Imperiu kushán

De Uiquipedia
Saltar a: navegación, buscar
Estensión del Imperiu kushán.

L'Imperiu kushán (alredor de los sieglos I y III) foi un imperiu de l'antigua India que —na cume del so poder (ente 105 y 250)— estendióse dende'l territoriu del actual Tajikistán hasta'l mar Caspiu y polo que güei ye Afghanistán hasta'l valle del ríu Ganges.

L'imperiu foi fundáu por una tribu de los yuezhi, la llamada kushán, procedente de la moderna Xinjiang (China) y posiblemente rellacionada colos tocarios. Tuvieron contactos diplomáticos con Roma, la Persia sasánida y China, y mientres dellos sieglos tuvieron nel centru de los intercambios ente Oriente y Occidente.

Escayencia[editar | editar la fonte]

Dende'l sieglu III, l'Imperiu kushán empezó a estazase.

Escontra l'añu 225 morrió Vasudeva I y l'Imperiu kushán estremóse en dos mitaes, la oriental y la occidental. Ente 224 y 240 los sasánides invadieron Bactriana y el norte de la India, onde son conocíos como los indo-sasánides.

Escontra 270, los kushán perdieron los sos dominios na enllanada del Ganges, onde l'Imperiu gupta establecióse alredor del 320.

A mediaos del sieglu IV, un vasallu del Imperiu kushán en Pakistán, llamáu Kidara, alzóse col poder, destronando a l'antigua dinastía. Creó un reinu conocíu como reinu kidarita, anque él considerábase probablemente kushán, según paez inferise de les monedes qu'acuñó. El reinu kidarita paez ser prósperu, anque nuna escala menor que'l so predecesor, l'Imperiu kushán.

Los restos del Imperiu kushán terminaron siendo barríos nel sieglu V poles invasiones de los hunos blancos y, darréu, pola espansión del islam.

Principales gobernantes kushán[editar | editar la fonte]

(Davezu'l períodu de gobiernu de los kushán ta discutíu)

Ver tamién[editar | editar la fonte]

Enllaces esternos[editar | editar la fonte]

En castellanu: