Ilesia

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener

Pa otres aceiciones sobre la pallabra iglesia ver Ilesia (dixebra)

L'aceición más avezada de la pallabra ilesia griegu (ἐκκλησία) llatín ekklēsía (asamblea, conceyu) refierse al conxuntu o congregación de los fieles cristianos, yá seya de mou total o particular. Ye tamién el llugar de cultu de la fe cristiana

Etimoloxía[editar | editar la fonte]

La pallabra ilesia remanez de la voz griega ἐκκλησία (treslliteráu como ekklēsía) vía del llatín ecclesia.

El sustantivu ἐκκλησία caltien una doble heriede de significáu na Biblia[1]:

1. Nel ámbitu del mundu helenísticu non cristianu, denotaba una asamblea o conceyu de ciudadanos congregaos pola mor d'un apellu públicu (xeneralmente l'apellu d'un mensaxeru oficial o heraldu), p'asuntos davezu d'orde políticu, y estiéndese d'esta mena en pasaxes bíblicos como'l de Fechos de los apóstoles:

Cquote1.svg αλλοι μεν ουν αλλο τι εκραζον ην γαρ η εκκλησια συγκεχυμενη και οι πλειους ουκ ηδεισαν τινος ενεκεν συνεληλυθεισαν.
Y otros glayaben otra cosa; porque la ilesia taba alloriada, y la mayoría nun atalantaba por qué taben aconceyaos. —Fch 19, 32Cquote2.svg

2. Na Septuaginta (torna al griegu del Tanaj) emplégase davezu pa tornar la voz hebrea qâhâl (o kahal, treslliteración de קהל), que se refier a la congregación d'Israel o pueblu de Dios, como por exemplu en Salmos:

Cquote1.svg διηγήσομαι τὸ ὄνομά σου τοῖς ἀδελϕοῖς μου ἐν μέσῳ ἐκκλησίας ὑμνήσω σε.
Anunciaré'l to nome a los mios hermanos: en metá de la ilesia t'allabaré. —Sal 22, 22Cquote2.svg

Otros usos[editar | editar la fonte]

Interior de Santa María de Mave (Palencia).

Pola so antigüedá, la pallabra ilesia foi emplegándose col tiempu n'otros significaos, asina denómase Ilesia a:

  • Los edificios y templos cristianos.
  • Inmunidá del que s'acueye a lo sagrao.
  • Cada comunidá cristiana que se define como ilesia.
  • Estáu eclesiásticu qu'abarca a tolos ordenaos.
  • Gobiernu eclesiásticu xeneral del Papa, conceyos y prelaos.
  • Cabildu de les catedrales o colexates.

Referencies[editar | editar la fonte]

  1. *Carlos T. Gattioni; «Iglesia, significado de la palabra» en Diccionario Ilustrado de la Biblia, Wilton M. Nelson (editor), Editorial Caribe, Miami, Estados Unidos de América, 1983, p 295. ISBN 0899220339

Enllaces esternos[editar | editar la fonte]

ilesia
Wikimedia Commons tien archivos rellacionaos con: