Quesos d'Asturies

De Wikipedia
(Redirixío dende Quesu d'Asturies)
Saltar a navegación Saltar a la gueta
El Quesu Cabrales el quesu asturianu más conocíu internacionalmente
Quesu afuega'l pitu, Trapu blancu, tamién lu hay trapu roxu, que ye picante

El quesu ye un elementu fundamental de la gastronomía asturiana. Hai testimonios qu'afiten que nel ámbitu rural la fabricación de quesos notros tiempos yera abundante y parte de la vida cotidiana. Esta yera una producción familiar, resultáu del escesu de producción llechera y pal consumu, llegando a ser hasta medíu de pagu. La so comercialización pue considerase más bien escasa. Yá Xovellanos nel sieglu XVIII calificó los quesos asturianos como «muy ricos y regalaos», asegurando que yeren lluendios de comercializar, ente otres coses, polos inconvenientes materiales pa la so conservación.

Esti datu últimu ye fundamental pa atalantar el porqué d'esi ámbitu familiar na producción quesera d'Asturies. El tipu de quesu que se facia, non como n'otros llugares d'Europa, yera de difícil tresporte y conservación, ya que nun taben fechos a partir d'una pasta cocía y prensada que favoreciere tales menesteres.

A entamos del sieglu XX la ganadería asturiana alquirió cada vez más importancia na economía del país, llegando a aportar na década de los años 20 más del 20% al total de la producción lláctea del Estáu español, convirtiéndose d'esta manera nel primer productor.

Más tarde, vería un retrocesu pol cambio de cadarma socioeconómica, que motivó una crisis nel campu asturianu, llegando a perder el primer puestu na producción llactea estatal. Esto motivó que la artesanía del quesu decayera aína. L'únicu que se caltuvo con una gran relevancia foi'l Quesu Cabrales.

Nos últimos años del sieglu XX, consecuencia del Tratáu de Maastricht y la esistencia de cuotes llácties, la cabaña ganadera asturiana mengua abondo. Pesie a ello, parez que la ellaboración artesana revive gracies a las distintes cooperatives,Denominación d'Orixe Protexida, y al renováu interés pola cultura popular y tradicional. Yá nun ye namái'l Cabrales el que tien una gran proyeición incluso fuera de les fronteres asturianes, sinon qu'otros como'l Casín o'l Afuega'l Pitu cada día cobren más protagonismu.

Variedaes[editar | editar la fonte]

Esisten 42 variedaes de quesos asturianos artesanos. D'ellos tres tienen anguaño Denominación d'Orixe:

Quesos de vaca[editar | editar la fonte]

Quesos de cabra[editar | editar la fonte]

Quesos d'oveya[editar | editar la fonte]

  • Quesu de Xalón: Cangas del Narcea.
  • Quesu Ovín. Nava. Variedá lleche d'oveya.
  • Quesu de Collada: Amieva. Variedá lleche d'oveya.
  • Quesu Oveyeru: Amieva.
  • Quesu de Porrúa: Llanes. Variedá de lleche de cabra.

Quesos de mecedura de lleche[editar | editar la fonte]

Enllaces esternos[editar | editar la fonte]