Mar Exéu

De Uiquipedia
Saltar a: navegación, buscar
Mar Exéu

El mar Exéu ou la mar Exea (en griegu Αιγαίον Πέλαγος, Aigáion Pélagos; y en turcu Ege Denizi), ye un brazu del mar Mediterraneu, allugáu ente la Penínula Helénica y Anatolia. Ta coneutáu cola mar de Mármara a traviés de los Dardánelos y cola mar Negru pol Bósforo.

Anque ye lluendio entamar las llendes esautas d'esta mar, puedese dicire que tien una estensión averada a los 18.000 km2, teniendo, nos sou máximos, 600 km de norte a sur y 400 d'este a oeste.

Na antiguedá esplicábase'l nome d'esti mar de dellas formas, seyendo la más usual la que caltenía que nestas augas sucidióuse Exéu, pai de Teséu, en creyendo que'l sou fíu morriera na súa lluita col Minotauru. Anque tamién taban las que dicían que'l nome provenía de la ciudá macedonia d'Exea o pola reina de las amazonas del mesmu nome.

Ye una mar enchenu d'isllas y archipiélagos que davezu divídese en siete grandes grupos:

  1. Isllas de la mar Tracia.
  2. Isllas del mar Exéu.
  3. Las Espórades Septentrionales.
  4. Las Cíclades.
  5. Isllas del Golfu Sarónicu.
  6. Las del archipiélagu Dodecanesu.
  7. Creta.

Casique tolas isllas grandes d'esti mar pertenecen a Grecia, sacantes Tenedos y Imbros que lu son de Turquía. Esti mar y los sous archipiélagos son de contino fonte d'enfrentamiento ente los dous países.