Gales

Cymru (Galés)
Wales (Inglés)

(El Dragón Bermeyu )
Llema : Cymru am byth (Asturianu: Gales per siempre)
Gales nel Reinu Xuníu
País	Reinu Xuníu
Llingües oficiales	Inglés, Galés
Ciudaes	Cardiff, Caernarfon, Aberystwyth
Capital	Cardiff
Xentiliciu	galés/galesu, galesa
Superficie  - Total	20,779 km²
Población  - Censu (2001)  - Densidá	2,903,085 140/km²
Moneda	Llibra esterlina (£) (GBP)
Zona horaria	UTC, UTC +1
Patrón	San David (Dewi Sant)
Himnu nacional	Hen Wlad Fy Nhadau

Gales o País de Gales (en galés Cymru) allúgase al oeste de la islla de Gran Bretaña, onde llenda al oriente con Inglaterra y al occidente colos mares d'Irlanda y Célticu del Atlánticu. Tien una población total de tres millones de persones y ye un país billingüe, siendo les sos llingües oficiales el galés y el inglés.

Ye una de les naciones celtes y tien una identidá cultural de so que surdió tres la retirada de los romanos de Gran Bretaña. La derrota de Llewelyn por Dubardu I nel sieglu XIII finó la conquista anglonormanda de Gales y significó el comienzu de sieglos d'ocupación inglesa. El país foi incorporáu a Inglaterra pol Estatutu de Rhuddlan de 1284 y más sero pol Auta de Xunión de 1536, creando la entidá llegal güei conocida como Inglaterra y Gales. Nel sieglu XIX desendólcose una política llariega. En 1955 Cardiff foi escoyida capital y en 1999 creose la Asamblea Nacional de Gales, la cuala atiende asuntos internos. So cabezaleru de gobiernu ye'l Ministru Principal (First Minister).

La capital y ciudá más grande ye Cardiff (en galés: Caerdydd), con 320 000 habitantes.