Atolón de Wotje

De Wikipedia
Saltar a navegación Saltar a la gueta
Atolón de Wotje
Erikubatoll.jpg
Alministración
ProtectoráuGerman new guinea flag.svg Nueva Guinea Alemana
PaísBandera de les Islles Márxal Islles Márxal
Tipu entidá atolón
Xeografía
Coordenaes 9°26′N 170°01′E / 9.43°N 170.02°E / 9.43; 170.02Coordenaes: 9°26′N 170°01′E / 9.43°N 170.02°E / 9.43; 170.02
Atolón de Wotje is located in Islles Márxal
Atolón de Wotje
Atolón de Wotje
Atolón de Wotje (Islles Márxal)
Superficie 8.18 km²
Altitú 3 m
Demografía
Cambiar los datos en Wikidata

Wotje (en marshallés Wōjjā [ɔ̯ɔ͡ɛtʲːææ̯] ye un atolón coralín nel Océanu Pacíficu. Forma parte del distritu llexislativu de la cadena Ratak nes Islles Marshall. Presenta una superficie emerxida de 8,18 km² y enzarra una llaguna de 624 km². Nel añu 2007 tenía una población averada a los 1000 habitantes, concentrándose mayormente n’Ormed y Wotje. La so dedicación llaboral ye la producción de copra. En Wotje hai una pista d'aterrizaxe.

Hestoria[editar | editar la fonte]

El primer européu n’avistar l'atolón de Wotje foi l'esplorador español Ruy López de Villalobos el 25 d'avientu de 1542. Llamóles Islles de Los Corales [1] [2]. En 1884, l'atolón foi reclamáu pol Imperiu d'Alemaña xunto col restu de les Islles Marshall. Tres la Primer Guerra Mundial, la islla quedó baxo’l Mandatu del Pacíficu Sur del Imperiu del Xapón. A finales de la década de 1930 Wotje desendolcóse como una importante base xaponesa d'hidroaviones, contando tamién con un aeródromu con dos pistes. Demientres la Segunda Guerra Mundial l'atolón foi guarnecíu pol exércitu xaponés [3]. Les costes taben fuertemente fortificaes con artillería y bateríes antiaérees. L’únicu bombardéu de Ḥawaii depués de Pearl Harbor foi executáu per hidroaviones de Wotje. Nel puntu más álxidu contó con 2959 efectivos xaponeses de l'armada, 424 del exércitu y 750 civiles . En 1943 l'exércitu norteamericanu borbardeóla frecuentemente con aviones y buques de guerra. Los ataques aumentaron en frecuencia y gravedá tres cayer Majuro y Kwjalein en manes d'Estaos Xuníos. Cortándose cualesquier sofitu esternu, namás quedaron vivos 1244 xaponeses de la guarnición tres la rendición de Xapón. Col final de la Segunda Guerra Mundial, quedó baxo’l contro d'Estaos Xuníos como parte del Territoriu en fideicomisu de les islles del Pacíficu hasta la independencia de les Islles Marshall en 1896.

Educación[editar | editar la fonte]

Hai Escuela d'Educación Primaria en Wotje y Wodmej.

Wotje tamién acueye una Escuela d'Educación Secundaria, llamada Northern Islands High School (NIHS), que sirve a los atolones de Wotje, Ailuk, Aur, Likiep, Maloelap, Mejit y Utirik [4] [5].

Referencies[editar | editar la fonte]

  1. Coello, Francisco "Conflicto hispano-alemán" Boletín de Sociedad Geográfica de Madrid, t.XIX. 2º semestre 1885, Madrid, p.279,281
  2. Sharp, Andrew (1960). The discovery of the Pacific Islands. Oxford: Clarendon Press. p. 28.
  3. Takizawa, Akira; Alsleben, Allan (1999–2000). "Japanese garrisons on the by-passed Pacific Islands 1944-1945". Forgotten Campaign: The Dutch East Indies Campaign 1941-1942.
  4. http://pss.edu.mh/en/public-schools
  5. http://pss.edu.mh/en/division/ss