Quesu de Xinestosu
| Quesu de Xinestosu | |
|---|---|
 | |
 |
El quesu de Xinestosu o Queisu-i Xinistosu ye unu de los quesos tradicionales ellaboraos n'Asturies.
Ellaboración
[editar | editar la fonte]Esti quesu antiguamente de cabra y oveya fabrícase anguaño con lleche de vaca. La lleche acabante de catar sálase y améstase-y el cuayu. Depués de cuayar córtase y métese nos moldes. Pasados tres díes rectifícase de sal y amásase la pasta resultante. Una vez amasao prénsase llateralmente a lo llargo d'otros trés díes. Una vez acabáu'l prensáu ponse a curar nun ambiente secu de tres a cuatro selmanes.
Carauterístiques
[editar | editar la fonte]La producción d'esti quesu anguaño ta casi desaparecida si bien dende instancies oficiales ta tratanse de da-y un nuevu puxu. La so producción remóntase a la treshumancia que se facía na zona hacia Castiella y Extremadura que traíen los moldes d'espartu colos que se prensaba'l quesu[1]. Taba ellaboráu polos pastores cola lleche de les sos oveyes y cabres.
Ye un quesu grasu y semiblandu de forma tronconiforme colos llaterales cóncavos de tamañu inferior al kilo. L'interior ye blanco amarillento y la corteza ye amarillo claro.
Zona d'ellaboración
[editar | editar la fonte]La zona d'ellaboración d'esti quesu reduzse cuasi esclusivamente al pueblu de Xinestosu nel conceyu de Cangas del Narcea.
Ver tamién
[editar | editar la fonte]Referencies
[editar | editar la fonte]- ↑ [1] web del Conceyu de Cangas, consultada'l 11 d'abril de 2012
| Control d'autoridaes |
|
|---|
Datos: Q9065214