Polu Sur

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener

El Polu Sur xeográficu atópase nel estremu meridional d'un planeta, equivalente a la llatitú 90°S, au converxen tolos meridianos. Defínese como'l llugar nel que l'exe de rotación interseuta a la superficie y son aplicables iguales oservaciones que pal polu norte..

Polu Sur[editar | editar la fonte]

Na Tierra atópase sobro l'Antártida, a aprosimadamente 2.600 quilómetros de polu sur magnéticu. L'esplorador noruegu Roald Amundsen foi'l primer home en llegar al llugar, el 14 d'avientu de 1911.

Ensin considerar les Islles Sandwich del Sur, el país más averáu al Polu Sur ye Chile (3.718 qm). La ciudá más averada ye Ushuaia, asitiada n'Arxentina (3.910 qm) y el pueblu más averáu ye Puerto Williams, Chile (3.895 qm). La bas d'investigación científica Amundsen-Scott, de los Estaos Xuníos, alcuéntrase práuticamente nel Polu Sur xeográficu (89° 59' 51" de llatitú Sur, a unos 270 m). La distancia ente'l Polu Norte y el Polu Sur xeográficos (siguiendo la corvadura la tierra) ye d'unos 20.000 qm.

Polu sur magnéticu[editar | editar la fonte]

El polu sur magnéticu defínese como'l llugar au'l campu magnéticu del planeta ye perpenduciar a la superficie, y ye un llugar peraveráu al polu sur magnéticu y al polu sur xeográficu, magar que nun sen estrictamente magnéticu ye un polu norte, p'hacia'l qu'apunten los polos sur de les aguyes inmantaes de les brúxules.

Na Tierra atópase a 82º 06’ S 54º 58’ E, anque camuda de contino, llegando a camudar la so posición nel planeta, daqué que dióse yá en numberoses ocasiones como consecuencia de les propiedaes del campu magnéticu terrestre.

Una brúxula que s'alcuentre nel polu sur magnéticu nun apunta p'hacia denguna direición concreta.

Ver tamién[editar | editar la fonte]

Enllaces externos[editar | editar la fonte]

Polu Sur
Wikimedia Commons tien archivos rellacionaos con: