Isadora Duncan

De Uiquipedia
Saltar a: navegación, buscar
Isadora duncan.jpg

Isadora Duncan (San Francisco, 26 de mayu de 1877 - Niza, 14 de setiembre de 1927) bailarina estadounidense. Figura mítica de la danza contemporánea, foi una de les grandes renovadores de la so disciplina, a la que-y dió una mayor naturalidá y llibertá d'espresión.

Los padres divorciáronse los pocos meses de nacer Isadora. A ello siguieron una riestra acontecimientos que terminaron col encarcelamientu de so pá, acusáu de fraude bancariu. Por ello foi la madre la encargada de la educación d'Isadora, na qu'había un llugar destacáu pa la música.

Na so adolescencia la familia instalóse en Chicago, onde entamó a estudiar danza clásica. La familia perdió tolo que tenía nun incenciu y marcha a vivir a Nueva York, onde Duncan ingresa na compañía del dramaturgu Augustin Daly. Al cumplir 21 años Isadora y la so familia treslládense a vivir a Londres, entrando a estudiar arte nel Muséu Británicu.

El so estilu de danza yera nuevu dafecho y rompía cola rixidez del ballet clásicu, apostando pola esponteneidá y la naturalidá, aportando los pegollos de la danza contemporania europea. Queriendo poner nel llugar afayaízu la belleza y l'armonía del cuerpu, Isadora nun duldó en mostralu casi desnudu, disimuláu solo por dellos velos, y bailando descalza. Amás Isadora utilizaba música de conciertu, que nun principiu nun tuviera pensada pa ser bailada. Too ello foi bien acoyido nuna Europa que vivía con intensidá les vanguardies del arte. Fundó compañíes de danza en dellos países europeos, y tuvo como alumnes a Martha Graham y a Mary Wigham.

Jules Grandjouan, dibuxante y revolucionariu conocíu polos sos dibuxos en L'assiette au berre, foi'l so amante, y fizo dellos dibuxos sobre la so danza.

Nos sos últimos años establecióse en Niza u consiguió la reconocencia que nun llogró nel so país. La so muerte foi tráxica al ser estrangulada pola so propia bufanda enganchada na llanta de la rueda del so coche. El so cuerpu reposa nel cementeriu parisín de Père Lachaise.