Escultura

De Uiquipedia
Saltar a: navegación, buscar
Escultura

La escultura ye l'arte de modelar, tallar o esculpir en barru, piedra, madera o otru material. Ye una de les Belles Artes na que l'artista s'espresa al traviés de volúmenes y espacios, asina como'l resultáu deste arte. Na escultura inclúyense toles artes de talla y cincel, xunto coles de fundición y moldeao, y en delles ocasiones l'arte de l'alfarería.

Devenir históricu[editar | editar la fonte]

Dende los tiempos más remotos el ser humanu tuvo la necesidá y la oportunidá d'esculpir. Entamó faciéndolo colos materiales más simples y que taben más a mano: barro y madera. Después fueron empleándose la piedra, los metales y toa una riestra bayurosa d'ellos.

Escultura del 'escriba sentáu'. Dinastía V. Sieglu XXV a. C.

La función de la escultura[editar | editar la fonte]

A lo llargo de la mayor parte de la historia de la humanidá, la mayoría de persones yeren illetraes, y la escultura cumplió tamién una función didáctica o pedagóxica, pa esplicar al pueble dellos acontecimientos o conceptos. Asina, na Edá Media, na dómina del arte románicu, ye frecuente referise a los relieves de los tímpanos de les portaes como «catecismos pétreos» o «biblies en piedra», executaos pa ilustrar a la población analfabeta.