1541 la monarquía española nomó gobernador de “La Paraguaria” o Paraguay a Álvar Núñez Cabeza de Vaca. Llegó a Asunción l'11 de marzu de 1542, marchando dende la isla de Santa Catarina, y nesi trayeutu descubrió palos europeos les catarates del Iguazú, tres arribar a Asunción subió'l ríu Paraguay fasta'l actualmente llamáu Gran Pantanal. Pero, los asuncenos consideraron entrometida la presencia d'Álvar Núñez, polo cual en 1544 destituyeron, enzarraron y remitiéronlu a España y designaron a un vecín como gobernador. El rei confirmó a Irala en tal emplegu, de manera que los asuncenos llograron el singular drechu de nomar los sos propios gobernadores por 182 años, fasta 1735.

Mentanto gobernaba l'afamáu criollu Hernando Arias de Saavedra (Hernandarias), laciudá d'Asunción finalmente fo convertida por Real Orden del 16 d'avientu de 1617 nel centru d'una provincia colonial española, separada de la xurisdicción de Buenos Aires y otros territorios. Fo dalgo paradóxicu y contraproducente: si Juan de Garay dende Asunción y con asuncenos fundó de nueu la ciudá de Buenos Aires pa que sirviera al Paraguay como una “puerta de la tierra” ye dicir, como una fácil salida al Océanu aprovechando'l ríu Paraná, la rápida prosperidá del puertu de Buenos Aires induxo a la monarquía española a que se-y diera xurisdicción propia. Asina quedaron Asunción y elso territoriu mui aislaos del circuitu económicu mundial. Per otru llau, la rellación ente europeos criollos y “indios” guaraníes nun siempre fo idílica, como asina lo demuestra 'l gran alcíu desendolcáu pol tuvichá Oberá ente 1579 y 1616, qu'estendiose dende la rexón de Guarambaré fasta Asunción y la cuenca del Ypané.

Independencia[editar | editar la fonte]

El virreinatu del Ríu de la Plata fo creáu en 1776 pol rei Carlos III, integrando na so xurisdicción los actuales territorios d'Arxentina, Uruguay, Rio Grande do Sul y Santa Catarina, Paraguay, Bolivia y el norte de Chile. La creación del nueu virreinatu del Ríu de la Plata deslligó al Paraguay del Virreinatu del Perú. La capital del nuevu virreinatu alcontrábase na ciudá de [[Buenos Aires].

La creación del virreinatu obedeció a la necesidá d'organizar meyor l'alministración del extensu territoriu azotáu pol contrabandu y la constante penetración de los portugueses y lusobrasilanos.

En 1782, afitose nel virreinatu 'l réxime de les intendencies. Asunción yera, na Provincia o Intendencia del Paraguay, la única población con categoría de ciudá. La zona al sur del ríu Tebicuary y al este de la cordillera de Caaguazú pola so parte correspondía a la Gobernación de les Misiones Guaraníes (o Provincia Subordinada de les Misiones) constituyida co los restos de les Misiones Xesuítiques que pudieron quedar baxo control español.

En 1806 y 1807 prodúcense les Invasiones Ingleses qu'ocupen les zones del Virreinatu del Ríu de la Plata correspondientes a la Banda Oriental y a gran parte de Buenos Aires, dende Asunción y dende Córdoba unviáronse tropes que contribuyeron na victoria escontra los atacantes.

En 1810 llegó a Buenos Aires la noticia de qu'España fo ocupada por tropes franceses de Napoleón Bonaparte. Los patriotas arxentinos prepararon el movimientu revolucionariu. En Buenos Aires axuntáronse nun Cabildu Abiertu y afitaron la Primera Xunta (25 de mayu de 1810) col oxetivu de constituyir un congresu de to les provincies del Virreinatu del Ríu de la Plata, ye la Revolución de Mayu.

En 1810, por mor de la Primera Xunta independiente de Buenos Aires, el gobernador realista d'Asunción, Bernardo de Velasco unvió a Buenos Aires una nota comunicando la separación de la Provincia del Paraguay del Virreinatu del Ríu de la Plata, Velasco ylos sos adictos constituyeron una xunta el 24 de xunu de 1810, xunta qu'aumentó la so fidelidá a la monarquía española de Fernando VII.

En 1811 les tropes al mandu del Xeneral Manuel Belgrano marcharon nuna espedición pa llibertar al Paraguay, pero foron derrotaes na batalla de Tacuarí (9 de marzu de 1811) y na de Paraguarí polos realistas. El 14 de mayu de 1811 españó 'l movimientu revolucionariu paraguayu dirixíu no militar pol capitán Pedro Juan Caballero y no político pol gobernador Velasco, lo componíen amás Juan Valeriano Zeballos y José Gaspar Rodríguez de Francia. Velasco sería destituyíu antes d'un mes.

El 17 de xunu de 1811 un congresu nomó una xunta gubernativa presidida por Fulgencio Yegros. Afitose un proyeutu de confederación ente les Provincies Xuníes del Ríu de la Plata y Paraguay, pero los intereses contrapuestos de les élites porteñes y asuncenes chocaron coles intenciones de los patriotas y los pueblos. Fo incentivao pol Reinu Xuníu de Portugal, Brasil y Algarve. El 12 d'ochobre de 1811 firmose col un viáu de Buenos Aires, el xeneral Manuel Belgrano, un Tratáu d'Amistá, Auxiliu y Comerciu.

El Segundu Congresu Nacional axuntose del 30 de setiembre al 12 d'ochobre de 1813. Les decisiones deste segundu Congresu foron les siguientes: escoyose una nueva degobiernu, el Consuláu al frente de Fulgencio Yegros y del Dr. José Gaspar Rodríguez de Francia, adoptándose 'l nome de República que sustituyó al de Provincia. Poco empués Yegros fo quitáu del poder y Francia pudo declarase completamente opuestu a la confederación paraguayo-arxentina pues en Buenos Aires predominaben los unitarios (neste casu los partidarios d'un gobiernu centralizáu en Buenos Aires). El Congresu axuntáu 'l 3 d'ochobre de 1814, resolvió conceder el títulu de Dictador Supremu de la República del Paraguay, por un periodu de 5 años, a José Gaspar Rodríguez de Francia.

Non cumplíos entá dos años de la Dicatdura Temporal, el Cuartu Congresu Nacional,axuntáu 'l 30 de mayu de 1816, declaró dictador perenne a José Gaspar Rodríguez de Francia, cargu qu'ocupó fasta la so muerte en 1840.

El gobiernu de José Gaspar Rodríguez de Francia que duró 24 años, zarró 'l país a la influencia estranxera. Esti gobiernu nun tenía ministros, y nun permitiose nel exércitu un grau mayor qu'el d'alférez. Nos puntos estratéxicos de la República (Itapúa, Pilar,Concepción, Villarrica, Misiones, Fuerte Olimpo) mantenía delegaos, encargaos d'informar-y y de facer cumplir les sos órdenes.

En 1820, prodúxose una conspiración escontra 'l Dictador, pero fo descubierta y sóloforon a prisión, ente los qu'había algunos próceres de la independencia.

Nel aspeutu económicu tendiose a una autarquía. Incrementose l'agricultura, la ganadería y la industria casera. Confiscáronse la mayor parte de les grandes propiedaes, repartiéndose la tierra pa trabayarla. Nel aspeutu educativu zarrose 'l colexu de San Carlos, la única institución d'enseñu superior. Tres un cortu periodu anárquicu, un congresu reestableció un segundu consuláu en 1841, compuestu del mesmu mou qu'el primeru, por un militar, el comandante xeneral d'armes Mariano Roque Alonso y un civil, Carlos Antonio López (sobrín de Gaspar Rodríguez de Francia).

El 25 de payares de 1842 un congresu declaró formalmente la independencia del Paraguay respeutu de la Confederación Arxentina, comunicándose lo a Rosas, quien rechazola y nun fo reconocida pola Arxentina fasta 'l 17 de xunetu de 1852.

Carlos Antonio López, uno de los cónsules, ye escoyíu como presidente en 1844 y proclámase una constitución, la primera del país, que consagra un réxime de tipu presidencialista. Nel momentu del so gobiernu cesa la política d'aislamientu, organízase la instrucción pública ensin costu y obligatoria, y aníciase la construcción de caminos, ferrocarriles y edificios.

D'esti mou los años de formación del estáu paraguayu vieron tres fuertes líderes (emparentaos) qu'afitaron la tradición del gobiernu personal que duró fasta 1869: José Gaspar Rodríguez de Francia quien tres llibrase de los sos rivales Fulgencio Yegros y Pedro Juan Caballero, tomó 'l títulu de “Proteutor Supremu” y “Karaí Guasú” (Gran Señor), llueu sucedió - y el so sobrín Carlos Antonio López, y darréu 'l fíu d'esti últimu: Francisco Solano López.

Guerra de la Triple Alianza[editar | editar la fonte]

Francisco Solano López fo'l protagonista de la llamada Guerra de la Triple Alianza (1864-1870) na cual Paraguay lluchó escontra les fuerces axuntaes de Brasil, Uruguay y l'Arxentina, apoyaes pol Reinu Xuníu. De fechu fo l'Imperiu Británicu quien favoreció, estimuló y financió l'esfaimientu del prósperu país. Paraguay perdió la metá de la so población y el 90% de los varones mayores de 15 años, siendo Francisco Solano López muertu polos brasilanos combatiendo en Cerro Corá. Asina les tropes brasilanes ocuparon el país fasta 1874.

Sieglu XX[editar | editar la fonte]

Ente los años 1930 y 1940, les polítiques paraguayes foron difiníes pola Guerra del Chaco escontra Bolivia, la Guerra Civil Paraguaya (1947), dictadures militares, y periodos d'estrema inestabilidá política. El xeneral Alfredo Stroessner tomó'l poder en mayu de 1954. Escoyíu pa completar el periodu non acabáu del so antecesor, fo nomáu presidente siete vegaes, gobernando cuasi continuamente baxo la disposición d'estáu desitiu de la constitución col apoyu de los militares y el Partíu Coloráu. Nel momentu delos 34 años de gobiernu de Stroessner, les libertaes polítiques foron severamente limitaes, y los opositores al réxime foron sistemáticamente perseguíos baxo l'estandarte de la seguridá nacional y l'anticomunismu. Anque una constitución de 1967 dio duldo sa llexitimidá al control de Stroessner, Paraguay aislose progresivamente de la comunidá mundial.

El 3 de febreru de 1989 Stroessner fo derrocáu nun golpe militar encabezáu pol xeneral Andrés Rodríguez. Rodríguez, como 'l candidatu del Partíu Coloráu, ganó fácilmente la presidencia n'eleiciones sosteníes en mayu y el Partíu Coloráu dominó 'l Congresu. Nes eleiciones municipales de 1991, ensin embargu, los candidatos de la oposición ganaron varios centros urbanos principales, amás d'Asunción. Como presidente, Rodríguez instituyó reformes polítiques, legales y económiques y anició un acercamientu co la comunidá internacional.

Hestoria d'anguaño[editar | editar la fonte]

El 3 de febreru de 1989 produzse 'l golpe d'Estáu protagonizáu pol xeneral Andrés Rodríguez escontra'l dictador Alfredo Stroessner. Con él terminaba la más llarga dictadura paraguaya. Tres disolver el Parlamentu, el xeneral Rodríguez convocó aeleiciones pal 1 de mayu y anunció la llegalización de tolos partíos, esceuto 'l comunista.

L'1 de mayu de 1989, el candidatu del Partíu Coloráu, el presidente Andrés Rodríguez, consiguió 'l 74,1% de los votos na eleición presidencial. En cuanto a la eleición pa diputaos y senadores, el Partíu Coloráu alcanzó'l 66,4% (mayoría de 2/3). La constitución de xunu de 1992 afitó un sistema democráticu de gobiernu y meyoró considerablemente la proteición de los drechos fundamentales. En mayu de 1993, el candidatu del Partíu Coloráu, Juan Carlos Wasmosy, fo escoyíu como'l primer presidente civil del Paraguay en cuasi 40 años no que los observadores internacionales consideraron xustes y llibres. El nuevu Congresu escoyíu con mayoría de la oposición manifestó cola so independencia del executivu al abolir la llexislación pasada pol congresu domináu pol Partíu Coloráu.

El gobiernu de Wasmosy fo ún de los peores de la hestoria paraguaya. Nos momentos del so mandáu hebo dos graves crisis financieres locales, sobreviviendo sólo les entidaes financieres d'orixe estranxeru. La crisis tamién afeutó muncho a la clase media paraguaya y activó una crisis económica de la cual el país entá nun pue salir.

Conxuntamente a los malos resultaos no económico tamién viéronse afectaos los alcances obteníos empués el golpe del 1989 no político. L'enfrentamientu de Wasmosy col so principal promotor políticu, el xeneral Lino Oviedo, xefe de les Fuerces Armaes, qu'acusó de querer encabezar un golpe escontra él, quebró-y entá más l'apoyu del Partíu Coloráu y desató una crisis político-xudicial de la cual el país salió sólo en 1999 co larenuncia del presidente Raúl Cubas.

En 1996 Wasmosy alloñó del exércitu al xeneral Oviedo baxo l'acusación de querer encabezar un golpe escontra él, y en 1997, empués qu'Oviedo ganara la interna presidencial de Partíu Coloráu fízolu encarcelar y enxuiciar por un tribunal militar pol mesmo crime.

La conderga d'Oviedo imposibilitolu pa les eleiciones presidenciales de 1998 y nel sol lugar escoyose a Raúl Cubas. Como vicepresidente fo nomáu'l Dr. Luis María Argaña, rival políticu d'Oviedo y entós aliáu de Wasmosy.

Cubas, gracies al apoyu d'Oviedo, ganó-y a la oposición lliberal-encuentrista col 56% de los votos y tres díes empués d'asumir el cargu presidencial indultó a Oviedo, llibrándolu de la cárcel.

Los coloraos argañistas y wasmosistas y los partíos d'oposición contestaron fuertemente'l fechu y llograron a traviés de la Corte Suprema una anulación del indultu que Cubas nun acató.

Esti fechu provocó un pidíu d'enxuiciamientu políticu del mesmo delantre'l Congresu que por munchos meses, por falta de quórum, nun ameyoró.

En marzu de 1999 la situación política complicose entá más, col asesinatu de Luis María Argaña, vicepresidente y rival d'Oviedo, el 23 de marzu de 1999. La oposición atribuyó la culpa al xeneral Oviedo. La plaza del Congreso llenose de manifestantes escontra 'l gobiernu, mentanto 'l xuiciu políticu escontra Cubas tenía más fuerza, llevando a la Cámara de Diputaos a xulgar a Cubas el día siguiente.

L'asesinatu del 26 de marzo d'ocho estudiantes manifestantes que foron acabaos a tiros por desconocíos fizo claru qu'el Senáu votaría por destituyir a Cubas el 29 de marzu. Cubas arrenunció'l 28 de marzu y foise n'exiliu a Brasil. El mesmo día Oviedo escapó a l'Arxentina, u alcontró asilu políticu y llueu al Brasil.

A pesar de los temores de que los militares nun permitiríen el cambiu de gobiernu, el presidente del Senáu, Luis Ángel González Macchi, un opositor de Cubas, xuró pacíficamente como presidente'l mesmo día. González Macchi ofreció posiciones de gabinete nel so gobiernu a representantes mayores de los tres partíos políticos nun intentu por crear un gobiernu de coalición. A pesar de qu'el Partíu Lliberal espulsolu del gobiernu en febreru de 2000, el gobiernu de González Macchi llogró un consensu ente los partíos en munches materies controvertíes, incluyendo la reforma económica.

El lliberal Julio César Franco ganó la eleición d'agostu de 2000 p'enllenar la vacante vicepresidencial. N'avientu de 2001, Brasil ñegó al Paraguay el so pidíu p'estraditar a Oviedo p'enfrentar un xuiciu pol asesinatu de marzu de 1999 y l'incidente del “marzu paraguayu”. N'agostu de 2001, la cámara baxa del Congresu consideró pero nun pasó una moción pa xulgar a González Macchi por presunta corrupción y gobiernu ineficaz.

En 2003 Nicanor Duarte Frutos fo escoyíu y xuró como presidente.

El 20 d'abril de 2008 nunes eleiciones hestóriques, el Partíu Coloráu perdió la presidencia, llueu de más de sesenta años nel poder. L'ex-obispu Fernando Lugo xuró como presidente de la República'l 15 d'agostu de 2008.

Política y gobiernu[2][editar | editar la fonte]

Organización política[editar | editar la fonte]

L'actual Constitución de la República del Paraguay foi sancionada'l 20 de xunu de 1992. Acordies con ella, el Paraguay constitúise como un Estáu social de drechu, unitariu, indivisible y descentralizáu, qu'adopta como forma de gobiernu la democracia representativa, participativa y pluralista, fundada nel reconocimientu de la dignidá humana.

El Poder Executivu ye exercíu pol presidente de la República. Amás esiste un vicepresidente que, en casu d'impedimentu o ausencia temporal del presidente o vacancia definitiva de dichu cargu, sustitúilu con toles sos atribiciones. El presidente y vicepresidente son escoyíos por votación popular en forma conxunta pa un mandáu de cincu años, ensin posibilidá de reeleición.

El presidente ye'l xefe d'Estáu y de gobiernu de Paraguay. Tien, ente otres atribuciones, la facultá de nomar y remover a la so voluntá a los ministros del Poder Executivu, que son los xefes de l'alministración de les sos respeutives carteres, nes que, baxo la direición del presidente de la República, promueven y executen la política relativa a les materies de la so competencia. L'axuntamientu de tolos ministros, por convocatoria del presidente, llámase Conseyu de Ministros. Tien por finalidá coordinar los llabores executivos, promover la política del gobiernu y adoptar decisiones colectives.

El gobiernu de cada departamentu ye exercíu por un gobernador y por una Xunta Departamental, escoyíos por votu direutu de los ciudadanos pa un periodu de cinco años. El gobernador representa al Poder Executivu na execución de la política nacional. El gobiernu de los conceyos tá a cargu d'un intendente y d'una xunta municipal, escoyíos popularmente.

El Poder Llexislativu ye exercíu pol Congresu, bicamenral, con una Cámara de Senadores, de 45 miembros, y una Cámara de Diputaos, con 80 miembros. Les eleiciones pal Congresu celébrense en llistes zarraes (nun se vota por cada candidatu a diputáu o senador, sinon por una llista presentada por cada partíu políticu) simultáneamente cola eleición presidencial. Los diputaos escóyense por departamentu y los senadores nuna circunscripción nacional única. Unos y otros son escoyíos pa cinco años, y pueden ser reelexíos.

El muérganu cimeru del Poder Xudicial ye la Corte Suprema de Xusticia, a la que se subordinen los demás tribunales y xulgaos qu'establez la llei. El Senáu, col alcuerdu del Presidente, designa a los sos nueve miembros o ministros, sobre la base de tríos presentaos pol Conseyu de la Maxistratura, previa seleición basada nos méritos y nes aptitúes.

Gobiernu[editar | editar la fonte]

El presidente del país ye, dende'l 15 d'agostu de 2008, Fernando Lugo Méndez, que tien a Federico Franco como'l so vicepresidente. El presidente de la Cámara de Diputaos ye Víctor Bogado, y el del Senáu Jorge Oviedo Matto. El gabinete los ministros ta formáu polos siguientes ministerios y persones:

  • Agricultura: Enzo Cardozo.
  • Educación y Cultura: Víctor Ríos.
  • Facienda: Dionisio Borda.
  • Rellaciones Esteriores: Jorge Lara Castro.
  • Industria y Comerciu: Francisco Rivas.
  • Interior: Carlos Filizzola.
  • Xusticia y Trabayu: Humberto Blasco.
  • Defensa Nacional: Catalino Roy.
  • Salú Pública y Bienestar Social: Esperanza Martínez.
  • Obres Públiques y Comunicaciones: Cecilio Pérez Bordón.
  • Secretaría de Turismu: Liz Crámer.
  • Secretaría de la Muyer: Gloria Rubín.
  • Secretaría del Mediu Ambiente: Óscar Rivas.
  • Secretaría de la Infancia y la Adolescencia: Liz Torres.


Organización del territoriu[editar | editar la fonte]

El Paraguay ye un Estáu Unitariu qu'apoya la descentralización, na forma qu'establez la Constitución y les lleis. Palos efeutos del orde políticu y alministrativu del Estáu, el territoriu nacional dixébrase en departamentos, conceyos y distritos que, dientro de les llendes de la Constitución y les lleis, gocien d'autonomía política, alministrativa y normativa pala xestión de los sos intereses, y d'autarquía na recaudación ya inversión de los sos recursos.‎

El Paraguay tá organizáu en 17 departamentos y una capital, que ye l'asientu de los poderes del Estáu, constituyendo un conseyu, independiente de tou departamentu.

Xeografía[editar | editar la fonte]

Clima[editar | editar la fonte]

La temperatura media añal ye de 22 °C. Tamién l'amplitú térmica mensual ye de característiques templades y subtropicales. La diferencia ente'l mes más fríu y el más caldu allúgase polos 10 °C. Nel Gran Chaco les temperatures medies puen llegar a los ‎37,8ªC.‎

Paraguay tien un clima templáu a subtropical na rexón Oriental y un clima subtropical a tropical nel Chaco, que pue facese semiáridu nel Oeste. La rexón Oriental ye húmeda con munches lluvies a lo llargo del añu, con 1500 mm como referencia y con moderaos cambios climáticos daos poles estaciones. El Chaco, mentanto, ye más secu y esiste escasez d'agua. Nel branu les temperetures superen los 32 °C, y nel iviernu baxen fasta -‎‎2 °C.‎

El branu ye calorosu, con una temperatura media de 32 °C. N'iviernu la media ye de‎17 °C. Pola nueche 'l vientu modera la calor. Nos tiempos d'estivu son frecuentes les lluvies tormentoses. L'iviernu ye frescu y secu. La temperatura media anual allúgase ente 23º y 26 °C. La rexón esperimenta fuertes variaciones na temperatura. Nos meses de branu la temperatura suel alcanzar y superar los 40 °C. Los meses más secos son xunetu y agostu. Les lluvies más importantes rexístrense ente los meses d'ochobre a marzu, xeneralmente en forma de tormentes. La rexón Occidental rexistra baxo nivel de lluvies‎ (4000 mm a 1100 mm como media anual). Na rexón Oriental la media anual de lluvies allúgase ente 1400 mm a 1700 mm.‎

Los vientos que soplen del Brasil son caldos y con muncha humedá, demientres que los procendentes d'Arxentina son frescos y secos. En xeneral, nel país les temperatures son mui altes ente los meses d'avientu y marzu, con valores que superen los 36 °C. Sin embargu, estos valores puen cayer ente los meses de xunu y agostu.‎

Los valores estremos hestóricos rexistraos según la Direición de Meteoroloxía y Hidroloxía son na rexón Occidental: 44,8 °C na estación de Pedro P. Peña 'l 9 de payares de 1968 y -7,5 °C na estación Prats Gill el 13 de xunetu de 2000. Na rexón Oriental rexistrose 43,7 °C na estación de Caazapá'l 30 de payares de 1978 y -6 °C na estación d'Encarnación el 10 de xunu de 1945. Rexistráronse ñevades n'Encarnación (1975) y en Ciudad del Este (1982).

Les estaciones del añu en Paraguay:

Economía[editar | editar la fonte]

Paraguay tien una economía de mercáu carauterizada pola amplitú de la economía sumerxida. La economía sumerxida destácase tanto na reesportación a países vecinos de bienes de consumu importaos como nes actividaes de miles de microempreses y vendedores caleyeros urbanos.

Ente los servicios non básicos, los sectores de mayor relevancia na xeneración de riqueza son el comercial y el financieru, con una participación aproximada ente dambos del 28%. El ritmu d'espasión d'estos sectores ta suxetu a brusques oscilaciones pola mor de que dependen en gran midida del comerciu fronterizu y por disponer de recursos financieros.

La contribución del sector industrial al PIB ye sólo del 14%, datu que supón un porcentax per debaxo de los niveles apropiaos pa xenerar un rápidu crecimientu de la economía. Por mor de la importancia de la economía sumerxida, les midides económiques exautes son difíciles d'alcanzar. Na actualidá búscase ablanquiar esta situación cola execución del réxime de maquila, que yá esperimentó un crecimientu récor dende la so execución. Un porcentax grande de la población gánase la vida cola actividá agrícola y ganadera, siendo los principales productos d'esportación, la soya (42% del total de les esportaciones paraguayes) y la carne bovina (país certificáu como llibre de fiebre aftosa) y novenu esportador mundial.

L'agricultura ye'l sector económicu col potencial más grande. Los siete productos d'esportación más importantes son: la soya y los sos derivaos, carne vacuna, maíz, trigu, sésamu, aceite de xirasol y azucre, toos d'orixe agropecuariu. Les agro-esportaciones crecieron en ente 2007-2008 cuasi 60%. Col baxo costu de la mano d'obra, y un preciu baxu de la tierra agrícula, el sector ta siendo competitivu a nivel global.

El sector informal en Paraguay ye ún de los más altos de la rexón y el so más grave problema ye'l contrabandu. Pese a los insistentes reclamos de países vecinos, el contrabandu llegó a niveles altos.

N'estos momentos la economía paraguaya depende de les pequeñes y medianes empreses, qu'empleguen al 68% de la población ocupada. El gobiernu actual mantién un país macroeconómicamente estable, intentando romper el mieu de los inversores estranxeros a invertir, facilitando les xestiones, dando puxu a la maquila y proyeutando una meyor imaxe del país.

Los principales llazos comerciales y financieron que mantién Paraguay con otros países son: Arxentina, Uruguay, Brasil, Chile, Bolivia y España.

Tresporte[editar | editar la fonte]

El tresporte públicu ye'l más usáu y dase al traviés autobuses que circulen y cubren tola ciudá capital, amás de conectar con ciudaes del área metropolitana y el Gran Asunción. Tamién esisten autobuses internos con importantes flotes nes principales ciudaes del país.

Los autobuses de llarga distancia ya internacionales salen dende la Estación d'Autobuses d'Asunción, la mayor del país, qu'allúgase en forma estratéxica y conecta con tolos departamentos del Paraguay, u empreses d'autobús realicen viaxes diarios hacia l'Arxentina, Brasil, Bolivia y Uruguay.

Por mor de qu'el ríu Paraguay afluye al llau de la Ciudá d'Asunción, la mesma cuenta con una estación fluvial allugada nel centru de la ciudá. El Puertu d'Asunción allúgase dientro de la Bahía d'Asunción. Ye'l llugar u desembarquen les importaciones y u s'unvíen les esportaciones. Otros puertos más pequeños s'alcuentren nel Barriu Sajonia d'Asunción y otru nel puertu Itá Enramada, na Ciudá de Lambaré, y en Ciudad del Este.

En Luque, dientro del Área Metropolitana d'Asunción, alcuéntrase l'Aeropuertu Internacional Silvio Pettirossi, que tien vuelos a les principales ciudaes d'América del Sur. Ente los sos destinos alcuéntrase: Ciudad del Este, Buenos Aires, Montevideo, Punta del Este, Rio de Janeiro, Curitiba, São Paulo, Santiago de Chile, Santa Cruz de la Sierra, Cochabamba y Lima.

El segundu aeropuertu más importante de Paraguay ye l'Aeropuertu Internacional Guaraní, allugáu en Ciudad del Este.

Demografía[editar | editar la fonte]

Étnica, cultural y socialmente, Paraguay tien una de les poblaciones más heteroxénees d'América. Influyida socialmente pola cultura guaraní como tamién pola cultura de la época colonial española. El guaraní, que ye entendíu por más del 90% de la población, y el castellán son idiomas oficiales nel país.

Paraguay rexistra una estructura de población mayoritariamente xoven por mor de l'alta fecundidá. De cada diez persones, cuatru son menores de 15 años y la población de 15 a 29 años representa una cuarta parte de la población total.

La pocu constante pero significativa inmigración estranxera d'alemanes, italianos, españoles, árabes, brasilanos y arxentinos, influyó de forma significativa'l desarrollu del Paraguay, sobre too no económico.

La población del Paraguay distribúyese desigualmente en tol país. La gran mayoría de la xente vive na rexón Oriental, u allúgase Asunción, la capital y ciudá más grande, amás de varios departamentos.

El Chaco o rexón Occidental, qu'abarca cuasi'l 60% del territoriu, tien menos del 2% de la población nacional.

Dende 1950 la población paraguaya triplicose pasando d'1.300.000 a 4.152.588, dixebrades en forma equilibrada nes árees urbana y rural (50,3% y 49,7% respeutivamente) según el Censu Nacional de Población y Viviendes en 1992.

Les sos ciudaes más poblades son Asunción con cuasi 618.000 habitantes, darréu Ciudad del Este con 356.000 habitantes, San Lorenzo 320.000 habitantes, Lambaré 160.000 habitantes, Fernando de la Mora 130.000 habitantes, Capiatá 195.000 habitantes, Encarnación 105.000 habitantes, Luque 298.000 habitantes y Pedro Juan Caballero 110.000 habitantes. En total, la población d'Asunción, sumada a l'área metropolitana, da una población de cuasi 1.953.000 habitantes.

Cultura[editar | editar la fonte]

Llingua guaraní[editar | editar la fonte]

La llingua guaraní ye una llingua de la familia tupí-guaraní, falada por más 6 millones de persones (pa unes dos millones ye llingua materna) en Paraguay. El guaraní foi declaráu llingua oficial del Paraguay na Constitución del añu 1992, ocupando d'estamiente'l mesmu rangu que'l castellán.‎

Antaño'l guaraní yera una llingua nacional, según la Constitución de 1967. Pa que'l guaraní tuviere escritura, adautóse a les lletres llatines.‎

Por mor de la convivencia del guaraní col castellanu, ye mui corriente'l jopara o yopará, que ye la mestura de les dos llingües basaes na estructura gramatical del guaraní. Esta situación dase más na capital y los sos alredores.

Música[editar | editar la fonte]

El músicu Luís Alberto del Paraná (1926-1974).

La música paraguaya ye mui particular, anque siendo l'unicu país de Sudamérica u la mayoría de los habitantes fala la llingua d'orixe nativu, la so música ye totalmente d'orixe européu.‎

Los instrumentos más populares son l'arpa y la guitarra. L'arpa paraguaya tien muncha difusión y ye conocida en munchos países.‎

Los sos xéneros son la canción paraguaya o purahéi (polca) y la guarania, que ye una canción llenta que fo desarrollada por José Asunción Flores al rodiu los años 1920. Dalgunos exemplos son: “India”, “Recuerdos de Ypacaraí”, “Mi dicha lejana”, etc. Les composiciones preferides pa executar n'arpa son les onomatopéyiques y fuertes “Guyrá Campana”, “Tren lechero”, ente otres.‎

Pala danza esisten les vives polques y polques galopaes. La polca ye una danza de pareyes, mentanto les galopes son danzaes por un grupu de muyeres llamaes galoperes que xiren en formando un círculu, balanciando d'un llau pa otru un cántaruo xarrón.

Otra variante ye la danza de la botella, u la principal baillarina danza fasta con 12 botelles na tiesta una sobre otra. Tamién tan los Valseados, una versión llocal de los vals, como por exemplu “El Chopí”, “Santa Fe”, “Taguató”, “Golondrina”, etc.‎

Ún de los más conocíos esponentes de la música paraguaya fo Luis Alberto del Paraná, quien realizó varios viaxes por Europa y el restu del mundu por más de 30 años.‎

Turismu[editar | editar la fonte]

El Paraguay destácase por ser un atractivu turísticu pa visitantes que busquen la serenidá y la tranquilidá nel interior del país, en campos qu'ofrecen turismu rural, arrodiaos de formosos llugares naturales que fasta güei se conserven, como cerros, llagos y catarates, que son ideales pal descansu.

El turismu comercial estendiose bastante y Ciudad del Este ye la ciudá escoyida polos turistas de la rexón pales sos compres, siendo 'l principal ingresu económicu de la ciudá. N'Asunción alcuéntrense variaos servicios de gastronomía, hostelería y comercios de primer nivel.

Paraguay mantién fasta güei la mayoría de los sos edificios hestóricos, combinaos co les arbolades avenides na capital, que poseen la mayor infraestructura de centros comerciales, chigres, cines, casinos, teatros y llugares d'ociu del país.

Dende Encarnación parten escursiones pales ruines de les misiones xesuítiques construides ente'l sieglu XVII y el sieglu XVIII.

Artesanía[editar | editar la fonte]

La diversidá cultural nel Paraguay permite un desendolcu constante de les artesaníes. Nótase la influyencia indíxena nos bellos trabayos en fibres naturales, maderes nobles, semientes, plumes y otros materiales naturales. Tapices, cestes, banastres, collares y otros artículos d'escelente terminación.

L'artesanía paraguaya ofrez tamién delicaos productos testiles como l'ao po'i, l'encax llamáu ñandutí, xoyería n'oru y plata, vasos de cuernu talláu, hamaques, mantes, talles de madera, oxetos de cerámica y munchos otros artículos nos que se destaquen la creatividá y habilidá de los artesanos.

Relixón[editar | editar la fonte]

La relixón mayoritaria ye la católica, frutu del procesu d'evanxelización de los misioneros a los indíxenes y los otros habitantes nos sieglos XVI, XVII y entamos del XVIII. Hai menonites y otres minoríes protestantes.

Cada 8 de payares fácense procesiones a la Virxe de Caacupé, rumbu a la Basílica, allugada na ciudá de Caacupé. Tamién fácense procesiones a la Virxe de Itakuá.

Esisten grupos protestantes, xudíos, musulmanes y de relixones indíxenes qu'habiten nel país.

Medios de comunicación[editar | editar la fonte]

En Paraguay la llibertá d'espresión y la llibertá de prensa tan amparades pola Constitución Nacional. Nel país ha amplia ufierta de medios de comunicación palos sos habitantes, la mayoría de calter priváu y de grandes grupos inversores con capitales nacionales y estranxeros, qu'amás poseyen varios medios axuntaos a les sos redes corporatives.‎

Diarios[editar | editar la fonte]

Los diarios son publicaos en tol territoriu nacional. Los principales son:‎ ABC Color, Última Hora, La Nación, Crónica, Popular, Vanguardia y TN Press.‎

Telecomunicaciones[editar | editar la fonte]

La mayoría de los teléfonos fixos tan instalaos n'Asunción, Encarnación y Ciudad del Este. El serviciu fórnelu la empresa Copaco (Compañía Paraguaya de Comunicaciones), que tamién forne servicios d'Internet y tresmisión de datos. Internet ye forníu, amás, porotres empreses privades d'ISP, que fornen servicios de Dial-up, Wireless, ADSL,WiMAX.‎

Paraguay cuenta con cuatro empreses que fornen de telefonía celular: Tigo, Personal, Vox, y Claro. Estes empreses fornen a más del 95% del territoriu nes zones poblades delpaís, según les últimes estadístiques. Estes operadores fornen servicios de telefonía celular y tresmisión de datos con teunoloxíes GSM, EDGE, UMTS, HDSPA, 3G y‎3.5G.

Les cuatro compañíes de telefonía móvil aumentaron 16% les sos ventes nel primer trimestre del 2009, intégrenlo 5.954.388 llinies en tol país. Quier dicir qu'el 99,99% de los habitantes del Paraguay tien una llinia móvil, lo que reflexa'l llogru nel avance deles telecomunicaciones y el crecimientu de la economía n'esti sector.‎

Radios[editar | editar la fonte]

Esisten munches emisores radiales privades qu'operen n'AM y FM, siendo les principales Ñandutí AM, Cardinal AM, Rock&Pop FM y La Estación FM. La Radiu Nacional del Paraguay ye una radiu pública y l'unicu mediu de comunicación de calter estatal nel país. Opera n'AM y tien la mayor cobertura nel territoriu.‎

Esisten radioemisores comunitaries alternatives que tan a cargu d'organizaciones comunitaries, que surden de comunidaes organizades qu'utilícenles como ferramientes p'ameyorar les condiciones de vida de les sos comunidaes y facer visibles les sos realidaes con una llinia editorial independiente. Estes radios tan asociades al'Asociación Paraguaya de Comunicación Comunitaria.

Televisión[editar | editar la fonte]

Esisten en total 6 canales principales d'aire y 1 de cable que tresmiten dende Asunción o Gran Asunción a tol país. Son:

  • Red Guaraní (Canal 2)
  • Telefuturo (Canal 4)
  • Paravisión (Canal 5)
  • SNT TV Cerro Corá (Canal 9)
  • La Tele (Canal 11)
  • RPC (Canal 13)
  • Unicanal (Canal 8, Cable)

Estos canales ofrecen programes de producción nacional en xeneral, series,informativos, documentales ente otros.

Amás de la incursión de la televisión dixital paga, que da cobertura a toa l'área metropolitana, en dando como resultáu canales de cable con progrmes y producciones nacionales que componen gran parte de la televisión nacional.

Existen además otros canales locales en otras ciudades, los cuales en su mayoría, están asociados con los canales citados más arriba para la emisión de programas.

Esisten otros canales llocales n'otres ciudaes, los cuales na so mayoría, tan asociaos co los canales citaos enriba pala emisión de programes.

Deportes[editar | editar la fonte]

El deporte más practicáu y popular ye'l fútbol. La seleición de Paraguay ye una de les más fuertes del continente, siendo dos vegades campeona de la Copa América en 1953 yen 1979 y ganó un gallardón de plata nos Xuegos Olímpicos d'Atenes 2004 en siendo la única del país fasta 'l momentu y participó siete vegades na Copa Mundial de Fútbol.

Paraguay ye sede de la Confederación Sudamericana de Fútbol (Conmebol), na Ciudá de Luque.

Llueu del fútbol el deporte con más aficionaos ye'l rally col so eventu más tradicional: el Trans-Chaco Rally, dende 1971.

Otros deportes practicaos son el rugby, el baloncestu, el golf y el tenis.


Enllaces esternos[editar | editar la fonte]

Referencies[editar | editar la fonte]

  1. Cartafueyos Normativos. Nomes de los países del mundu y de les sos capitales y xentilicios, Academia de la Llingua Asturiana, 2010; ISBN 987-84-8168-500-8
  2. Los datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Axencia Efe. Disponible en http://www.anuarioiberoamericano.es/


Países d'América
Antigua y Barbuda | Arxentina | Islles Bahames | Barbados | Belize | Bolivia | Brasil | Canadá | Chile | Colombia | Costa Rica | Cuba | Dominica | República Dominicana | Ecuador | Estaos Xuníos d'América | Granada | Guatemala | Guyana | Haití | Hondures | México | Nicaragua | Panamá | Paraguay | Perú | El Salvador | Saint Kitts y Nevis | Saint Lucia | Saint Vincent y les Granadines | Surinam | Trinidad y Tobago | Uruguay | Venezuela | Xamaica

Dependencies: Anguilla | Islles Bermudes | Islles Caimán | Clipperton | Guadalupe | Guyana Francesa | Groenlandia | Islles Malvines | Islles Turques y Caicos | Montserrat | Martinica | Puerto Rico | Shag Rocks | Xeorxa del Sur y Sandwich del Sur