Bután

De Wikipedia
Saltar a navegación Saltar a la gueta
Bután
འབྲུག་ཡུལ
Druk Yul
Reinu de Bután
Flag of Bhutan.svg Emblem of Bhutan.svg
Bandera de Bután Escudu de Bután
Lema nacional nun tien
Himnu nacional Druk tsendhen
Alministración
Capital Thimphu
Forma de gobiernu Monarquía constitucional, Estáu xunitariu, parllamentarismu y Monarquía parllamentaria
Druk Gyalpo Jigme Khesar Namgyel Wangchuck
Primer Ministru de Bután Lotay Tshering
Llingües oficiales Idioma dzongkha
División
Xeografía
Coordenaes 27°27′N 90°30′E / 27.45°N 90.5°E / 27.45; 90.5Coordenaes: 27°27′N 90°30′E / 27.45°N 90.5°E / 27.45; 90.5
Bhutan on the globe (Bhutan centered).svg
Superficie 38394 km² (puestu 132)
Costes 0 km
Llendes 1.075 km
Llenda con República Popular China y India
Puntu más altu Gangkhar Puensum
Puntu más baxu Drangme Chhu Traducir
Demografia
Población 753 947 hab. (2013)
Densidá 19,64 hab/km²
Xentiliciu butanés y butanesa
Economía
Moneda Ngultrum butanés
PIB nominal 2 511 852 941,1765 (2017)
PIB per cápita 331 (1980)
Más información
Dominiu d'Internet .bt
Códigu telefónicu +975
Códigu ISO 064 / BTN / BT
Estaya horaria UTC+6 Traducir
www.bhutan.gov.bt
Cambiar los datos en Wikidata

Bután [1](འབྲུག་ཡུལ་ 'Druk Yul'), oficialmente Reinu de Bután (འབྲུག་རྒྱལ་ཁབ་ Druk Gyal Khap), ye una nación pequeña y montañosa del sur d'Asia, allugada na cordelera del Himalaya ente India y China. Llenda al norte cola Rexón Autónoma del Tibet, en China, col estáu indiu de Sikkim y el valle de Chumbi en Tibet, al oeste, col estáu indiu de Arunachal Pradesh al este, y colos estaos indios d'Assam y Bengala occidental al sur. Bután pertenez xeopolíticamente al Asia meridional, y ye'l segundu país más pequeñu de la rexón tres de Maldives. La so capital, y ciudá principal, ye Thimphu, y el so centru financieru ye la ciudá de Phuntsholing.

Bután tien sío independiente dende fai munchos sieglos, ya inxamás foi colonizáu na so historia. Asitiáu na antigua Ruta de la Seda ente Tibet, el subcontinente indiu y l'Asia suroriental, l'estáu butanés tien desarrollao una identidá nacional distintiva basada nel budismu. Dirixíu por un dirixente espiritual nomáu el Zhabdrung Rinpoche, el territoriu butanés comprendía dellos feudos, y gobernábase como una teocracia budista. Nel sieglu XIX, tres d'una guerra civil, la dinastía Wangchuck xunificó'l país y estableció rellaciones col Imperiu británicu. Bután estableció una alianza estratéxica con India na dómina del ascensu del comunismu en China, país col que caltién una disputa sobre llendes. En 2008 el país entamó la transición dende una monarquía absoluta a una monarquía constitucional, y cellebráronse les primeres eleiciones a l'Asamblea Nacional de Bután, que ye una de les dos cámares del parllamentu bicameral del país.

La orografía del país ye variada, y compriende dende llanures cubiertes de viesca trupo y clima sotropical nel sur a montañes subalpines del pre-Himalaya nel norte, con picos de más de 7.000 m d'altor. El picu mayor del país ye'l Gangkhar Puensum, que quiciás seya tamién la montaña más alta del mundu qu'entá nun s'escaló. La fauna del país ye bayurosa.

El país ye'l de mayor llibertá económica d'Asia meridional, el país nel que ye más fácil facer negocios, el más pacíficu y el menos corruptu. Sicasí, sigue siendo un país sodesarrolláu. La mayor parte de los sos ingresos por esportaciones vienen de la lletricidá, d'orixe hidráulicu. El so réxime políticu ye la democracia parllamentaria, col rei de Bután, conocíu como Rei Dragón, como xefe del estáu. El país caltién rellaciones diplomátiques con 52 países y cola Xunión Europea, pero nun tien llazos diplomáticos formales colos cinco miembros permanentes del Conseyu de Seguridá de les Naciones Xuníes. Ye miembru de les Naciones Xuníes, l'Asociación Sudasiática pa la Cooperación Rexonal, la Iniciativa de la Badea de Bengala pa la Cooperación Técnica y Económica Multisectorial y el Movimientu de Países Ensin Alliniar. El so exércitu collabora estrechamente col exércitu indiu.

Bután ye tamién un país pioneru en desarrollar el conceptu de felicidá nacional bruta.

Historia[editar | editar la fonte]

Artículu principal: Historia de Bután

Xeografía[editar | editar la fonte]

Artículu principal: Xeografía de Bután

Economía[editar | editar la fonte]

Artículu principal: Economía de Bután

Referencies[editar | editar la fonte]

Enllaces esternos[editar | editar la fonte]


Países d'Asia
Afganistán | Arabia Saudita | Armenia | Azerbaixán | Baḥréin | Bangladex | Brunéi | Bután | Camboya | China | Corea del Norte | Corea del Sur | Emiratos Árabes Xuníos | Filipines | India | Indonesia | Iraq | Irán | Israel | Kazakstán | Kuwait | Laos | El Líbanu | Malasia | Maldives | Mongolia | Myanmar | Nepal | Omán | Paquistán | Qatar | Kirguistán | Rusia | Singapur | Siria | Sri Lanka | Tailandia | Taxiquistán | Timor Oriental | Turkmenistán | Uzbequistán | Vietnam | Xapón | Xeorxa | Xordania | Yeme


Icono de esbozo
Esti artículu ye un entamu. Pues ayudar a la Wikipedia n'asturianu ampliándolu.