Myanmar

De Wikipedia
Saltar a navegación Saltar a la gueta
Myanmar
Flag of Myanmar.svg State seal of Myanmar.svg
Bandera de Myanmar Escudu de Myanmar
Lema nacional «La felicidá alcuéntrase nuna vida harmoniosamente disciplinada» (en Birmanu)
Himnu nacional Gba Majay Bma
Alministración
Nome oficial Republic of the Union of Myanmar
Repubblica dell'Unione della Birmania
Республика Союз Мьянма
Capital Naypyidaw y Yangôn
Presidente de Myanmar Htin Kyaw
Conseyeru d'Estáu de Myanmar Aung San Suu Kyi
Llingües oficiales birmanu
División
Xeografía
Coordenaes 22°N 96°E / 22°N 96°E / 22; 96Coordenaes: 22°N 96°E / 22°N 96°E / 22; 96
Myanmar on the globe (Myanmar centered).svg
Superficie 676577.2 km² (puestu 39)
% agua 3,06
Costes 1.932 km
Llendes 5.876 km
Llenda con Bangladex, República Popular China, India, Laos y Tailandia
Puntu más altu Hkakabo Razi
Puntu más baxu Océanu Índicu
Demografia
Población 53 259 018 hab. (2013)
Densidá 78,72 hab/km²
Xentiliciu de Myanmar [1]
Economía
Moneda Kyat
PIB nominal 64 330 038 664 (2014)
PIB per cápita 1161,49
Más información
Dominiu d'Internet .mm
Códigu telefónicu +95
Códigu ISO 104 / MMR y BUR / MM y BU
Estaya horaria UTC+06:30
Cambiar los datos en Wikidata

Myanmar [1], oficialmente Pyidaunzu Thanmăda Myăma Nainngandaw (República de la Xunión de Myanmar) y anteriormente conocíu como Birmania, ye un estáu soberanu del sudeste d'Asia. Llenda con India y Bangladex al oeste, con Tailandia y Laos al este y con China al norte y noreste. Hacia'l sur la so llínia costera, que da al mar d'Andamán y la badea de Bengala, tiene una estensión de 1.930 km. La so población, según el censu de 2014, yera de 51 millones d'habitantes[2] , y estímase que pa 2017 aumentó hasta los 54 millones[3]. El país, que tien una estensión de 676.578 km2, tien la so capital en Naypyidaw; la so ciudá más poblada ye l'antigua capital, Yangon (Rangún). El país ye miembru de l'Asociación de Naciones del Sureste Asiáticu (ASEAN) dende 1997.

Les civilizaciones más antigües de les qu'hai rastru nel territoriu del actual Myanmar inclúin la civilización pyu, na Alta Birmania, y los reinos Mon na Birmania Baxa[4] . Nel sieglu IX los Bamar aportaron a la conca alta del ríu Irawadi, y, tres del establecimientu del reinu de Paguen na década del 1050, la llingua y la cultura birmanes y el budismu Theravada foron convirtiendose, seliquino, nos dominantes nel país. Les invasiones mongoles punxeron fin al reinu de Paguen, y abrió una dómina na que convivieron dellos reinos que batallaben ente sí pol control del territoriu. La rexunificación tuvo llugar nel sieglu XVI, de manes de la dinastía Toungoo, que fizo del país, por un curtiu periodu de tiempu, el mayor imperiu de la historia de la fastera continental del Asia suroriental. A primeros del sieglu XIX la dinastía Konbaung gobernó, amás del territoriu del actual Myanmar, partes de Manipur y Assam. Los británicos tomaron el control del país nel sieglu XIX, tres de trés guerres, y convirtiéronlu nuna colonia. Myanmar algamó la independencia en 1948, con un sistema democráticu de gobiernu. Sicasí, tres d'un golpe d'estáu en 1962, instaurose una dictadura militar dirixida pol Partíu del Programa Socialista de Birmania.

De magar la independencia el país vive nún continuu conflictu ente los milenta grupos étnicos que lu pueblan, no que ye una de les guerres civiles más llargues del mundu, na que les Naciones Xuníes y otres organizaciones humanitaries tienen denunciao violaciones sistemátiques de los derechos humanos del país[5]. En 2011 la xunta militar que dirixía'l país foi oficialmente disuelta, y sustituyida por un gobiernu nominalmente civil elixíu nunes elecciones en 2010. Esto, xunto a la lliberación d'Aung San Suu Kyi y otros prisioneros políticos, ameyoró la situación de los derechos humanos, y consecuentemente de les rellaciones esteriores del país, al que se-y llevantaron delles sanciones económiques y comerciales que soportaba[6]. Sicasí, continúen les crítiques sobre la forma na qu'el gobiernu trata a les distintes minoríes étniques, les revueltes étniques y les lluches relixoses[7]. Nes elecciones de 2015 el partíu d'Aung San Suu Kyi alcanzó la mayoría nes dos cámeres llexislatives. Sicasí, el poder del exércitu sigue siendo una poderosa fuercia política nel país.

Myanmar ye un país con bayura de recursos minerales: xade, xemes, petróleu, gas natural... La riqueza del país, por embargu, ta permal repartida, y el país tien una de les mayores diferencies d'ingresos ente los sos habitantes del mundu, una y bones la mayoría de la riqueza ta en manes de persones que sofitaran l'antiguu gobiernu militar[8]. En 2016 Myanmar ocupa'l puestu 145 (d'un total de 188) ente les naciones del mundu no que cinca al so nivel de desarrollu humanu, según el Índiz de Desarrollu Humanu.


Historia[editar | editar la fonte]

Artículu principal: Historia de Myanmar

Xeografía[editar | editar la fonte]

Artículu principal: Xeografía de Myanmar

Organización alministrativa[editar | editar la fonte]

Myanmar ta organizada en:

Economía[editar | editar la fonte]

Artículu principal: Economía de Myanmar

Referencies[editar | editar la fonte]

  1. 1,0 1,1 Academia de la Llingua Asturiana (2010). Cartafueyos Normativos. Nomes de los países del mundu y de les sos capitales y xentilicios. ISBN 987-84-8168-500-8.
  2. «Asian Development Bank and Myanmar: Fact Sheet». Asian Development Bank (30 d'abril de 2012). Archiváu dende l'orixinal, el 26 de payares 2011.
  3. Población de Birmania (worldometers.info)
  4. O'Reilly, Dougald JW (2007). Early civilizations of Southeast Asia. United Kingdom: Altamira Press.
  5. «Burma». Human Rights Watch.
    «Myanmar Human Rights». Amnesty International USA.
    «World Report 2012: Burma». Human Rights Watch. Archiváu dende l'orixinal, el 30 de xunu de 2013.
  6. Obama administration eases Burma sanctions before visit. 16 de payares de 2012. https://www.usatoday.com/story/theoval/2012/11/16/obama-lifts-sanctions-burma-visit/1710253/. 
    European Union Suspends Most Myanmar Sanctions. 23 d'abril de 2012. https://www.nytimes.com/2012/04/24/world/asia/eu-suspends-sanctions-on-myanmar.html. 
  7. Greenwood, Faine (27 de mayu de 2013). «The 8 Stages of Genocide Against Burma's Rohingya | UN DispatchUN Dispatch». Undispatch.com.
    EU welcomes "measured" Myanmar response to rioting. Reuters. 11 de xunu de 2012. https://www.reuters.com/article/2012/06/11/us-myanmar-violence-idUSBRE85A01C20120611. 
    Q&A: Communal violence in Burma. BBC. https://www.bbc.co.uk/news/world-asia-18395788. Consultáu 'l 31 de xunetu de 2018. 
  8. «Income Gap 'world's widest'». The Nation. 4 de setiembre de 2013. Archivado del original el 15 de setiembre de 2014. https://web.archive.org/web/20140915230853/http://www.nationmultimedia.com/aec/Income-gap-worlds-widest-30214106.html. Consultáu 'l 31 de xunetu de 2018. 
    Income inequality in Burma. Democratic Voice of Burma. 22 d'ochobre de 2013. https://www.dvb.no/analysis/income-inequality-in-burma/33726. Consultáu 'l 31 de xunetu de 2018. 

Enllaces esternos[editar | editar la fonte]


Países d'Asia
Afganistán | Arabia Saudita | Armenia | Azerbaixán | Baḥréin | Bangladex | Brunéi | Bután | Camboya | China | Corea del Norte | Corea del Sur | Emiratos Árabes Xuníos | Filipines | India | Indonesia | Iraq | Irán | Israel | Kazakstán | Kuwait | Laos | El Líbanu | Malasia | Maldives | Mongolia | Myanmar | Nepal | Omán | Paquistán | Qatar | Kirguistán | Rusia | Singapur | Siria | Sri Lanka | Tailandia | Taxiquistán | Timor Oriental | Turkmenistán | Uzbequistán | Vietnam | Xapón | Xeorxa | Xordania | Yeme