Comunidá Andina

De Uiquipedia
Saltar a: navegación, buscar
Bandera de la CAN

La Comunidá Andina (CAN) ye un organismu rexonal de cuatro países que tienen un oxetivu común: algamar un desenvolvimientu integral, más equilibráu y autónomu, por aciu la integración andina, suramericana y llatinoamericana. El procesu andín d'integración empecipió cola suscripción del Alcuerdu de Cartaxena'l 26 de mayu de 1969.

Miembros de la CAN

Ta constituyida per Bolivia, Colombia, Ecuador y Perú, amás de los órganos ya instituciones del Sistema Andín d'Integración (SAI). Enantes de 1996, yera conocida como'l Pactu Andín o Grupu Andín.

Venezuela foi miembru plenu fasta'l 2006. Chile n'orix foi miembru ente 1969-1976, pero retiróse mientres el réxime militar d'Augusto Pinochet por cuenta d'incompatibilidaes ente la política económica d'esi país y les polítiques d'integración del CAN. Esti país ye Miembru Acomuñáu dende'l 20 de setiembre de 2006, pero ello nun supón el reingreso al CAN.

Allugaos n'América del Sur, los cuatro países andinos arrexunten a casi 101 millones d'habitantes nuna superficie de 3.798.000 kilómetros cuadraos.