Fascismu

De Uiquipedia
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu

Fascismu (del italianu fascio, faz, fasces, al empar del llatín fasces, pl. de fascis) ye una ideoloxía y un movimientu políticu totalitariu que surdió na Europa d'enteguerres (1918-1939) n'oposición a la democracia lliberal y al proyeutu d'estáu socialista, frente a los que se presentaba como una tercera vía.

Les razones d'esta postura encuéntrense en que la democracia lliberal representaba los valores de los vencedores de la Primera Guerra Mundial y per otru llau el movimientu obreru tenía como referente a la recién revolución bolxevique.

Empondera la idea de nación frente a la de individuu o clase; desanicia la discrepancia política en beneficiu d'un partíu únicu y los llocalismos en pro del centralismu. Remana arteramente los medios de comunicación y el carisma de un llíder nel que se concentra tol poder. Aprovezse de los sentimientos de medrana y frustración coleutiva pa exaltalos per aciu de la violencia, la represión política y la propaganda, y desplázalos escontra un enemigu común (real o imaxinariu, interior o esterior), que fai de chivu espiatoriu frente al qu'empobinar tola atomía de mena irreflexivo, llogrando la unidá (voluntaria o per duana de la fuercia) de la población. Ye espansionista y militarista.