Lima
Lima ye la ciudá capital del Perú, asina como la so ciudá más grande y poblada. Asitiada na costa central del Perú, a orilles de l'Océanu Pacíficu, onde forma un área urbana continua conocía como Lima Metropolitana, la cual estiéndese sobre los valles de los ríos Chillón, Rímac y Lurín, dientro de les provincies de Lima, la so sede, y del Callao.
Foi fundada pol conquistador español Francisco Pizarro'l 18 de xineru de 1535, como la «Ciudá de los Reis». Foi la capital del Virreinatu del Perú durante'l réxime español y dempués de la independencia pasó a ser la capital de la República del Perú.
Según el censu de 2007, Lima Metropolitana tien alredor de 8,5 millones d'habitantes – siendo más de 7,6 millones residentes na Provincia de Lima –, esto ye'l 30% de la población peruana.
