Atolón de Bikar

De Wikipedia
Saltar a navegación Saltar a la gueta
Atolón de Bikar
Bikar Atoll Large.jpg
Alministración
ProtectoráuFlag of German New Guinea.svg Nueva Guinea Alemana
PaísBandera de les Islles Márxal Islles Márxal
Tipu entidá atolón
Xeografía
Coordenaes 12°14′N 170°08′E / 12.23°N 170.13°E / 12.23; 170.13Coordenaes: 12°14′N 170°08′E / 12.23°N 170.13°E / 12.23; 170.13
Atolón de Bikar is located in Islles Márxal
Atolón de Bikar
Atolón de Bikar
Atolón de Bikar (Islles Márxal)
Superficie 0.5 km²
Altitú 6 m
Demografía
Cambiar los datos en Wikidata

Bikar (en marshallés Pikaar [pʲi͡ɯɡɑːrˠ]) ye un atolón na cadena Ratak nes Islles Marshall. Consta de seis castros, recibiendo los principales los nomes de Bikar, Jabwelo, Almani y Jaboero. En conxuntu algamen un área de 0,5 km² y enzarren una llaguna de 37,4 km². L’atolón allúgase a 115 km del d'Utirik y 320 del de Bokak [1] [2].

Probablemente, l'ausencia d'agua dulce fexo dél un llugar deshabitáu. Esti fechu permitió caltener el so hábitat relativamente inalteráu.

Clima[editar | editar la fonte]

Bikar ye ún de los atolones más secos de les Marshall, con un calter semiáridu. La temperatura media añal ye d'unos 28 ºC y la precipitación inferior a 1.143 mm. Too ello torga’l fenómenu de Ghyben-Herzberg, lo que permite la intrusión marina y evita la presencia d'agua dulce nel atolón.

Flora y fauna[editar | editar la fonte]

Les especies vexetales presentes en Bikar incluyen Pandanus tectorius, Lepturus repens, Cocos nucifera, Boerhavia repens, Pisonia grandis, Portulaca lutea, Triumfetta procumbens, Tournefortia argentea y Scaevola sericea ente otres. La presencia d'una cantidá pequeña de cocotales débese a la plantación fecha por visitantes ocasionales.

Na fauna destaca Bikar como un importante sitiu d'añeración d'aves marines.

Hestoria[editar | editar la fonte]

Por mor de la falta d'agua dulce nun hai evidencia dala d'asentamientos humanos ancestrales, usándose Bikar como llugar d'esplotación d'alimentos d'orixe animal como carne de tortuga, aves y güevos. El primer avistamientu europeu foi pel branu de 1817 pel rusu Otto von Kotzebue.

En 1906 les Islles Marshall agregáronse al protectoráu alemán hasta que l'imperiu de Xapón les tomó en 1914. Demientres la Segunda Guerra Mundial, hebo una guarnición xaponesa que foi bombardeada pol exércitu estauxunidense. Tres la Segunda Guerra Mundial pasaron al dominiu d'EE.UU hasta la independencia completa de les Islles Marshall en 1990.

Ensayos nucleares[editar | editar la fonte]

En 1954 sufrió los efectos del ensayu nuclear de Castle Bravo entamaes nel atolón de Bikini.

Referencies[editar | editar la fonte]