Imperiu Español

De Uiquipedia
Saltar a: navegación, buscar
Uiquipedia:Llista d'artículos que toa Wikipedia tien que tener
Gtk-find-and-replace.svg
Esti artículu necesita una revisión por un correutor qu'ha d'ameyorar la so ortografía, la so gramática, la so sintaxis o'l so vocabulariu. Tamién, iguar les referencies o semeyes o con enllaces francíos.
(ver la llista completa d'artículos pa correxir)
Bandera usada pol Imperiu Español

Denómase Imperiu Español al conxuntu de territorios conquistaos, heriedaos y reclamados por España o poles dinastíes reinantes n'España; magar qu'en dalgunos d'ellos tales como les grandes praderíes d'América del Norte o la parte más austral d'América del Sur, la presencia estable española foi munches vegaes más teórica que real. Algamó casi los 14 millones de quilómetros cuadraos no cabero del sieglu XVIII. Nos sieglos XVI y XVII, pue definise como una prollongación del territoriu. Ye nel sieglu XIX, cuando alquier cadarma puramente colonial.

El imperiu español foi el primer imperiu global, darréu que per primera vegada, un imperiu caltenía posesiones en tolos continentes, los que, a desemeyanza de lo qu'asocedía nel Imperiu romanu o nel Carolinxu, nun se comunicaben per tierra los unos colos otros.

Consideraciones xenerales[editar | editar la fonte]

Másima extensión del Imperiu
Mapa anacrónicu qu'amuesa les árees que pertenecieron al Imperiu Español en dalgún momentu a lo llargo d'un periodu de 400 años. Pa más detalle, ver el mapa.

    L'Imperiu español na so cume territorial al rodiu de 1790

    Rexones d'influyencia (esploraeas y/o reclamaes pero nunca controlaes) o colonies en disputa o de curitiu control

    Posesiones del Imperiu Portugués gobernaes por España ente 1580-1640 por anexón dinástica

    Territorios perdíos en o dempués de 1717 pola Paz d'Utrecht

    Marruecos y Sahara Occidental 1884-1975.

Nos sieglos XVI y XVII, España aportó a ser la primera potencia mundial, en competencia direuta primeramente con Portugal y, postreramente, con Francia, Inglaterra y l'Imperiu Otomanu. Castiella, xunto con Portugal taba na avanzada de la esploración europea y de l'apertura de rutes de comerciu al traviés de los mares (nel Atlánticu ente España y les Indies, y nel Pacíficu ente Asia Oriental y México, vía Filipines).

Los conquistadores españoles descubrieron y dominaron enantaos territorios pertenecientes a diferentes cultures n'América y otros territorios d'Asia, África y Oceanía. España, especialmente el reinu de Castiella, enantóse, colonizando esos territorios y construyendo con ello el mayor imperiu económicu del mundu d'entós. Ente la incorporación del Imperiu Portugués en 1580 (perdíu en 1640) y la pérdiga de les colonies americanes nel sieglu XIX, foi ún de los imperios más grandes por territoriu, pesie a sofrir bancarrotes y derrotes militares a partir de la segunda metada del sieglu XVII.

La política matrimonial de los reis permitió la so xunión cola Corona d'Aragón primero, y con Borgoña y, temporalmente, Austria dempués. Con esta política foron alquiríos numberosos territorios n'Europa, au se convirtió nuna de les principales potencies.

España dominaba los océanos gracies a la so avezada Armada, los sos soldaos yeren los meyor entrenaos y la so infantería la más temía. El Imperiu Español tuvo la so Edá d'Oru ente'l sieglu XVI y la primera metada del sieglu XVII, tantu militar como culturalmente.

Esti vastu y esbillau imperiu tuvo de contino en griesca con potencies rivales pola mor territorial, comercial o relixosa. Nel Mediterraneu col Imperiu Otomanu; n'Europa, con Francia, que-y disputaba la primacía; n'América, nún entamu con Portugal y llueu con Inglaterra, y una vegada que los holandeses algamaron la so independencia, tamién escontra éstos n'otros mares.

Les lluchas continuaes con potencies que surdíen n'Europa, davezu simultáneamente, durante llargos períodos y sofitaes tantu en diferencies polítiques como relixoses, cola perda adulces de territorios, abegosemente defendibles pola so dispersión, aidaron al sele decayer del poder español. Ente 1648 y 1659, les paces de Westfalia y los Pirineos ratificaren l'aséu d'España como potencia hexemónica. Esti decayer tuvo la so cume, no que cinca al dominiu sobro territorios , cola Paz d'Utrecht (1713), roblada por un monarca que procedía d'una de les potencies rivales, Felipe V: España renunciaba a los sos territorios n'Italia y nos Países Baxos, perdía la hexemonía n'Europa, renunciaba a siguir dominando na política europea.

Sicasí, España caltuvo y enantó dafechu el so territoriu d'ultramar, acosáu pol espansionismu británicu, francés, y holandés, calteniéndose como una potencia económica más importantes, hasta que delles revoluciones sucesives, quitáron-y los sos territorios nel continente americanu a entamos del sieglu XIX.

España caltuvo dalgunes fraiciones del so imperiu n'América, principalmente Cuba y Puerto Rico, como tamién Filipines y dalgunes islles n'Oceanía como Guam, Palau o les Carolines y les Marianes. La Guerra Hispano-Estaunidense de 1898 supunxo la perda de cásique toos estos caberos territorios. Les úniques posesiones que se salvaren foren les pequeñes islles d'Oceanía (sacantes Guam), que foren a la fin vendíes a Alemaña en 1899.

El impautu moral de'esta derrota foi duru, y tentóse de compensalu criando, con escasu aceñu, un segundu imperiu colonial n'África, centráu en Marruecos, el Sáhara Occidental y Guinea Ecuatorial, que perduró hasta la descolonización de les décades de 1960-1970 al abandonar la cabera colonia, el Sáhara, en 1975.

 
Los imperios coloniales
Colonialismu | Imperialismu | Descolonización
Flag of the German Empire.svg Imperiu Colonial Alemán | Government Ensign of Belgium.svg Imperiu Colonial Belga | Flag of the United Kingdom.svg Imperiu Británicu
Flag of Denmark.svg Imperiu Colonial Danés | Drapeau de Nouvelle-Espagne Imperiu Español | Flag of the United States.svg Imperiu Estaunidense | Flag of France.svg Imperiu Colonial Francés
Flag of Italy (1861-1946).svg Imperiu Colonial Italianu | Naval Ensign of Japan.svg Imperiu de Xapón | Provinces unies Imperiu Holandés |Flag of the Ottoman Empire.svg Imperiu Otomán
PortugueseFlag1385.svg Imperiu Portugués | Flag of Russian Empire for private use (1914–1917).svg Imperiu Rusu | Flag of Sweden.svg Imperiu Colonial Suecu