OpenOffice.org

OpenOffice.org
Desendolcador(es)	Sun Microsystems
Versión inicial	1r mayu 2002
Última versión	3.3.0 (versión estable, 17 xineru 2011); 3.4.0 Beta 1 (pre-release version (en) , versión beta (es) , 12 abril 2011)
Escritu en	C++ y Java
Sistema operativu	GNU/Linux, BSD, Microsoft Windows, MacOS y sistema operativu asemeyáu a Unix
Plataforma	máquina virtual Java (es)
Llingua orixinal	inglés
Tipu	paquete de oficina (es) , aplicación, software llibre y software de productividad (es)
Llicencia	GNU Lesser General Public License
N'asturianu	Sí
Más información
Twitter	apacheoo
Sitiu web	Web oficial
Identificador PRONOM de software	[x-sfw/262 Códigu fonte]
	Apache OpenOffice, Oracle Open Office (en) y LibreOffice →

OpenOffice.org ye una suite ofimática de software llibre y códigu abiertu de distribución de baldre qu'inclúi ferramientes como procesador de testos, fueya de cálculu, presentaciones, ferramientes pal dibuxu vectorial y base de datos. Ta disponible pa munches y diverses plataformes, como Microsoft Windows, sistemes de tipu Unix col Sistema X Window como GNU/Linux, BSD, Solaris y Mac OS X. Tamién ta disponible pa Mac Os X un programa asemeyáu deriváu denomáu NeoOffice. OpenOffice ta camentáu pa ser compatible con Microsoft Office, col que compite. Soporta l'estándar ISO OpenDocument con lo que ye cenciello l'intercambéu de documentos con munchos programes, y pue ser usáu ensin costu dalgún.

OpenOffice.org tien como base inicial a StarOffice, una suite ofimática desendolcada por StarDivision. El desendolcu de la suite ta lideráu por Oracle Corporation (anicialmente por Sun Microsystems), en conxuntu con otras compañíes como Novell, RedHat, RedFlag CH2000, IBM, Google, ente otres. El códigu fonte de la suite lliberóse en xunetu de 2000, col envís de facer frente al dominiu nel mercáu de Microsoft Office ufriendo una alternativa abierta, de baxu costu y alta calidá. El códigu fonte de l'aplicación ta disponible baxo la llicencia LGPL.

Les versiones más recientes d'StarOffice, la versión comercial de Sun, tan basaes nel códigu base d'OpenOffice.org. Pue decise que la rellación ente open office y StarOffice tien dalgunes asemeyances cola rellación qu'hebo ente Netscape Navigator y Mozilla.

El proyeutu y el programa son denomaos "OpenOffice" de forma informal, pero los organizadores del proyeutu dicen qu'esti términu ye una marca rexistrada en posesión d'otra empresa, angariyándolos a adoutar "OpenOffice.org" como nome formal, y abreviáu como OOo.

Open Office, usa'l correutor ortográficu Hunspell, y dambos tán disponibles en llingua asturiana

Ferramientes incluyíes

Exemplu de fueya de cálculu, con gráficos de barres. (n'asturianu)

	Writer	un procesador de testu, con capacidá para editar arriendes HTML, doc, rtf, txt, etc; Dende la versión 2.3 el programa cunta con una opción en Writer qu'esporta los testos en formatu wiki, como por exemplu para ser asoleyaos en Wikipedia y demás proyeutos wiki.
	Calc	pa remanar fueyes de cálculos en xls, csv, ods;
	Impress	un programa de presentación que soporta formatos odp, ppt, pps, etc;
	Base	un programa de base de datos asemeyáu a Microsoft Access. Base permite la creación y remane de bases de datos, ellaboración de formularios ya informes que proporcionen a los usuarios finales un accesu cenciellu a los datos. Lo mesmo que Access, Base ye quien a trabayar como un front-end pa dellos sistemes de bases de datos talos como'l d'Access (JET), fonte de datos ODBC y MySQL/PostgreSQL. Base ta disponible dende la versión 2.0.
	Draw	un editor de gráficos de vectores, pa dibuxos, con posibilidá d'esportar al formatu estándar SVG;
	Math	un editor pa fórmules matemátiques..

Ver tamién

Referencies

↑ «3.3.0 - Release Notes».
↑ «3.4 Beta - Developer Snapshot - Release Notes».

Enllaces esternos

El sitiu web oficial d'OpenOffice.org (n'asturianu)
Documentación, manuales y aida Archiváu 2003-12-06 en Wayback Machine (castellán)
Llista de dellos materiales y recursos de sofitu (n'inglés)

Wikimedia Commons tien conteníu multimedia tocante a OpenOffice.org.

Suite programes/aplicaciones oficiales d'Ubuntu
Firefox \| Evolution \| LibreOffice \| Gimp \| Pidgin \| Totem \| gedit \| Evince \| Rhythmbox \| File Roller \| Ekiga \| Brasero \| Transmission \| Synaptic \| Vinagre \| Gparted \| Xsane \| Eye of GNOME \| Nautilus \| F-Spot \| Sound Juicer

[c13c467fdce26f7e19a86817227a209551176bcf-1] «3.3.0 - Release Notes».

[71d494ffa1972659c9e748b1ae907fe0e888d934-2] «3.4 Beta - Developer Snapshot - Release Notes».