Atolón d'Erikub

De Wikipedia
Saltar a navegación Saltar a la gueta
Atolón d'Erikub
Erikubatoll.jpg
Alministración
ProtectoráuFlag of German New Guinea.svg Nueva Guinea Alemana
PaísBandera de les Islles Márxal Islles Márxal
Tipu entidá atolón
Xeografía
Coordenaes 9°08′30″N 170°00′00″E / 9.1417°N 170°E / 9.1417; 170Coordenaes: 9°08′30″N 170°00′00″E / 9.1417°N 170°E / 9.1417; 170
Atolón d'Erikub is located in Islles Márxal
Atolón d'Erikub
Atolón d'Erikub
Atolón d'Erikub (Islles Márxal)
Superficie [convert: unknown unit] km²
Altitú 25 Q11573
Demografía
Cambiar los datos en Wikidata

Erikub (en marshallés Ādkup [æ̯ær̪ʲ(ɛ͡ɔ)ɡʷu͡ipʲ]) ye un atolón coralín nel Océanu Pacíficu. Pertenez a la cadena Ratak nes Islles Marshall. Ta compuestu por catorce islles que comprenden una superficie terrestre de 1,53 km² y enzarren una llaguna de 320 km². Mui cercanu al norte atópase l'atolón de Wotje.

Entamando pel norte y nel sentíu de les aguyes del reló, los nomes de les islles son Jabonwar, Aradojairen, Aradojairik, Guro, Jeldoni, Bogweido, Bogella, Jogan, Bokku, Bogengoa, Bwokwanaik, Erikub, Log y Enego. Nenguna d'elles ta habitada.

Hestoria[editar | editar la fonte]

El primer rexistru d'Erikub foi’l 29 de xunu de 1566 pol galeón español San Jerónimo, comandáu por Lope Martín. Camiéntase que, primeramente, pudo ser tamién avistáu ente avientu de 1542 y xineru de 1543 pol esplorador tamién español Ruy López de Villalobos. De Lope Martín sábese que l'añu anterior pilotaba’l patache San Lucas nel so viaxe de Nueva España a Filipines pero, nesa ocasión, amotinóse con un greyu de ventiséis marineros y soldaos asesinando al capitán del San Jerónimo, Pero Sánchez Pericón. Los conspiradores, incluyíu Martín, foron abandonaos nel atolón de Namonuito [1] [2].

En 1884, l'atolón foi reclamáu pol Imperiu d'Alemaña xunto col restu de les Islles Marshall. Tres la Primer Guerra Mundial, la islla quedó baxo’l Mandatu del Pacíficu Sur del Imperiu de Xapón. Col final de la Segunda Guerra Mundial, quedó baxo’l contro d'Estaos Xuníos como parte del Territoriu en fideicomisu de les islles del Pacíficu hasta la independencia de les Islles Marshall en 1896.

Fauna[editar | editar la fonte]

Erikub, xunto col atolón de Bikar ya islla de Jemo, ye ún de los principales sitios d'añeramientu de les tortugues verdes [3].

Referencies[editar | editar la fonte]

  1. Coello, Francisco La Conferencia de Berlín y la cuestón de las Carolinas: Discursos pronunciados en la Sociedad Geográfica de Madrid , Madrid, Imprenta de Fortanet, 1885, p.291
  2. Sharp, Andrew El descubrimiento de les islles del Pacífico Oxford, 1960, pp.28,42.
  3. https://www.researchgate.net/figure/Map-of-Republic-of-the-Marshall-Islands-major-atolls-labeled-Inset-map-of-Erikub_fig1_287216606