Islla de Lib

Islla de Lib
Alministración
Protectoráu	Nueva Guinea Alemana
País	Islles Márxal
Tipu d'entidá	islla
Xeografía
Coordenaes	8°18′47″N 167°22′40″E / 8.3131°N 167.3778°ECoordenaes: 8°18′47″N 167°22′40″E / 8.3131°N 167.3778°E
	Islla de Lib Islla de Lib (Islles Márxal) y
Superficie	0.93 km²
Demografía
Población	155 hab. (2011)
Porcentaxe	? %; 0.29% de Nueva Guinea Alemana; Islles Márxal
Densidá	166,67 hab/km²

Lib (en marxalés Ellep, [ɛ̯ɛlʲːɛpʲ]) ye una islla nel Océanu Pacíficu. Pertenez al distritu llexislativu de la cadena Ralik dientro de les Islles Márxal. Tien un total de 0,93 km² de tierra. Los atolones más cercanos son los de Kwajalein y Namu.

Lib tien estimada una población perriba los 100 habitantes, concentrándose toos ellos na fastera oeste de la islla. Nel estremu opuestu al asentamientu humanu y a 150 m de la playa nel interior de la islla, atópase un estanque natural que, por nun amosar impautu humanu dalu que comprometa la cronoloxía del sedimentu, ufre una perimportante información pa la reconstrucción de la hestoria climática llocal ^[1]. Tien una fondura media de 2,3 m.

Historia[editar | editar la fonte]

El primer avistamientu de la islla rexistráu por europeos foi'l 8 de xineru de 1565 pol navegante español Alonso de Arellano al mandu del patache San Lucas. Foi denomada por Arellano como Los Nadadores. Nel so rellatu del descubrimientu, Arellano declaró que los habitantes de Lib taríen bien pa puxar per un remu por ser grandes y arrechos, y ser un pueblu guerreru y espertu n'aventar piedres con hondes. Tamién dixo que debíen pertenecer al diañu porque la so islla taba a mil llegües de tierra firme.