Atolón de Maloelap

De Wikipedia
Saltar a navegación Saltar a la gueta
Atolón de Maloelap
Maloelap&Aur atoll (satellite).jpg
Alministración
ProtectoráuFlag of German New Guinea.svg Nueva Guinea Alemana
PaísBandera de les Islles Márxal Islles Márxal
Tipu entidá atolón
Xeografía
Coordenaes 8°45′12″N 171°02′56″E / 8.753436°N 171.048889°E / 8.753436; 171.048889Coordenaes: 8°45′12″N 171°02′56″E / 8.753436°N 171.048889°E / 8.753436; 171.048889
Atolón de Maloelap is located in Islles Márxal
Atolón de Maloelap
Atolón de Maloelap
Atolón de Maloelap (Islles Márxal)
Superficie 9.8 km²
Altitú 3 m
Demografía
Cambiar los datos en Wikidata

Maloelap (en marshallés M̧aļoeļap [mˠɑɫʌ͡ɔɔ̯-ɛ̯ɛ͡ʌɫɑ͡æpʲ]) ye un atolón coralín de 71 islles nel Océanu Pacíficu. Forma parte del distritu llexislativu de la cadena Ratak nes Islles Marshall. La so área terrestre ye de 9,8 km² y enzarra una llaguna de 972 km². Atópase a 18 km al norte del atolón d'Aur.

La población asciende a unes 800 persones. Les islles habitaes son Tarawa (tamién Taroa o Tao), Kaven (o Kaben), Airuk, Wolot y Jang. Dalgunos nomes d'otres islles deshabitaes son Bokanutokku, Boklaplap, Takenaarun o Eorokku. L’atolón tien dos pistes d'aterrizaxe, en Taroa y Kaven.

Historia[editar | editar la fonte]

El primer rexistru européu féxolu la espedición española de García Jofré de Loaísa’l 21 d'agostu de 1526. Foi llamada Islla de San Bartolomé por Toribio Alonso de Salazar que comandaba la espedición naquellos momentos.

L’Imperiu d'Alemaña tomó Maloelap xunto col restu de les Marshall en 1884. Depués de la Primer Guerra Munial pasaron baxo’l Mandatu del Pacíficu Sur del Imperiu de Xapón. En 1939, los xaponeses construyeron una base d'hidroaviones y un aeródromu en Taroa con dos pistes, edificios ya intalaciones d'encontu, incluyida una estación de radar. Demientres la Segunda Guerra Mundial, la guarnicion xaponesa yera de 2.940 homes de l'armada y 389 del exércitu. El perímetru de la islla taba fuermente fortificáu con artillería pesao y 10 cañones antiaéreos [1]. De magar entamó 1942, l'exércitu norteamericanu atacó con virulencia la base xaponesa con aviones basaos en portaaviones y bombardeos por buques de guerra. La frecuencia y gravedá sobre Maloelap espolletó tres conquistar Majuro y Kwajalein. Namás sobrevivieron a la guerra 1.041 xaponeses, pero tamién fueron asesinaos varios nativos marshalleses. Pela zona tovía queden escatafinos de la guerra tales como restos d'aviones, principalmente los caces Mitsubishi A6M Zeros y Mitshubishi G4M Mitchell, y de les instalaciones [2].

Depués del final de la Segunda Guerra Mundial, la islla quedó baxo’l contro d'EE.UU. como parte del Territoriu en fideicomisu de les islles del Pacíficu hasta la independencia de les Islles Marshall en 1986. L’atolón de Maloelap foi’l primeru en ratificar la constitución de les Islles Marshall.

Educación[editar | editar la fonte]

Les Escueles d'Educación Primaria qu'hai nel atolón son les d'Aerok, Jang, Kaben, Ollet y Tarawa [3].

Los estudios de Secundaria síguenlos en Northern Islands High School (NIHS) de Wotje.

Referencies[editar | editar la fonte]

  1. Takizawa, Akira; Alsleben, Allan (1999–2000). "Japanese garrisons on the by-passed Pacific Islands 1944-1945". Forgotten Campaign: The Dutch East Indies Campaign 1941-1942. Archived from the original on 2016-01-06.
  2. https://www.pacificwrecks.com/provinces/marshall_maloelap.html
  3. http://pss.edu.mh/en/public-schools