Continente
Nómase continente a cualesquier de les grandes mases de tierra que tien el nuesu planeta. Cada continente ta dividíu xeográficamente (per estrechos, ismos) o culturalmente (Asia-Europa).
- América, llenda col continente Euro-asiático-africanu pel noroeste nel Estrechu de Bering.
- Norteamérica - Del Ismu de Tehuantepec (Méxicu) hacia'l norte hasta'l Círculu Polar Árticu (Canadá)
- Centroamérica - De la Canal de Panamá (Panamá) hacia'l norte, hasta l'Ismu de Tehuantepec
- Sudamérica - De la Canal de Panamá hacia'l sur hasta'l Círculu Polar Antárticu (Arxentina, Chile)
- Antártida
- Euro-asiático-africanu, llendando con América pel nordeste nel Estrechu de Bering, con Oceanía hacia'l sureste pel Océanu Índicu
- África - Estremáu d'Asia pela Canal de Suez (Exiptu) y d'Europa pel Estrechu de Xibraltar (España, Marruecos), estendiéndose hacia'l suroeste hasta'l Cabu de Bona Esperanza (Sudáfrica)
- Asia - Estremáu d'África pela Canal de Suez y d'Europa pelos Montes Urales, estiéndese hacia'l este y noreste hasta l'Estrechu de Bering y l'Océanu Índicu
- Europa - Estremáu d'África pel Estrechu de Xibraltar y d'Asia pelos Montes Urales, estiéndese pel este hasta la Península Ibérica (España, Portugal, Andorra, Xibraltar)
- Oceanía - Al sur del continente euro-asiático-africanu a traviés del Océanu Índicu.
Ye un fechu cultural el qu'una masa de tierra seya considerada continente o non. Asina, xeográficamente Europa y Asia son un únicu continente (Eurasia), pero l'etnocentrismu européu fixo que se considerare un continente aparte dende hai sieglos; y nun falten dellos xeógrafos que consideren a Europa, Asia y África una sola gran masa continental nomada Eurafrasia. La otra gran discusión ye sobre América del Norte y del Sur, consideraes unes vegaes un continente (en Sudamérica) o dos (en Norteamérica).
El modelu de seis continentes ye'l que suel usar la xeografía científica (les dos Amériques, Eurasia, África, Antártida y Oceanía).
[editar] Historia
Hai decenes de millones d'años, había un continente nomáu Panxea (del griegu, tola Tierra). La teoría de les plaques tectóniques desplica cómo les plaques que formaben Panxea foron estremándose hasta formar los continente d'anguaño.
