Anticomunismu

De Uiquipedia
Saltar a: navegación, buscar
Cartelu del Partíu Conservador en 1909, na que'l socialismu ta representáu pola bestia y qu'afuega a Britania.

L'Anticomunismu ye la oposición al comunismu. Históricamente, la palabra comunismu foi usada pa referise a dellos tipos d'organización social y los sos partidarios, pero, dende mediaos el sieglu XIX, la corriente dominante del comunismu nel mundu foi'l marxismu. El comunismu marxista consiguió munchos más siguidores y oponentes que toles demás formes de comunismu xuntes. Así mismo, el términu anticomunismu emplégase principalmente pa referise a la oposición activa al comunismu marxista.

El marxismu, y la forma de comunismu acomuñáu a él, algamó la so notoriedá nel sieglu XX. L'anticomunismu entamó a desenvolvese como reacción a la creciente popularidá del movimientu comunista, y adoptó munches formes a lo llargo del sieglu. Los monárquicos conservadores europeos llucharon contra la primer rabasera de revoluciones comunistes dende 1917 a 1922. El fascismu y el nazismu basáronse nuna forma violenta d'anticomunismu; afalaben el mieu a la revolución comunista pa llograr poder políticu, ya intentaron destruyir el comunismu na Segunda Guerra Mundial. Los nacionalistes llucharon contra los comunistes en numberoses guerres civiles per tol mundu. Tanto'l conservadorismu como'l lliberalismu clásicu conformaren gran parte de les polítiques esteriores anticomunistes de les potencies occidentales, y apoderaron el pensamientu intelectual anticomunista na segunda metá del sieglu XX.

Tres la Revolución d'Ochobre en Rusia, el comunismu marxista quedó principalmente acomuñáu a la Xunión Soviética na imaxinación pública (anque había munchos marxistes y comunistes que nun sofitaben a la Xunión Soviética y les sos polítiques). Como resultáu, l'anticomunismu y la oposición a la Xunión Soviética fixéronse prácticamente indistinguibles, especialmente en política esterior. L'anticomunismu foi un elementu importante na política esterior de les Potencies de la Exa mientres los años 30 (Pactu Antikomintern) y de los Estaos Xuníos, el Reinu Xuníu, Xapón, Corea del Sur, Australia, Canadá, Israel, y otros países capitalistes mientres la Guerra Fría.

Ver tamién[editar | editar la fonte]