Danza

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener
Danza

La Danza o baille ye'l arte d'espresase con movimientos del cuerpu de mena estética y a traviés d'un ritmu, con o ensin son, esto ye que dalgunes dances nun necesiten música.

Pareya d'Esbardu baillando nel VIII Festival Intercélticu d'Avilés (2004)

La danza ye parte de la Historia de la humanidá dende'l escomencipio de los tiempos.

Los primeros antecedentes alcuentrense enes pintures rupestres. La hestoria de la danza reflexa los camudamientos enes rellaciones del pueblu respeutu al su conocimientu del mundiu,amás rellaciona los sus cuerpos y esperiencies colos ciclos de la vida.

La Danza n'Antigüedá[editar | editar la fonte]

  • Ente los romanos, l'aceptación de la danza por parte de los poderes públicos foy cayendu. La cristianización del Imperiu Romanu introduxo una nueva era ena que'l cuerpu, la sexualidad y la danza resultaron uníes y fueron obxetu de controversia y conflictos.

La Danza na Edá Media[editar | editar la fonte]

  • Por un llau alcontramos el rechazu de la danza comu instrumentu de permisividá sexual, llascivia y éxtasis por llíderes de la Ilesia comu San Agustín (354-430), influyendo pa tola Edá Media. Por otru llau, antiguos Padres de la Ilesia intentaron incorporar les dances propies de les tribus del norte, Celtes, Anglosaxones, Galos.. enos cultos cristianos.

El Reñacimientu y el ñacimientu del Ballet[editar | editar la fonte]

  • El Renacimientu traxo una nueva actitú hacia'l cuerpu, les artes y la danza. Les cortes d'Italia y Francia convirtieronse nel centru de nueos desarrollos na danza gracies a los mecenes a los mayestros de la danza y a los músicos que crearon grandes dances a escala social que ficieron que xurdieren munches cellebraciones y fiestes. Al tiempu la danza convirtióse n'obxetu d'estudios serios y un grupu d'inteleutuales autodenominaos la Pléyade trabayaron pa recuperar el teatru de los antiguos griegos, combinando la música, el soníu y la danza.

La Danza nel sieglu XX[editar | editar la fonte]

  • Depués de la Primer Guerra Mundial, les artes en xeneral cuestionen los valores establecios y busquen nueves formes de reflexar la expresión individual y un camin de la vida más dinámicu. En Rusia xurde un reñacimientu del ballet propiciau polos más brillantes coreógrafos, compositores, artistes visuales y diseñaores. N'esta empresa collaboraren autores comu: Ana Pavlova ena interpretación, Claude Debussy e Igor Stravinsky con música pa ballets y Pablo Picasso... ena ellaboración de decoraos y tramoyes.
  • Al tiempu de la revolución del Ballet xurden les primeres manifestaciones de les dances modernes. Comu reación a los estilizaos movimientos del ballet y al progresivu emancipamientu de la muyer xurdió una nueva forma de baillar que potenciaba la llibre expresión. Una de les pioneres d'esti movimientu foy Isadora Duncan. A midia que la danza foy ganando terrén, foy frayando toles regles.
  • Dende los años 1920 hasta aguañu nueves llibertaes nel movimientu del cuerpu foron los detonantes del cambiu de les actitudes hacia'l cuerpu. La música con influencies llatines, africanes y caribeñes inspiraron la proliferación de las sales de baille y de les dances comu la rumba, la samba, el tangu ó el cha cha cha. El renacer del Harlem fizo que xurdieren otres dances comu'l lindy-hop ó el jitterbug. A partir de la década de los 1950 tomaron el relevu otres dances más individualistes comu'l rock and roll, el twist y el nomau free-style; llueu apaeció'l disco dancing, el breakdancing...

Enllaces externos[editar | editar la fonte]

Dances
Wikimedia Commons tien archivos rellacionaos con: