Atolón de Rongerik

De Wikipedia
Saltar a navegación Saltar a la gueta
Atolón de Rongerik
Rongerik Atoll - 2015-01-22 - Landsat 8 - 15m.png
Alministración
ProtectoráuFlag of German New Guinea.svg Nueva Guinea Alemana
PaísBandera de les Islles Márxal Islles Márxal
Tipu entidá atolón
Xeografía
Coordenaes 11°20′N 167°27′E / 11.33°N 167.45°E / 11.33; 167.45Coordenaes: 11°20′N 167°27′E / 11.33°N 167.45°E / 11.33; 167.45
Atolón de Rongerik is located in Islles Márxal
Atolón de Rongerik
Atolón de Rongerik
Atolón de Rongerik (Islles Márxal)
Superficie 1.68 km²
Altitú 3 m
Demografía
Más información
Estaya horaria UTC+12 Traducir
Cambiar los datos en Wikidata

Rongerik o Rongdrik (en marshallés Ron̄dik [rʷɔŋʷ(o͡e)r̪ʲi͡ɯk]) ye un atolón coralín de 17 islles nel Océanu Pacíficu allugáu na cadena Ralik de les Islles Marshall. Tien una superficie terrestre de 1,68 km² enzarrando una llaguna de 144 km². L’atolón más cercanu ye’l de Bikini, a 200 km.

Hestoria[editar | editar la fonte]

Dellos autores suxeren qu'esti atolón foi descubiertu pol esplorador español Fernando de Grijalva en 1537. Por esti motivu, especulóse que l'atolón podría ser de soberanía española, anque en 2014, el gobiernu español esclarió la situación: dende’l Tratáu Xermanu-Español, de 1899, nunca foron de soberanía española [1].

L'Imperiu d'Alemaña atropó Rongerik xunto col restu de les Islles Márxal en 1884, estableciendo nél un puestu comercial. Depués de la Primer Guerra Mundial, la islla convirtióse nuna parte del Imperiu de Xapón y foi sé de l'alministración xaponesa sobre les Islles Marshall. Depués de la Segunda Guerra Mundial, Estaos Xuníos tomó'l so control como parte del Territoriu en fideicomisu de les islles del Pacíficu dica la independencia de les Islles Marshall en 1986.

Ensayos nucleares[editar | editar la fonte]

Na primavera de 1946, los nativos del atolón de Bikini foron evacuaos pol gobiernu d'EE.UU al atolón Rongerik. El motivu foron los ensayos nucleares en Bikini na llamada Operación Crossroads. Anque a estos residentes bikinianos en Rongedrik se-yos llevó suministros, afírmase que dellos comenzaron a morrer d'inanición. Asina, en payares de 1947, un grupu de bikinianos empobinó al atolón Ujelang. Sicasí, poco más tarde, el gobiernu d'EE.UU decidió utilizar l'atolón Enewetak como otra área de nuevos ensayos nucleares. Como Enewetak taba tamién pobláu, consideró deportalos a Ujelang, lo que torgó’l movimientu bikinianu.

En 1948 los bikinianos asentáronse en Kili. Esta islla, a estremancia d'un atolón, nun tien llaguna lo que fexo camudar el mou de vida tradicional de les persones y depender de l'ayuda esterna. Ésta llegaba pel aire por aviones y por barcu.

En 1954 la bomba Bravo en Bikini afectó radioactivamente a Rongerik.

En 1968 el gobiernu norteamericanu prometió finalmente’l regresu al atolón, comenzando col so remocicamientu y plantación de cocotales. Pasu ente pasu foron aportando habitantes, anque se fexo patente la so inhabitabilidá. Tanto l'agua como los cocos inda teníen concentraciones de radiación.

En 1978 tolos residentes abandonaron nuevamente l'atolón.


Enllaces[editar | editar la fonte]