Provincia de Salamanca

Esti artículu necesita una revisión por un correutor qu'ha d'ameyorar la so ortografía, la so gramática, la so sintaxis o'l so vocabulariu. Tamién, iguar les referencies o semeyes o con enllaces francíos. (ver la llista completa d'artículos pa correxir)

Provincia de Salamanca

Capital	Ciudá de Salamanca
Comunidá autónoma	Castiella y Llión
Idiomes oficiales	castellanu y llionés (nun oficial)
Superficie  • total  • % d'España	Llugar nº 16 12.349 km² 2,45%
Población  • total (2005)  • % de España  • densidá	Llugar nº 38 352.414 0,80% 28,54 hab./km²
Xentiliciu	salmantín, -a Charru, -a salamanqués, -a
Códigu postal	37
ISO 3166-2	ES-SA
Representación parlamentaria  • Congresu  • Senáu	4 escaños 4 escaños
Diputación de Salamanca
Provincies d'España

Salamanca ye una provincia llionesa, nel sudoeste de la Comunidá Autónoma de Castiella y Llión.

Ye una de les nueve provincies qu'encadarmen Castiella y Llión. Llenda al norte cola provincia de Zamora, al noreste con Valladolid, al este cola provincia d'Ávila, al sur cola de Cáceres y al oeste con Pertual. Na dixebra provincial de 1833, adscribiose a la rexón del Reinu de Llión. El so enantu xeográfico ye de 12.336 km², lo que conviértela na tercer provincia de Castiella y Llón dempués de Llión y Burgos. L'altor medio de la provincia ye de 830 m so'l nivel del mar.

El clima ye de tipu continental, con iviernos friyos y suchos y branos caldíos. La temperatura medio ye de 3,7°C en xineru (pudiendo baxar, en díes de fuertes xelaes, a dellos graos baxo ceru). Nel estíu la temperatura medio ye de 24,2°C, anque puede xobir fasta los 35° o 40°C.

Anguañu (INE 2005), la provincia cunta con 352.414 habitantes, de los cuales 160.331 (un 45%) vive na capital, Salamanca, allugada a orielles del ríu Tormes. Hai 362 conceyos na provincia, de los cuales más de la metá tienen una población inferior a los trescientos habitantes (ye la segunda provincia española con respeutu al númberu de conceyos, per detrás de Burgos). Los conceyos más poblaos de la provincia son, a parte de la capital, Béḥar, Ciá Rodrigu, Santa Marta de Tormes, Peñaranda de Bracamonte, Guixuelu, Alba de Tormes, Vitigudín, y Villoria.

Hestoria

Pa la so conquista los romanos tovieron d'afrentase a los Vettones, d'ún xeitu progresivu, les bregues entamaríen sobro'l 193 e.C. pero l'anexón total afecharíase escontra'l 125 e.C demientres les Guerres Lusitanes. Demientres la dominación romana la Provincia taba ascrita a la Provincia Romana de Lusitania y una pequeña parte a la Tarraconense. A lo llargo la dómina en que formó parte del Emperiu Román la población alquirió'l llatín como madrellingua, la relixón cristiana impúsose so les demás, asumiérose los xeitos d'agricultura de los romanos y les sos lleis.

L'arrivada los visigodos sinificó cambeos nes clases dominantes, sicasí, malapenes sintiéronse ente'l pueblo llanu. D'esta dómina nun fincaren grandes costruiciónes, mas aportaren restos como los cagüercos de piedra que pueden verse sobremanera na zona oeste de la provincia, na zona de Ciá Rodrigu y na de Vitigudín, destacando "La Colmenera" nel Sobradiellu. L'arrivada de los visigodos supunxo, magüer, una aceleración nel procesu de ruralización qu'aniciárase demientres l'Emperiu Román. Esti declive urbanu continuó cola dominación musulmana, al carecer el territoriu d'interés estratéxicu, militar o económicu.

Tres la conquista llionés, nel sieglu XI, repoblose'l territoriu la provincia que taba Deshabitáu. La xente nuevu qu'entamó vivir nes fasteres de l'autual provincia traxo consigo la llingua llionesa. En 1218, el rei llionés Alfonsu IX funda l'Universidá de Sallamanca. A la so muerte, en 1230, el Reinu Lliones pasa formar parte d'el de Castiella y con él Sallamanca.

En 1833 la dixebra alministrativa de Javier Burgos sinificó'l desaniciu de los conceyos dando orixe a la organización d'anguañu partíos xudiciales y conceyos. La Provincia de Salamanca, vió reducida la so estensión de 14.532 kilometros cuadradaos a 12.336 Kilometros y fincó dixebrada n'ocho partíos: Salamanca, Béḥar, Ciá Rodrigu, Peñaranda de Bracamonte, Vitigudín, Alba de Tormes, Lledesma y Sequeiros.

En 1936 el bando Nacionalista triunfa célere na provincia.

En 1968 suprímense los Partíos Xudiciales d'Alba de Tormes, Lledesma y Sequeiros.

Comarques

• Las Villas
• El Abadengo
• L'Armuña
• La Ribera
• La Ramaxería
• Campo d'Argañán
• Tierra d'Alba
• Sierra de Béḥar
• Sierra de Francia
• El Rebollal

Denantes de la reorganización provincial de Javier de Burgos en 1833 diversos conceyos de la comarca del Altu Tormes pertenecieron a la provincia de Salamanca.

Mancomunidaes

Los conceyos agurúpense en mancomunidaes pa xestionar servicios tales como l'augua o la puxarra. Un mesmu conceyu puede pertenecer, al empar, a estremaes mancomunidaes.

Éstes son les mancomunidaes rexistraes nel Ministeriu d'Alministraciones Públiques:

Mancomunidad Aguas de Santa Teresa	Mancomunidad Aguas Águeda-Azaba	Mancomunidad Alto Águeda
Mancomunidad Alto Tormes	Mancomunidad Arribes del Duero	Mancomunidad Azud de Villagonzalo de Tormes
Mancomunidad Burguillos	Mancomunidad Cabeza de Horno	Mancomunidad Calvarrasa de Arriba-Terradillos
Mancomunidad Campo Charro	Mancomunidad Centro Duero	Mancomunidad El Abadengo
Mancomunidad Cuatro Caminos	Mancomunidad Embalse de Béjar	Mancomunidad Entresierras
Mancomunidad de Guijuelo y su entorno comarcal	Mancomunidad La Armuña	Mancomunidad Las Dehesas
Mancomunidad Comarca de Ledesma	Mancomunidad de Linares de Riofrío y su entorno	Mancomunidad Margañán
Mancomunidad Pantano de Santa Teresa	Mancomunidad de Peñaranda	Mancomunidad Puente La Unión
Mancomunidad Riberas del Águeda, Yeltes y Agadón	Mancomunidad Ruta de la Plata	Mancomunidad Rutas de Alba
Mancomunidad Sierra de Francia	Mancomunidad Tierras del Tormes	Mancomunidad de Vitigudino
Mancomunidad Yeltes	Mancomunidad Zona de Cantalapiedra y Las Villas

Enllace esternu: Mancomunidaes de la provincia de Salamanca

Partíos Xudiciales

La provincia de Salamanca atópase anguañu dixebrada en 5 Partíos Xudiciales anque antiguamente fueron más cuyos escudos componen l'escudo provincial. Estos partíos son:

• Béḥar
• Ciá Rodrigu
• Peñaranda
• Salamanca
• Vitigudín

L'escudo de la Diputación Provincial, consideráu como escudu de la provincia, compónese polos escudos d'estos 5 coneyos.

Partíos xudiciales y conceyos que los componen

Llingua y cultura

La llingua falada mayoritariamente na provincia ye'l castellán, pero con una prefunda y arraigonada influyencia del llionés en Las Arribes, El Rebollal, y las Sierras de Béḥar y Francia. En total, nun más de 1.900 presones falen llionés na provincia. Ye de solliñar la presencia del gallegu-pertués nel conceyu de La Alamedilla.

Musicalmente en Salamanca tócase la chifla llionesa en cuasi toles comarques, sacante nes más al este onde tócase la dulzaina.

Fiestes

El patrón de la provincia ye San Mateo (21 de setiembre).

En la ciudá de Salamanca y arredolaes cellébrase'l llunes d'auguas el llunes siguiente al llunes de Pascua.

Gastronomía

De la so gastronomía coye destacar, ente otros, el pernal de Guixuelu, con Denomación d'Orixe Protexida (DOP) y el fornazu, una empanada típica. Menos conocíu fuera de la rexón son el corderín, gorrafu o tostón asáu, el farinatu (procedente de Ciá Rodrigu), el bollu maimón y los chochos de xema. Son típiques de la capital les sopes d'ayu y la chanfaina, platu d'arroz cocináu con callos, pates de corderu, sangre cocío y güevu duru. De Béḥar ye de ran sonadía el calderiellu beḥarán (guisu de carne con pataques).

Referencies

Ver tamién

• Llista de conceyos de Salamanca
• Bandera de Provincia de Salamanca
• Escudu de la Provincia de Salamanca
• Parque Natural Arribes del Dueru
• Comarques de Castiella y Llión
• Xunión Deportiva Salamanca
• Categoría Salmantinos

Enllaces esternos

• Diputación Provincial de Salamanca
• Salamanca.com
• Turismu en Salamanca
• Música tradicional salmantina
• Estáu de los banzaos de Salamanca
• Conxuntos Hestóricos de Salamanca