Atolón de Jaluit

De Wikipedia
Saltar a navegación Saltar a la gueta
Atolón de Jaluit
Jaluit.jpg
Alministración
ProtectoráuFlag of German New Guinea.svg Nueva Guinea Alemana
PaísBandera de les Islles Márxal Islles Márxal
Tipu entidá atolón
Xeografía
Coordenaes 6°00′N 169°34′E / 6°N 169.57°E / 6; 169.57Coordenaes: 6°00′N 169°34′E / 6°N 169.57°E / 6; 169.57
Atolón de Jaluit is located in Islles Márxal
Atolón de Jaluit
Atolón de Jaluit
Atolón de Jaluit (Islles Márxal)
Superficie 11.34 km²
Altitú 3 m
Demografía
Más información
Estaya horaria UTC+12 Traducir
Cambiar los datos en Wikidata


Jaluit (en marshallés Jālwōj, [tʲælʲo̯o͡etʲ] o Jālooj [tʲælʲe͡oː͡etʲ]) ye una atolón de 91 islles nel Océanu Pacíficu. Forma parte del distritu llexislativu de la cadena Ralik de les Islles Marshall. El so área terrestre de 11,34 km² pertenez mayormente a la islla homónima Jaluit. L'atolón enzarra nel so interior una llaguna de 690 km². A 220 km de distancia allúgase l'atolón Majuro.

Jaluit ye tamién área de conservación y zona Ramsar. En 2011 la población perpasaba los 1500 habitantes.

Historia[editar | editar la fonte]

El primer avistamientu por europeos foi en 1803 pol buque mercante británicu Rolla. Ésti yera emplegáu pal tresporte de convictos de Gran Bretaña a Nueva Gales del Sur y nesta ocasión empobinábase a China por un cargamentu cuando avistó Jaluit.

L'Imperiu d'Alemaña atropó Jalauit xunto col restu de les Islles Márxal en 1884, estableciendo nél un puestu comercial.

Depués de la Primer Guerra Mundial, la islla convirtióse nuna parte del Imperiu de Xapón y foi sé de l'alministración xaponesa sobre les Islles Marshall. Los inmigrantes de Xapón sumaron varios cientos na década de 1930. Demientres la Segunda Guerra Mundial, la guarnición xaponesa taba compuesta por 2311 homes. La islla bombardeóla l'exércitu norteamericanu en cinco ocasiones de payares a avientu de 1943.

Depués de la Segunda Guerra Mundial, Estaos Xuníos tomó'l so control como parte del Territoriu en fideicomisu de les islles del Pacíficu dica la independencia de les Islles Marshall en 1986.

Población[editar | editar la fonte]

La mayor concentración poblacional de Jaluit ta na islla homónima, y concretamente nel estremu norte llamáu Jabor, con unos 1200 habitantes. Esti llugar ufre un hotel pequeñu, tiendes con alimentos básicos y una estación de serviciu. Jabor ye tamién base pa la pesca comercial y deportiva, onde s'arrienden embarcaciones a motor. El snorkel tamién se prautica. A poca distancia al sur tien l'aeropuertu de Jaluit.

Unos kilómetros al norte de Jabor, n'Imiej, alcuéntrense los escatafinos de la central llétrica, cuarteles, armes antiaérees y un santuariu sintoísta xaponeses.

Educación[editar | editar la fonte]

Hai varies Escueles d'Educación Primaria en Jaluit: Imiej, Imroj, Jabnoden, Jabor, Jaluit, Mejrirok y Narmej.

Hai tamién una Escuela d'Educación Secundaria con internáu qu'atiende los escolinos de Jaluit y de los atolones Ebon, Ailinglaplap, Namu, Kili, Namdrik y Jabat.

Tresporte[editar | editar la fonte]

L'Aeropuertu de Jaluit ta atendíu por Air Marshall Islands.