Mesopotamia

De Uiquipedia
Saltar a: navegación, buscar
Mapa de l'antiga Mesopotamia

Mesopotamia (del griegu tierra ente dous riúes) yera antigamente la rexón allugada ente'l riéu Tigris y el riéu Eufrates y el Golfu Pérsicu. Considerába-ylu como un verxel, yá que fuera d'esas fronteras naturales namái a un greyu d'ermos. Ye'l llugar u naciorun las primeras ciudaes-estaos talas como Ur, Uruk y Lagash dao que dende'l 5000 a.C. desendólcase la civilización sumeria, siendo una de las primeras de tol mundiu. Ye considerada'l bierzu de la civilización yá que nella desendólcase la primera escritura de la que tenemos noticia, la cuneiforme, asina como la navegación, los primeros testos xurídicos ou el primer estáu, la ciudá de Súmer. La necesidá del cambéu nas condiciones de vida fixo que las nuevas civilizaciones enchenaran esta rexón de grandes canales que facilitaban el riegu y el sou emplegu posterior comu tierras d'agricultura; amás nesta estaya apaecen las primeras norias y los primeros embalses, éstos emplegaban l'escedente del augua de las crecidas de los riéus principales que conforman Mesopotamia.

La rexón divídese noutras dúas nomada baxa y alta. La Mesopotamia Baxa ou Caldea, tuvo habitada por sumerios y acadios que yeran más agrícolas y menos guerreros que los habitantes de la Mesopotamia Alta ou Asiria, más montañosa y habitada polos asirios, una cultura principalmente dedicada a la guerra.

La nacencia de la escritura[editar | editar la fonte]

Himnu a Iddin-Dagan, rei de Larsa. Iscripciones cuneiformes en sumeriu d'al rodiu del añu 1950 edC.

Eiquí fou'l primer llugar del mundiu onde apaez la escritura, hai más de 5.000 años, comu resultáu del xorrecimientu de las ciudaes, y con eillas de las civilizaciones. Xurde comu final d'un procesu de creyación cultural, comu rexistru de la estrutura d'una sociedá y las súas rieglas: económica, llegales, gubernativas. Más tarde seiria la simiente de los llibros sagraos y de las súas mitoloxías. Esta primera forma de rexistrare las pallabras ye conocida comu alfabetu cuneiforme, y nun principiu representaba a la llingua sumeria, ésta ye de duldosa filiación y entá nun ta claru nin el sou orixen nin si yera una llingua aisllada ou emparentada con outras.

División hestórica[editar | editar la fonte]

Esta gran rexón, comu cruz de caminos, fou una tierra convulsa y nel estensu períodu que vivíu comu xunidá hestórica tuvo cuatru marcadas dóminas, entamadas polos pueblos que gobernorun tol enxeme cultural mesopotámicu.

  • Dómina sumeria: Nu tercer mileniu a.C., carauterizada pola esistencia de las ciudaes estaos.
  • Dómina acadia: Al rodiu del 2330 a.C., Sargón I, funda l'imperiu acadiu.
  • Dómina babilónica: Circa 1.800 a.C., la ciudá estáu de Babilonia algama la hexemonía na rexón y creya l'imperiu homónimu.
  • Dómina asiria: Nel postreiru mileniu a.C. fúndase l'imperiu asiriu que se caltién dica la conquista persa de Mesopotamia, nu sieglu VI a.C.

Sociedá[editar | editar la fonte]

La sociedá yera piramidal col rei nu cimeiru, de siguíu diban los sacerdotes, dempués los funcionarios; ente los que destacaba la figura del escriba. Na base taban los campesinos, los artesanos y entá más abaxu los esclavos y las muyeres, dau que dambas clases yeran consideradas propiedaes. Pa regular esta sociedá fuertemente estruturada xurdíu'l primer códex llegal, el códigu d'Hammurabi.