LibreOffice

De Wikipedia
Saltar a: navegación, buscar
Ficha de softwareLibreOffice
LibreOffice logo.svg
LO Screenshot.png
Desendolcador(es) The Document Foundation
Versión inicial 14 ochobre 2010
Versión estable 4.4.0[1]
Escritu en Java, C++ y Python
Sistema operativu Multiplataforma
Plataforma x86 y x86-64
Tipu paquete de oficina y Bifurcación (desarrollo de software)
Llicencia LGPL
N'asturianu Yes check.svg (multiplataforma)
Más información
Twitter libreoffice
Facebook libreoffice.org
Google+ +libreoffice
Youtube UCQAClQkZEm2rkWvU5bvCAXQ
Sitiu web Web oficial
Códigu fonte Códigu fonte
Cambiar los datos en Wikidata


LibreOffice ye una suite ofimática llibre y gratuita, compatible con Microsoft Windows, Mac y GNU/Linux. Cuenta con un procesador de testu (Writer), un editor de fueya de cálculu (Calc), un creador de presentaciones (Impress), un Sistema de xestión de bases de datos (Base), un editor de gráficos vectoriales (Draw), y un editor de fórmules matemátiques (Math).

LibreOffice ta fechu pola fundación The Document Foundation y ye una bifurcación o fork de la suite OpenOffice.org, dende ochobre de 2010. Ta disponible so la llicencia GNU Lesser Xeneral Public License[2]. La compra de Sun Microsystems (líder del desenvolvimientu d'OpenOffice.org) por Oracle foi'l desencadenante d'esta bifurcación por cuenta de la orientación dada por Oracle al proyeutu.

La versión de LibreOffice 3.3 tuvo 1,3 millones de descargues. Ye la suite ofimática predeterminada en Debian (versión testing)[3], Ubuntu[4], openSUSE, Fedora[5] y Mageia

Carauterístiques[editar | editar la fonte]

Formatos compatibles[editar | editar la fonte]

Arriendes d'escribir los documentos en formatu estándar ISO (el formatu predetermináu pa los documentos de testu ye OpenDocument), LibreOffice dexa tamién importar y esportar documentos en dellos formatos adicionales como por exemplu los de Microsoft Office, Rich Text Format (.rtf), ficheru de testu planu (.txt), Office Open XML y OpenOffice.org XML, Microsoft Works y WordPerfect. Amás, pue esportar documentos directamente a los formatos PDF y SWF). LibreOffice tamién cunta cola capacidá d'importar documentos en mou de «namái llectura» nos formatos Unified Office Format, Data Interchange Format y los formatos propios de Lotus 1-2-3, ente otros[6].

Plataformes[editar | editar la fonte]

LibreOffice ta disponible nes plataformes de los siguientes sistemes operativos: Microsoft Windows, distribuciones de GNU/Linux (Ubuntu, Debian, Fedora, OpenSuse..) y Mac OS X. De la mesma, pue executase nes arquitectures x86 y x86-64.

Aplicaciones incluyíes[editar | editar la fonte]

LibreOffice Writer 3.3 n'Ubuntu.
LibreOffice Calc 3.3 n'Ubuntu.
LibreOffice Impress 3.3 n'Ubuntu.
LibreOffice Draw 3.3 n'Ubuntu.
LibreOffice Math 3.3 n'Ubuntu.

LibreOffice inclúi les siguientes aplicaciones:

Exemplu de fueya de cálculu, con gráficos de barres. (n'asturianu)
Procesador de testos Writer versión 3.2 (n'asturianu)
LibreOffice Writer icon 3.3.1 48 px.svg Writer ye'l procesador de testu de la suite ofimática.

Pue protexer documentos con contraseñes, guardar versiones del mesmu documentu, inxertar imaxes, oxetos OLE, almite robles dixitales, símbolos, fórmules, tables de cálculu, gráficos, hiperenllaces, marcadores, formularios, etc. Writer dexa esportar ficheros de testu a los formatos PDF y HTML ensin software adicional, lo que fai que pueda usase tamién como un editor WYSIWYG pa crear y editar páxines web.

Writer dexa esportar ficheros de testu a los formatos PDF y HTML ensin software adicional, lo que fai que pueda usase tamién como un editor WYSIWYG pa crear y editar páxines web.

LibreOffice Calc icon 3.3.1 48 px.svg Calc ye un software de fueya de cálculu. Crea les fueyes en formatu ODS (Open Document Sheet), aprobáu por ISO, pero arriendes pue abrir y editar ficheros XLS(x) procedentes de Microsoft Excel. Tien tamién una serie de carauterístiques adicionales esclusives, incluyendo un sistema que, automáticamente, define series de gráfiques sobre la base de la disposición de la información del usuariu. Calc tamién pue esportar fueyes de cálculu al formatu PDF direutamente, ensin software adicional, como tolos demás elementos de la suite.
LibreOffice Impress icon 3.3.1 48 px.svg Impress ye un programa de presentación de tresparencies o diapositives. El formatu nativu de les presentaciones ye ODP, pero tamién tien la capacidá de lleer y escribir nel formatu de ficheros de Microsoft PowerPoint (ppt(x)). Tamién inclúi la capacidá d'esportar les presentaciones a ficheros PDF. Pue tamién esportar les presentaciones al formatu SWF, dexando que se reproduzan en cualquier equipu con un reproductor de Flax instaláu.
LibreOffice Base icon 3.3.1 48 px.svg Base ye un programa de base de datos. LibreOffice Base facilita la creación y manexu de bases de datos, ellaboración de formularios ya informes qu'apurren los usuarios finales, con un accesu fácil a los datos. Al igual que Microsoft Access, ye capaz de trabayar como un front-end pa dellos sistemes de bases de datos tales como'l d'Access (JET), fonte de datos ODBC y MySQL/PostgreSQL.
LibreOffice Draw icon 3.3.1 48 px.svg Draw ye un editor de gráficos vectoriales y ferramienta de diagrames, asemeyáu a Microsoft Visio y comparable en carauterístiques a les primeres versiones de CorelDRAW. Ufierta «coneutores» ente les formes, disponibles nuna gama de distintos estilos de llinies y facilita la construcción de gráficos, como por exemplu diagrames de fluxu. Tien carauterístiques asemeyaes a los programes de maquetación pa espublización como Scribus y Microsoft Publisher. Draw tamién pue esportar les sos creaciones al formatu PDF y al estándar SVG
LibreOffice Math icon 3.3.1 48 px.svg Math ye una aplicación pa la creación y edición de fórmules matemátiques. L'aplicación usa un llinguaxe de marcáu pa representar les fórmules. Estes fórmules puen asina incorporase cenciellamente dientro d'otros ficheros de LibreOffice, como los documentos fechos por Writer, incrustándoles al documentu como oxetos OLE. Math tien sofitu pa múltiples fontes y pue esportar fórmules a los formatos de ficheru ODF, PDF o MathML.

Usu y collaboración[editar | editar la fonte]

LibreOffice pue usase ensin dificultaes colos manuales, les estensiones, les plantíes de documentos, les macros, los foros d'ayuda y d'alderique d'OpenOffice.

Como cualquier programa informáticu, y darréu del tamañu d'esti proyeutu, siempre esisten xeres pendientes y munches d'elles, de fácil realización. Dalgunes son triviales y otres necesiten de mayor conocimientu. Hai tamién otres que nun necesiten saber de programación, como introducir meyores na documentación o nes ayudes al usuariu, desenvolver plantíes de documentos, facer traducciones, ameyorar gráficos, atopar fallos y facer suxerencies, ente otres.

Hestoria[editar | editar la fonte]

El 28 de setiembre de 2010, dellos miembros del proyectu OpenOffice.org formaron un grupu nuevu denomáu The Document Foundation, espublizando una bifurcación d'OpenOffice.org a la que denomaron LibreOffice. La bifurcación féxose énte'l temor de qu'Oracle Corporation, dempués de mercar a Sun Microsystems, anterior patrocinador d'OpenOffice.org, descontinuara la suite, como fixo con OpenSolaris. Esperábase que'l nome «LibreOffice» fore provisional, darréu qu'Oracle taba convidada a convertise en miembru de The Document Foundation y pidióse-y que donara la marca OpenOffice.org al proyeutu[7] .

Oracle, en cuenta d'ello, refugó'l proyeutu y desixó que tolos miembros del direutoriu d'OpenOffice.org arreyaos arrenunciaren, alegando un conflictu d'intereses. A finales d'ochobre de 2010, 33 voluntarios alemanes, non arreyaos col desendolcu, dexaron OpenOffice.org y treslladáronse a The Document Foundation pa sofitar a LibreOffice[8].

The Document Foundation recibió sofitu de parte de l'antigua comunidá d'OpenOffice.org, incluyendo a les empreses Novell, Red Hat, Canonical y Google. L'oxetivu ye producir una suite ofimática independiente de cualquier fornidor, compatible col formatu de ficheru OpenDocument (norma ISO) y ensin nenguna obligación d'atribución de l'autoría del códigu a Sun o Oracle. N'abril de 2011 Oracle anunció qu'abandonaba OpenOffice, cediéndolu a la Apache Software Foundation[9].

Nel momentu xurdió'l proyectu Go-oo, que yera una versión fecha a partir d'OpenOffice.org con dellos cambeos y xestionada por Novell y otres empreses y usada como base en casi toles distribuciones de GNU/Linux. Sicasí, el Proyectu Go-oo descontinuóse a favor de LibreOffice y les meyores qu'esti proyeutu fizo agora tán fundíes en LibreOffice. Coles mesmes, esperábase qu'otros proyectos se xunieren tamién a LibreOffice.

'The Document Foundation' ta enfotada en llanzar nueves versiones de LibreOffice a un ritmu d'una cada seis meses, y a alliniase, col tiempu, col calendariu d'espublización de nueves versiones en marzu y setiembre de la mayoría del ecosistema del software llibre, como Ubuntu. Ún de los oxetivos de los desendolcadores de LibreOffice ye'l desaniciu de códigu ensin usar, como señaló Michael Meeks, miembru del direutoriu de 'The Document Foundation' y, enantes desendolcador d'OpenOffice.org. Dende setiembre hasta avientu de 2011 desanicióse más de la metá del códigu fonte de la suite.

Desendolcu[editar | editar la fonte]

Versión 3.3[editar | editar la fonte]

La primer versión de LibreOffice foi la 3.3 Beta 1, qu'espublizóse'l 28 de setiembre de 2010, el mesmu día que s'anunció la creación de la Document Foundation. Por cuenta de que The Document Foundation considera a LibreOffice como la continuación d'OpenOffice.org, LibreOffice usó'l mesmu númberu de versión qu'OpenOffice.org nesi momentu. Esta versión de prueba tuvo basada na versión beta de pruebes de OpenOffice.org 3.3, pero desaniciando les referencies al nome, los iconos, les marques y demás rellaciones con talu software. El primer oxetivu del proyeutu yera llograr la separtación d'esta bifurcación del tueru d'OpenOffice.org a partir de la reorganización de los ficheros. Darréu espublizáronse les versiones Beta 2 y Beta 3, esta postrera'l 18 de payares de 2010,. Depués espublizáronse cuatro release candidates.

La primer versión estable foi la 3.3.0, espublizada'l 25 de xineru de 2011.

El plan al mediu plazu ye independizar la suite LibreOffice de les interfaces de programación d'aplicaciones de Java y del códigu que pueda ser consideráu propiedá d'Oracle, y a partir d'ehí, incorporar nueves ferramientes. Mentanto la primer selmana de desendolcu, 27 voluntarios unviaron un total de 80 contribuciones de códigu.

LibreOffice 3.3 tien delles carauterístiques que nun esisten n'OpenOffice.org 3.3. Estes carauterístiques son pocu probables que seyan adoutaes n'OpenOffice.org por cuenta de la orientación y les polítiques d'asignación de derechos d'autoría acutaos d'Oracle. Estes carauterístiques úniques de LibreOffice inclúin:

  • Importación d'imaxes en formatu SVG.
  • Filtros d'importación de documentos nos formatos de Lotus Word Pro y Microsoft Works
  • Importación ameyorada de documentos en formatu WordPerfect.
  • Caxa de diálogu pa les páxines de títulu.
  • El navegador dexa qu'una testera seya desplegada como nun típicu Tree View.
  • Mou «esperimental» que dexa que carauterístiques inacabaes puedan probase pol usuariu.
  • Inclusión de delles estensiones (plugins), como Presenter View en Impress.

Na evaluación de la versión de LibreOffice 3.3.0 estable fecha'l mesmu día del so llanzamientu, Ryan Paul de Ars Technica escribió que «introduz un númberu de nueves y significatives carauterístiques y hai meyores nes aplicaciones incluyíes. Les nueves carauterístiques incluyíes en LibreOffice 3.3 ameyoren el conxuntu de carauterístiques, la usabilidá, y la interoperabilidá con otros formatos de suites d'oficina. Por exemplu, tien sofitu ameyoráu pa importar documentos provenientes de Lotus Word Pro y Microsoft Works. Otra nueva carauterística clave ye l'habilidá pa importar y editar gráficos en formatu SVG en LibreOffice Draw».

La cabera versión d'esta rama ye la 3.3.4, espublizada'l 17 d'abril de 2011.

Versión 3.4[editar | editar la fonte]

La primer versión en fase beta de LibreOffice 3.4 espublizóse'l 15 d'abril de 2011.La primer versión estable foi la 3.4.0, asoleyada'l 3 de xunu de 2011.

Les nueves carauterístiques y meyores de la versión 3.4 respeutu de la versión 3.3 inclúin:

Versión 3.5[editar | editar la fonte]

La primer versión beta de LibreOffice 3.5 díose a conocer el 18 d'avientu de 2011. El 21 d'avientu d'esi mesmu añu, anuncióse por The Document Foundation nel so blogue, la primer Bug Hunting Session (caza de fallos) de LibreOffice 3.5 tuvo llugar el 28 y 29 del mesmu mes, na que s'atoparon más de 70 fallos, o bugs. Pola mor del ésitu d'esta primer sesión, The Document Foundation anunció la segunda Bug Hunting Session pal 21 y 22 de xineru de 2012, au se punxo a prueba la primera release candidate.

Referencies[editar | editar la fonte]

  1. Release Notes
  2. «LibreOffice, el nuevo camino de OpenOffice». lanacion.com.ar (6 de payares de 2010).
  3. «Debian moves to LibreOffice» (inglés). debian.org. Consultáu'l 3 de marzu de 2012.
  4. «Features/Office applications» (inglés). ubuntu.com. Consultáu'l 3 de mayu de 2011.
  5. «Six Months of Freedom and Community» (inglés). Blog de The Document Foundation. Consultáu'l 26 de mayu de 2011.
  6. Jean Hollis Weber. «History, licensing, and file formats» (inglés). oooauthors.org. Consultáu'l 6 de marzu de 2010.
  7. The Document Foundation. «OpenOffice.org Community announces The Document Foundation» (inglés). Consultáu'l 28 de setiembre de 2010.
  8. Collins, Barry. «OpenOffice group breaks away from Oracle» (inglés). PC Pro. Consultáu'l 20 de xineru de 2011.
  9. Guillermo Julián (2 de xunu de 2011). «Oracle dona OpenOffice.org a la fundación Apache, artículo de Genbeta» (español). Consultáu'l 13 de febreru de 2012.