Hernán Cortés

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener
Fernán Cortés

Hernán Cortés (Medellín, Estremadura, España, 1485 - † Castilleja de la Cuesta, 2 d'avientu de 1547) (firmaba les sos cartes como Fernán Cortés) conquistó'l territoriu de México en favor de la corona española.

Yera l'únicu fíu de Martín Cortés y Catalina Pizarro Altamirano. Taba emparentáu con Francisco Pizarro que, más tarde, conquistaría l'Imperiu Inca (Perú) y que nun ha de ser confundíu con Francisco Pizarro que sofitó a Cortés na llucha escontra los azteques. Como otros fidalgos, so padre enviólu a la Universidá de Salamanca, pa que s'instruyere. Ellí tuvo dos años, y movíu pola so sede d'aventures, pasó a América, a la islla de La Española. Ellí llegó a ser escribanu de la ciudá d'Azúa.

Cuba[editar | editar la fonte]

Acompañó a Diego de Velázquez a Cuba (añu 1511), foi'l primer alcalde de Santiago de Cuba. Foi encarceláu, acusáu de conspirar contra'l gobernador Diego de Velázquez. Lliberáu, casó cola cuñada del propiu gobernador, de nome Catalina Suárez Marcaida. Diego Velázquez nomólu xefe de la espedición que se taba entamando pa siguir colos descubrimientos na costa de Yucatán, anque bien ceo mostró rocea hacia él.

Hernán Cortés seguía, por embargo, colos preparativos de la espedición, y por mor de la so gran elocuencia, dotes de persuasión y suxestión, pronto consiguió reclutar más de 600 homes pa la so causa.

La espedición[editar | editar la fonte]

Hernan Fernando Cortes.jpg

Adelantándose a que lu cesase Diego Velázquez, l'armada de Cortés partió precipitadamente del puertu de Santiago de Cuba'l 18 de payares de 1518.

Finalmente, el 10 de febreru de 1519, la flota abandonó les costes de Cuba, n'once naves, con 518 infantes, 16 xinetes, 13 escopeteros, 32 ballesteros, 110 marineros y unos 200 indios y negros d'auxiliares de la tropa. Llevaben 32 caballos, 10 cañones de bronce y 4 falconetes. Por capitanes diben Alonso Hernández de Portocarrero (al que-y entregaría más sero la india doña Marina), Alonso de Ávila, Diego de Ordás, Francisco de Montejo, Francisco de Morla, Francisco de Saucedo, Juan de Escalante, Juan Velázquez de León (ésti pariente del gobernador), Cristóbal de Olid y Pedro de Alvarado. Munchos d'estos yeren veteranos de la guerra d'Italia. Por pilotu principal diba Antón de Alaminos.

Hernán Cortés morrió'l vienres 2 d'avientu del añu 1547 en Castilleja de la Cuesta, tratando de volver a les sos posesiones americanes.