Melilla

De Uiquipedia
Saltar a: navegación, buscar
35° 18' 00" N, 02° 56' 00" W


Melilla
Bandera de_Melilla Escudu de_Melilla
(En detalle) (En detalle)
Localización de Melilla.png
Ciudá autónoma de Melilla
País Flag of Spain.svg España
Coordenaes 35°18′N, 2°56′O
Población (2006) 66.871 habitantes
Superficie 13,4 km²


Melilla (n'idioma bereber: Mritch o Mrič; n'árabe: مليلية) ye una Ciudá autónoma española asitiada nel continente africanu, faciendo frontera con Marruecos, frente les costas de Granada.

Xeografía[editar | editar la fonte]

Melilla, ciudá española, xunto con Ceuta, del continente africanu

Asitiamientu: 35º18' N.- 2º56'O.

Asítiase al noreste de Marruecos, o sudoeste distante de Ceuta y del estrechu de Xibraltar, a 30 metros sobre'l nivel de la mar. La so superficie ye alrodiu de 12,33 km² na rexón d'Hispania Nova.

Clima: De clima mediterráneu, cálidu y húmedu, con vientos de poniente y llevante, tamién ocasionalmente vientu del Sáhara. Temperatura media añal 20º

Población[editar | editar la fonte]

La ciudá cunta con una población de 66.871 habitantes (2006), cola tasa de natalidá más alta d'España, frente al índiz de mortalidá que ye'l más baxu d'España.

El 65% de la población ye orixinaria de la península (España), siendo los d'orixe bereber y melillense (españoles de la zona), un 30%; sigue n'importancia la comunidá xudía con unos 1.000 habitantes, siguida de la población d'orixe indiu, que nun llega al cientu, pues na última década descendió estrepitosamente.

Densidá 5.781 hab./km² (2013)

Llingües: El castellanu ye la llingua oficial.

Xentiliciu: Melillense

Gobiernu y alministración[editar | editar la fonte]

La Constitución española de 1978 afita que Ceuta y Melilla "podrán constituyise en Comunidaes Autónomes si asina lo deciden los sos respeutivos Conceyos". Dende la espublización del estatutu d'autonomía de Melilla la ciudá considérase Ciudá Autónoma.

Melilla, poro, ye una ciudá autónoma d'España según la Llei Orgánica 2/1995, de 13 de marzu, d'estatutu d'autonomía de Melilla. (BOE núm 62, de 14 de marzu de 1995)

Esti estatutu específicu, anque nun-y da capacidá llexislativa, sí que-y permite proponer nes Cortes les iniciatives llexislatives que camiente afayadices.

A diferencia de les Comunidaes Autónomes, nun tien una asamblea llexislativa autónoma propia.

Juan José Imbroda Ortiz (PP) ye'l actual presidente de la Ciudá Autónoma.

Economía[editar | editar la fonte]

La economía de Melilla sofítase principalmente del seutor servicios, como ye'l comerciu, la hostelería, etc. Les empreses representen el 0.1% del total d'España. El 95% d'estes empreses son microempreses mayoritariamente inscrites como persona física.

Anguaño esisten más de 3.400 empreses, de les que'l seutor inmobiliariu y hosteleru atropa más del 50%, rescamplando'l seutor comercial, siguíu del manufactureru, formáu por industries fabricantes d'elementos metálicos pa la construcción, elementos quirúrxicos, ortopédicos... ya industries empobinaes a les artes gráfiques.

Medios de comunicación[editar | editar la fonte]

Víes d'accesu:

  • Vía aérea: Vuelos dende Málaga, Almería, Granada, Valencia, Gran Canaria, Badajoz, Sevilla, Palma de Mallorca, Barcelona y Madrid.
  • Vía marítima: Ferrys dende Málaga, Motril (Granada) y Almería.

Historia[editar | editar la fonte]

Heráldica:

Lugareños ilustres:

  • Fernando Arrabal
  • José Levy, corresponsal de CNN+
  • Joaquín García Morato
  • Virgilio Leret
  • Anselmo Pardo Alcaide
  • Goyo Jiménez
  • Luis Prendes
  • Pablo Casado
  • Carlos Granados, Fiscal Xeral de l'estáu
  • José Granados Weil

Cultura[editar | editar la fonte]

Destrémase por ser una de les poques poblaciones onde conviven xuntes cuatro relixones: cristiana, musulmana, xudía ya hindú.

Gastronomía:

  • Cazuela de patates con Pixín
  • Pixína la Rusadir
  • Cazuela de pexes
  • Tuestos de pexes
  • Pinchinos de carne o pexe
  • Pañuelos
  • Pastela

Turismu[editar | editar la fonte]

Melilla ye, dempués de Barcelona, la segunda de les ciudaes con mayor representación del arte modernista d'España

Fiestes y tradiciones

  • Selmana naútica de Melilla (Agostu)
  • Fiestes Patronales (Festividá de la Virxe de la Victoria)
  • 17 de setiembre, día de Melilla
  • Antroxu (Febreru)
  • Selmana Santa

Monumentos y llugares d'interés:

  • La Ciudadela o Melilla la Vieya
  • Muséu Municipal
  • Muséu del Exércitu
  • Puertu deportivu "Noray"
  • Ilesia del Sagráu Corazón de Xesús
  • Ilesia de la Purísima Concepción (1687 reconstruida en 1757)
  • Casa'l Conceyu
  • Edificios modernistas del centru de la ciudá

Hostelería:

  • Parador Nacional de Turismo
  • Hotel Melilla Puerto
  • Hotel Residencia Rusadir
  • Hotel Residencia Ánfora
  • Hotel Residencia Nacional
  • Hostal Avenida
  • Hostal Parque
  • Hostal Rioja
  • Hostal Cazaza
  • Hostal Mirasol
  • Hostal Tuhami
  • Hostal Rio Piscina

Códigu Postal: 52000-52006

Enllaces esternos[editar | editar la fonte]


Autonomíes d'España
Comunidaes autónomes
Bandera de Andalucía.svg Andalucía | Flag of Aragon.svg Aragón | Flag of Asturias.svg Principáu d'Asturies | Flag of the Balearic Islands.svg Islles Baleares | Flag of the Canary Islands.svg Canaries | Flag of Cantabria.svg Cantabria | Bandera Castilla-La Mancha.svg Castiella-La Mancha | Flag of Castile and León.svg Castiella y Llión | Flag of Catalonia.svg Cataluña | Flag of the Land of Valencia (official).svg Comunidá Valenciana | Flag of Extremadura (with coat of arms).svg Estremadura | Flag of Galicia.svg Galicia | Flag of the Community of Madrid.svg Comunidá de Madrid | Flag of the Region of Murcia.svg Rexón de Murcia | Bandera de Navarra.svg Comunidá Foral de Navarra | Flag of the Basque Country.svg País Vascu | Flag of La Rioja (with coat of arms).svg La Rioxa
Ciudaes autónomes
Flag Ceuta.svg Ceuta | Flag of Melilla.svg Melilla

Europa | España


África
Angola | Arxelia | Benín | Botswana | Burkina Faso | Burundi | Cabu Verde | Camerún | República Centroafricana | Chad | Islles Comores | El Congo | República Democrática d'El Congo | Costa de Marfil | Djibouti | Eritrea | Etiopía | Exiptu | Gabón | Gambia | Ghana | Guinea | Guinea-Bissau | Guinea Ecuatorial | Kenya | Lesotho | Liberia | Libia | Madagascar | Malawi | Mali | Marruecos | Mauriciu | Mauritania | Mozambique | Namibia | Níxer | Nixeria | Islles Seychelles | Sudáfrica | Tanzania | Rwanda | São Tomé y Príncipe | Senegal | Sierra Leone | Somalia | Sudán | Sudán del Sur | Swazilandia | Togo | Túnez | Uganda | Zambia | Zimbabwe

Dependencies: Islles Kerguelen | Mayotte | Reunión | Sáhara Occidental | Socotra | Tromelin