Quesu de Pría

Pría
Zona d'orixe	Asturies
Rexón	Oriental
Pasteurizao	Sí
Materia graso	Mínimu: 45%
Conteníu proteínicu	Mínimu: 35%
Tamañu	Alzada: 5-12 cm Diámetru de la base: 17-25 cm
Pesu	0,5-0,8 kg/1,5-2 kg
Avieyamientu	60 díes

El quesu de Pría ye un tipu de quesu que s'ellabora nel oriente d'Asturies.

Zona de producción

Ellabórase esclusivamente na parroquia llanisca de Pría, nos llugares de Belmonte, Garaña, Llames, La Pesa, Piñeres, Silviella y Villanueva. Ye una zona costera y de clima oceánicu, con temperatures seles y precipitaciones abondoses que propicia l'apaición de paciones.

Ellaboración

Utilízase lleche pasteurizao de vaca, a la que se-y amiesta ñata de lleche d'oveya. Calezse a 30 °C con cuayu natural, marciando dempués d'una media hora. Llueu, cúrtiase la cuayada resultante y se vuelve a recalentar (35 °C) pa que la grana gane en consistencia. Entós, introdúcese nos moldos y se caltién presando 24 hores, pa darréu salalo en salmoria.

Tres oriar, déxase na cámara de maduración ente ún y dos meses. Será entós cuando se realice'l fumáu, realizando por ficción de maderes de carbayu (principalmente) y de fayes, que poseyen poca combustión. Al tar el fumu xenerao n'anovamientu continuu, evítase que los compuestos nocivos perxudiquen al quesu, que pola contra ganará en sabor y arume.

El tiempu de maduración y curación determinará'l so máximu puntu de calidá, aconseyándose los que cuenten con 2 meses de curación.

Carauterístiques

Interior del quesu fumao de Pría.

Trátase d'un quesu semiblandio, de forma cilíndrica y llaterales redondos. La so pasta ye de consistencia firme, de color blanco-mariella. y presenta dellos güeyos de pequeñu tamañu. Tien dos tamaños estándar; un d'ente 500 y 800 gr y el mayor, de 1,5 o 2 kilogramos. Tien una corteya dura y nidia y de color parda. Tien un tastu sele, con un carauterísticu golor a fumu.

Variedaes

Esiten dos clases; el semicurao de Pría y el quesu fumao de Pría, de mayor sonadía.

Ver tamién

• Quesos d'Asturies

Referencies

• Datos: Q5493317