Islles Márxal

De Wikipedia
Saltar a navegación Saltar a la gueta
Republic of the Marshall Islands
Aolepān Aorōkin M̧ajeļ

República de les Islles Márxal
Bandera d'Islles Márxal Escudu d'Islles Márxal
Bandera d'Islles Márxal Escudu d'Islles Márxal
Lema nacional: Jepilpilin ke ejukaan
Himnu nacional: Forever Marshall Islands
Situación d'Islles Márxal
Capital
 • Población
 • Coordenaes
Majuro
25.400
7° 7’ N 171° 4’ E

Ciudá más poblada Majuro
Llingües oficiales inglés, marxalés
Forma de gobiernu República¹
Kessai Note
Independencia
• dende
d'Estaos Xuníos
21 d'ochobre de 1986
Superficie
 • Total
 • % agua
Llendes
Costes
Puestu 222º
181 km²
 %
0 km
340,4 km
Población
 • Total
 • Densidá
Puestu 186º
66.223 (2006
331 hab/km²
PIB (PPA)
 • Total ([[]])
 • PIB per capita
Puestu º

Moneda Dólar de los Estaos Xuníos (USD)
Xentiliciu marxalés, -esa, -és (-eso)[1]
Zona horaria
 • en Branu
UTC + 12
nun aplica
Dominiu d'Internet .mh
Códigu telefónicu +692
Prefixu radiófonicu V7A-V7Z
Códigu ISO 584 / MHL / MH
Miembru de: ONX
Sitiu web del Gobiernu:

{{{web_gobiernu}}}

¹ Alcuerdu de llibre asociación con Estaos Xuníos

Les Islles Márxal[1], oficialmente República de les Islles Márxal, ye una nación que la so independencia en 1986 la convirtió nún de los países más nuevos d'Oceanía. Formó parte del Territoriu en Fideicomisu de les Islles del Pacíficu y tuvo suxetu baxo l'alministración de los Estaos Xuníos, sicasí, pue considerase como un protectoráu d'esti país. Ta compuestu por dos archipiélagos y dalgunos arrecifes qu'en total sumen unes 1.152 islles del Pacíficu. Allúgase al nordeste d'Australia, específicamente al norte de Nauru y al este de Micronesia.

La capital ye Delap-Uliga-Djarrit y ta allugada nel atolón Majuro.

Hestoria[editar | editar la fonte]

Les Islles Márxal foron colonizaes pel segundu mileniu eC polos micronesios, anque ye bien poco lo que se sabe de la so hestoria. L’esplorador español Alonso de Salazar foi’l primer europeu n’avistales, pero permanecieron esconocíes dica l’aportada del inglés John Marshall, en 1788. Les islles tomen el nome na so honra.

Una empresa comercial alemana asentóse nes islles en 1885 y poco años depués convirtiéronse nel protectoráu de Nueva Guinea Alemana. Demientres la Primera Guerra Mundial, Xapón conquista les islles baxo la xestión alemana y va alministrales d’alcuerdu a un mandatu de la Lliga les Naciones.

Na Segunda Guerra Mundial, Estaos Xuníos ocupa les islles en 1944 ya les incorpora al Territoriu en Fideicomisu de les islles del Pacíficu. Ente 1946 y 1957 usa les islles como campu de prebes nucleares, llegando a entamar 67 detonaciones. La mayor preba de toes, conocida como Castle Bravo, causó l’envenenamientu d’una parte considerable de población y con efeutos nel mediu ambiente.

En 1976 la República de les Islles Márxal foi establecida con un alcuerdu de llibre asociación que tendría vixencia de magar 1986. En 1990 termina oficialmente’l fideicomisu sobre’l territoriu configurándose como una nación llibre.

Xeografía[editar | editar la fonte]

Les Islles Márxal asiéntense sobre antiguos volcanes merguyaos que s’eleven dende’l fondu oceánicu. La tierra emerxío como atolones ya islles preséntense en forma de dos grupos: el de Ratak (alborecer) y el de Ralik (atapecer). Les dos cadenes d’islles atópense aproximadamente paraleles ente sí, corriendo de noroccidente a sureste. Comprenden unos 1.900.000 km2 d’océanu pero namás unes 180 km2 de tierra.

El país consiste nun total de 29 atolones y cinco islles aisllaes. L’atolón más grande ye’l de Kwajalein.

Organización político-alministrativa[editar | editar la fonte]

Les Islles Marshall dixébrense alministrativamente en dos distritos: cadena Ralik, al occidente, y cadena Ratak, al oriente. Cada distritu confórmenlu los atolones ya islles enumberaes darréu:

Cadena Ralik Cadena Ratak
Atolones Ailinginae Ailuk
Ailinglaplap Arno
Bikini Aur
Ebon Bikar
Enewetak Bokak
Jaluit Erikub
Kwajalein Likiep
Lae Majuro
Namdrik Maloelap
Namu Mili
Rongerik Nadikdik o Knox
Rongelap Toke o Taka
Ujae Utirik
Ujelang Wotje
Wotho
Islles Jabat Jemo
Kili Mejit
Lib

Tresporte[editar | editar la fonte]

Les Islles Márxal tienen varios aeropuestos pequeños y pistes d’aterrizaxe. Destaca l’Aeropuertu Internacional d'Islles Márxal en Marujo onde operen Air Marshall Islands, United Airlines, Our Airline y Asia Pacific Airlines.

Economía[editar | editar la fonte]

Les Márxal tienen mui pocos recursos naturales, superando la cifra de les importaciones ampliamente a la de les esportaciones.

L’agricultura encóntiase en granxes pequeñes. El productu comercial más importante ye la copra, siguida pol cocu, l’árbol de la fruta, pandanus, banana, taru y maranta. El ganao consiste principalmente en gochos y pitos.

La pesca ye un seutor importante. En Majuro allúgase un importante puertu mundial de tresbordu, procesamientu y esportación del bonitu.

La industria esiste en pequeña escala, llendada a artesanía y procesamientu de pescao y copra. El turismu amuesa un mayor espollete nestos caberos años.

En Majuro ta esperimentándose una alternativa a los combustibles fósiles encontiada nel aceite de copra.

Demografía[editar | editar la fonte]

D’alcuerdu cola estadística del añu 2003, la población del archipiélagu ascendía a 56.429 habitantes. La esperanza de vida nun supera los 67 años y mediu nos homes nin los 71 años y mediu nes muyeres.

Cultura[editar | editar la fonte]

Los marxalleses foron espertos navegadores, usando les estrelles y mapes de conches pa la so orientación. Anguaño, eses habilidaes tán en declive.

Tamién nel pasáu tuvo mui presente l’arte del tatuaxe. Por esti motivu, la espedición d’Álvaro de Saavedra que desembarcó nun arrecife al nooeste de les islles apellidóles Islles de los Pintaos y prindaron dellos nativos p’amosalos na Corte española.

Referencies[editar | editar la fonte]



Países d'Oceanía
Australia | Fiji | Islles Cook | Kiribati | Marianes del Norte | Islles Marshall | Micronesia | Nauru | Niue | Nueva Zelanda | Paláu | Papúa Nueva Guinea | Islles Salomón | Samoa | Tokelau | Tonga | Tuvalu | Vanuatu | Wallis y Futuna


Icono de esbozo
Esti artículu ye un entamu. Pues ayudar a la Wikipedia n'asturianu ampliándolu.