Baltimore

De Uiquipedia
Saltar a: navegación, buscar
Baltimore, Maryland

Baltimore ye la ciudá más grande del estáu estaunidense de Maryland, y la vixésimu cuarta mayor del país. Allúgase na fastera central del estáu, a la vera del ríu Patapsco na ensenada de Chesapeake. Ye una ciudá independiente; poro, munches veces apaez col nome de Baltimore City pa estremala del condáu de Baltimore, que la arrodia. Recibió'l so nome n'honor de Lord Baltimore, fundador de la colonia británica de Maryland.

La so población (U.S. Census Bureau, 2012) ye de 621.342 habitantes. Esi añu ganó 1.100 habitantes con respectu al añu anterior dempués de cuasi sesenta años perdiendo población, que tuvo'l so cumal en 1950. Na so área metropolitana, la vixésima mayor del país, vivíen en 2010 alredor de 2,7 millones de persones. La ciudá ye, tamién, la mayor de la conurbación Baltimore-Washington, qu'axunta a 8,4 millones de persones.

Fundada en 1729, la ciudá ye'l segundu mayor puertu de la fachada atlántica del país, y ye'l más averáu a los mercaos del Mediu Oeste de tolos de la costa este de los Estaos Xuníos. El so puertu foi nel pasáu el segundu que más recibía del país, y puertu de salida del importante sector industrial de la ciudá. Tres la decayencia de la industria la ciudá reorientose hacia una economía de servicios; l'hospital Johns Hopkins y la universidá homónima son, anguaño, les dos empreses nes que más xente trabaya.

La zona nomada Downtown Baltimore ye'l centru económicu de l'área metropolitana y la zona demográficamente más dinámica. Nun radiu d'una milla alredor de les cais Pratt y Light hai 103.000 empleos, 42.000 habitantes y 18.000 estudiantes; ye la octava del país con mayor densidá residencial y la decimoquinta en densidá d'empléu.

Vista nocturna del Baltimore Inner Harbor

Enllaces esternos[editar | editar la fonte]

Baltimore
Wikimedia Commons tien archivos rellacionaos con: