Llagu Victoria

De Uiquipedia
Saltar a: navegación, buscar
Uiquipedia:Llista d'artículos que toa Wikipedia tien que tener

El llagu Victoria, tamién coñocíu como Victoria Nyanza o Ukerewe, ta allugáu na zona centru-oriental d'África, arodiáu por Uganda, Tanzania y Kenya. Estiéndese nun área de 69.482 km² y nel so puntio de mayor profundidá algama los 82 m. Ye'l segundu llagu d'agua dulce más grande de la Tierra, dempués del llagu Superior, de Norteamérica.

Ye una de les principales fontes del ríu Nilu, que prosigue'l so cursu fasta'l llagu Alberto, nel tramu superior del ríu nomáu Nilu Blancu.


L’afluente más caudalosu del llagu Victoria ye’l ríu Kagera, allugáu al noroeste de Tanzania. Si se considera parte del cauce del Nilu, el so nacimientu sedría’l puntu más aleyáu del Mediterraneu siendo'l Nilu-Kagera'l segundu ríu más llargu del mundiu.

El primer européu en llegar al llagu foi l’esplorador británicu John Hanning Speke, siendo quien-y pusu’l nome de llagu Victoria, n’homenaxe a la so reina.

Dende entamos del sieglu XX, el ferry del llagu Victoria foi un importante mediu de tresporte ente Uganda, Tanzania y Kenya. Los principales puertos del llagu yeren Kisumu, Mwanza, Bukoba, Entebbe, Port Bell y Jinja.

Introducción de la perca del Nilu[editar | editar la fonte]

Dende la introducción de la perca del Nilu (Lates niloticus) na década de 1950, más de doscientes especies endémiques d’ Haplochromis, amás d’otres especies, desapaecieron y otres tan en grave peligru. La perca del Nilu, pez de gran tamañu y d'enorme voracidá, acabó d’esti xeitu cola fonte de pesca tradicional de los habitantes de les oriellas de llagu durante miles d’años. Ensin embargu, nun pue achacase sólo a la depredación de la perca del Nilu la desapaición de la biodiversidá del llagu, xino a una combinación cola eutroficación del llagu, cola consecuente disminución na concentración d’oxíxenu, y la pérdida d’hábitat natural.

Películes[editar | editar la fonte]

Fonte d’inspiración pal documental El pesadiellu de Darwin, del francés Hubert Sauper que relata la vida alredor del llagu, la pesca de la perca del Nilu (anque la viendan como meru) y la probeza esistente nel bierzu del mundiu, cuando gran parte de los recursos, incluyía la vida, yeren meyor pagaos por Occidente y, por tanto, ellí destinábense.

Imáxenes y gráficos[editar | editar la fonte]