Ríu Nilu
De Uiquipedia
|
||||
|---|---|---|---|---|
 |
||||
| Llonxitú | 6.650 km | |||
| Altitú de la fonte | 1.134 m | |||
| Caudal mediu | 2.830 m³/s | |||
| Superficie de la cuenca | 3.400.000 km² | |||
| País(es) que treviesa | Uganda, Sudán y Exiptu | |||
| Desemboca en | Mediterraneu,Exiptu | |||
| Anchor de desembocadura | Delta del Nilu | |||
| Ríu - Hidroloxía | ||||
El ríu Nilu (النيل n'árabe) tá allugáu nel nordeste d'África, naz en Burundi, nel ríu Kagera y dende la so principal fonte, el llagu Victoria n'África central, flui a traviés d'Uganda, Sudán y Exiptu, desembocando nel mar Mediterraneu ensamando un delta enanchu. El Nilu toma la so autual forma no cabero de la Era Terciaria, xunto cola formación del Mediterraneu. Ye'l segundu ríu más llargu del mundu, namái superáu pol ríu Amazones
[editar] Etimoloxía de la pallabra Nilu
La pallabra Nilu (del árabe 'nīl) remanez de la pallabra griega Neilos (Νειλος), que significa «Valle del ríu». Na antigua llingua exipcia, el ríu yera nomáu Iteru, que significa «Gran ríu». En coptu, la pallabra piaro (Sahídicu) o phiaro (Boháiricu) significa «El ríu» (lliteralmente «La gran canal»), que vien del mesmu nome antiguu.
[editar] Hestoria
El Nilu foi un elementu fundamental pal xorrecimientu de la civilización del Antiguu Exiptu. La mayor parte de la población y ciudaes alcontrábense nel valle del Nilu y el Delta. El Nilu foi vital pa la cultura exipcia dende la Edá de Piedra. El cambéu del clima, ya la desertización, ensugaron les tierres de caza y pastoréu d'Exiptu pa ensamar el desiertu del Sahara, alrodiu del añu 8000 edC; entos, los habitantes asentáronse xunto al ríu Nilu, au desendolcaren una economía agrícola y una sociedá centralizada.
