Estremadura

De Uiquipedia
Saltar a: navegación, buscar
Comunidad Autónoma de Extremadura
Bandera d'Estremadura Escudu d'Estremadura
(En detalle) (En detalle)
Locator map of Extremadura.png
País Bandera d'España. España
Capital Mérida
Población (2013)
 -Habitantes
 -Densidá
 -% d'España
Puestu: 12
1.104.000 habitantes
26,52 hab/km²
2,36 %
Superficie
 -Total
 -% d'España
Puestu: 5
41.634 km²
8,2 %
Xentiliciu Estremeñu, -a, -o
Llingües oficiales Castellanu
Estatutu d'Autonomía 26 de febreru de 1983
ISO 3166-2 EX
Representación parlamentaria
 -Congresu
 -Senáu

10 escaños
8 escaños
Presidente José Antonio Monago (PP)
http://www.juntaex.es/

Estremadura ye una Comunidá Autónoma del oeste d'España, asitiada ente los 37° 57' N y los 40° 29' N de llatitú y ente los 4° 39' O y los 7° 33' O de llonxitú. Estremadura llenda al norte con Castiella y Lleón (provincies de Salamanca y Ávila); al sur, con Andalucía (provincies de Huelva, Sevilla y Córdoba); al este, con Castiella-La Mancha (provincies de Toledo y Ciudad Real); al oeste, con Portugal.

Tien dos provincies: Cáceres al norte y Badajoz al sur. La capital ye Mérida (antigua Augusta Emerita), ciudá reconocida pol Estatutu d'Autonomía como la sé del Gobiernu d'Estremadura. La so densidá de población ye de 26,52 habitantes/km², una de las más baxes d'España. De los sos 1.104.000 habitantes el 34% viven nes siete mayores ciudaes de la comunidá: Badajoz, Cáceres, Mérida, Plasencia, Don Benito, Almendralejo y Villanueva de la Serena.

La rexón tien una potente industria alimentaria. Ye la mayor productora de tabacu d'Europa, y acueye nel so territoriu delles denominaciones d'orixe: de vinu (Ribera del Guadiana), xamón (Dehesa d'Estremadura) o quesu (torta del Casar, quesu de la serena, quesu d'Ibores...), pero tamién de pimentón (pimentón de la Vera), carne de xatu o corderu, miel (Villuerca-Ibores) o cereces (Valle del Jerte). El so clima ye caldiu nel sur y templáu, y delles veces fríu, nel norte. Tien bayura de patrimoniu natural y arquitectónicu, qu'atrái a bien de turistes a visitalu. El picu más altu de la rexón ye'l Calvitero (2.405 m d'altor), asitiáu nel noreste de la provincia de Cáceres, nel Valle del Jerte. No que cinca a la hidrografía, la rexón ye travesada per dos de los mayores ríos de la Península Ibérica: el Tajo y el Guadiana.

Estremadura ye'l llugar de nacencia de dellos de los más famosos conquistadores del América|Nuevu Mundu. Nella nacieron, ente más otros: Francisco Pizarro, que conquistó l'imperiu inca; Hernán Cortés, qu'acabó col imperiu azteca, y Pedro Valdivia, que conquistó lo qu'anguaño ye Chile.

El día d'Estremadura cellébrase'l 8 de setiembre.


Cultura[editar | editar la fonte]

Enllaces esternos[editar | editar la fonte]


Autonomíes d'España
Comunidaes autónomes
Bandera de Andalucía.svg Andalucía | Flag of Aragon.svg Aragón | Flag of Asturias.svg Principáu d'Asturies | Flag of the Balearic Islands.svg Islles Baleares | Flag of the Canary Islands.svg Canaries | Flag of Cantabria.svg Cantabria | Bandera Castilla-La Mancha.svg Castiella-La Mancha | Flag of Castile and León.svg Castiella y Llión | Flag of Catalonia.svg Cataluña | Flag of the Land of Valencia (official).svg Comunidá Valenciana | Flag of Extremadura with COA.svg Estremadura | Flag of Galicia.svg Galicia | Flag of the Community of Madrid.svg Comunidá de Madrid | Flag of the Region of Murcia.svg Rexón de Murcia | Bandera de Navarra.svg Comunidá Foral de Navarra | Flag of the Basque Country.svg País Vascu | Flag of La Rioja (with coat of arms).svg La Rioxa
Ciudaes autónomes
Flag Ceuta.svg Ceuta | Flag of Melilla.svg Melilla

Europa | España