Llista de papes

Artículu en desendolcu. Polo menos hai un uiquipedista trabayando nel desendolcu d'esti artículu. Puen alcontrase errores y nun s'encamienta tenelu como referencia. Enantes de facer un cambéu bultable del artículu notifícalu nel alderique.

Emblema pontificiu

Antigüedá

Sieglu I

Númb.	Pontificáu	Nome papal (n'asturianu y llatín)	Imaxe	Nome civil	Nacencia	Notes
1	33/64-67	Pedru San Pedru PETRUS		Shimón Bar Ioná	Bethsaida, Galilea	Discípulu de Xesús que recibió, según la Biblia (Matéu, 16:18-19), les llaves del Reinu de Dios. Pa la Ilesia Católica ye, por designación de Xesús, primer obispu de Roma y, poro, primer papa. Nes ilesies cristianes orientales ye veneráu como santu. Mártir (crucificáu). Festividá: 29 de xunu (Santos Pedru y Paulu) y 22 de febreru (Cátedra de San Pedru). Nes ilesies orientales namái el 29 de xunu.
2	64/67-76/79	Llinu San Llinu LINUS		Linus	Toscana (Italia)	Quiciabes martirizáu, ye tamién veneráu como santu nes ilesies orientales. Festividá: 23 de setiembre. Nes ilesies orientales el 7 de xunu
3	76/79-88-92	Anacletu o Cletu San Anacletu ANACLETUS		Anacletus o Cletus	¿Atenes? ¿Roma?	Mártir. Festividá: 26 d'abril
4	88-92/97	Clemente I o Clemente de Roma San Clemente CLEMENS		Clement	Roma	Con elli entama a usase la pallabra Amén nes ceremonies relixoses. Ye tamién veneráu como santu nes ilesies orientales. Mártir Festividá: 23 de payares. Nes ilesies orientales el 25 de payares.
5	97/99-105/107	Evaristu San Evaristu ARISTUS		Aristus	Belén, Xudea	Quiciabes martirizáu. Festividá: 26 d'ochobre

Sieglu II

Númb.	Pontificáu	Nome papal (n'asturianu y llatín)	Imaxe	Nome real	Nacencia	Notes
6	105/107-115/116	Alexandru I San Alexandru ALEXANDER		Alexander	Roma	Según la tradición foi elli el qu'introdució l'usu del agua bendito, con sal añedío, pa purificar les cases de los cristianos, y tamién el qu'incluyó na Eucaristía el pan ácimu y el vinu amestáu con agua. Nes ilesies cristianes orientales ye veneráu como santu. Festividá: 16 de marzu
7	115/116-125	Sistu I San Sistu XISTUS		Sixtus o Xystus	Roma o Grecia	Nes ilesies cristianes orientales ye veneráu como santu. Festividá: 10 d'agostu
8	125-136/138	Telésforu San Telésforu TELESPHORUS		Telesphorus	Grecia	La tradición atribúi-y la introducción de la Misa'l gallu y la composición del Gloria in excelsis Deo, qu'introduxo na misa del día de Navidá, y la regulación del ayunu demientres la Cuaresma. Nes ilesies cristianes orientales ye veneráu como santu. Foi mártir. Festividá: 2 de xineru. Na Ilesia Ortodoxa, el 22 de febreru.
9	136/138-140/142	Hixín San Hixín HYGINUS		Hyginus	Atenes (Grecia)	Quiciabes martirizáu. La tradición atribúi-y la institución de la figura de los padrinos nel bautismu. Festividá: 11 de xineru
10	140/142-155	Píu I San Píu PIUS		Pius	Aquileia (Italia)	Mártir. Festividá: 11 de xunetu
11	155-166	Anicetu San Anicetu ANICETUS		Aniketos	Emesa (anguaño Homs) (Siria) (añu 98)	Quiciabes martirizáu. Festividá: 20 d'abril
12	166-174/175 † 22 d'abril	Soteriu San Soteriu SOTERIUS		Soterius o Soter	Fondi (Italia) (añu 103)	Quiciabes martirizáu. Festividá: 22 d'abril
13	174/175-189 † 24 de mayu	Eleuteriu San Eleuteriu ELEUTHERIUS		Eleuteros o Eleutherius	Nicópolis (Grecia)	Quiciabes martirizáu Festividá: 26 de mayu
14	189-199 † 28 de xunetu	Víctor I San Víctor VICTOR		Victor	Norte d'África	Con elli, entama a usase'l llatín en cuenta del griegu pa la lliturxa. Mártir. Festividá: 28 de xunetu

Sieglu III

Númb.	Pontificáu	Nome papal (n'asturianu y llatín)	Imaxe	Nome real	Nacencia	Notes
15	199-217 † 20 d'avientu	Ceferín San Ceferín ZEPHYRINUS		Zephyrinus	Roma	Quiciabes martirizáu. Festividá: 26 d'agostu
16	217-222	Calistu I San Calistu CALLISTUS		Callistus	Roma (añu 155)	Mártir. Foi apaleáu hasta la muerte, y el so cadabre foi dempués tiráu a un pozu. Festividá: 14 d'ochobre
A	217-235	Hipólitu I San Hipólitu HIPPOLYTUS		Hippolytus o Ypolitus	¿Roma?, c. 170	Foi ún de los más importantes teólogos del sieglu III. Ye'l primer antipapa reconocíu pola Ilesia católica. Nostante, reconcilióse con ella nel 235, demientres el so estierru en Cerdeña xunto al papa Poncianu. Morrió mártir, y ye reconocíu como santu. Festividá: 13 d'agostu. Na Ilesia ortodoxa el 30 de xineru.
17	222-230 † 19 de mayu	Urbanu I San Urbanu URBANUS		Urbanus	Roma	El so pontificáu foi una dómina tranquila pa los cristianos, una y bones nun hebo persecuciones. Tradicionalmente tenío por mártir, descubriose va poco que morriera de muerte natural. Festividá: 25 de mayu
18	21-VII-230 al 28-IX-235 † 19-XI-235	Poncianu San Poncianu PONTIANUS		Pontianus	Roma	Foi el primer papa que dexó'l cargu y abdicó d'elli al ser condenáu al esiliu. Ellí reconciliose col antipapa Hipólitu I, col que compartió estierru y martiriu: dambos foron azotaos hasta morrer. Festividá: 13 d'agostu
19	21-XI-235 al 3-I-236	Anteru San Anteru ANTERUS		Anterus	D'orixe griegu	El so pontificáu, en tiempu de grandes persecuciones, duró namái 43 días. Morrió mártir.
20	10-I-236 al 20-I-250	Fabián San Fabián FABIANUS		Fabianus	Roma (ca. 200)	Escoyíu papa por aclamación, magar nun yera siquiera sacerdote, morrió mártir. Festividá: 20 de xineru
21	6/11-III-251 a xunu de 253	Corneliu San Corneliu CORNELIUS		Cornelius	¿Roma?	Foi esterráu a Civitavecchia pol emperador Treboniano Galo, que lu acusó d'ofender a los dioses romanos y de provocar, al facelo, una epidemia en Roma. Más sero foi encarceláu y martirizáu. Festividá: 16 de setiembre
A	251-258	Novacianu NOVATIANUS		Novatianus	Frixa (¿añu 200?)	Foi el primer teólogu n'usar el llatín nos sos testos. Descontentu cola eleición de Corneliu como papa, fízose nomar papa por trés obispos. Escomulgáu por eso, fundó la Ilesia de los puros (katharoi), que duró hasta'l sieglu VII.
22	25-VI-253 al 5-III-254	Lluciu I San Lluciu LUCIUS		Lucius	Roma	Quiciabes martirizáu. Festividá: 4 de marzu
23	12-V-254 al 2-VIII-257	Esteban I San Esteban STEPHANUS		Stephanus	Roma (ca. 200)	Caltuvo un alderique cola Ilesia d'África no que cinca a la posibilidá de perdonar a los apóstates, na qu'Esteban defendía que nun había qu'acoyelos otra vuelta na comunidá de los creyentes. Nelli reclamó, per primer vegada, la primada, xurídica amás de moral, de la Ilesia de Roma sobro les demás ilesies del mundu. Según la tradición, morrió mártir: foi escabezáu na mesma siella pontificia. Festividá: 2 d'agostu
24	30-VIII-357 al 6-VIII-258	Sistu II San Sistu II XYSTUS		Xystus	¿Grecia?	Foi el primer papa que repitió'l nome d'ún de los sos antecesores. Morrió escabezáu. Festividá: 6 d'agostu
25	22-VII-259 al 26-XII-268	Dionisiu San Dionisiu DIONYSIUS		Dionysius	Grecia	Caltuvo, con Dionisiu d'Alexandría, el debate teolóxicu que se conoz como Alderique de los Dionisios, que facía referencia al triteísmu (Dios nun ye unu y trinu, como dicía la doctrina oficial, sinon trés dioses distintos). Ye'l primer papa, según el martiroloxiu romanu, que nun morrió mártir.
26	5-I-269 al 30-XII-274	Félix I San Félix FELIX		Felix	Roma	Mandó enterrar a los mártires embaxu los altares de les ilesies (primero enterrábense nes catacumbes) y facer misa namái ellí col envís d'evitar la cellebración de mises privaes, frecuente d'aquella. Festividá: 30 d'avientu
27	4-I-275 al 7-XII-283	Eutiquianu San Eutiquianu EUTHYCHIANUS		Euthychianus		Dexó mandao que los mártires foran enterraos con un vistíu nomáu dalmática, asemeyada al mantu de los emperadores romanos que ye usada anguaño polos diáconos nes ceremonies solemnes.
28	17-XII-283 al 22-IV-296	Cayu San Cayu CAIUS o GAIUS		Caius o Gaius	Salona, (Dalmacia)	Yera sobrín del emperador Dioclecianu, y dedicó'l so pontificáu a reorganizar les instituciones de la Ilesia. Quiciabes martirizáu. Festividá: 22 d'abril
29	30-VI-296 al 1-IV-304	Marcelín San Marcelín MARCELLINUS		Marcellinus		Foi papa demientres la cabera gran persecución de los cristianos, entamada por Dioclecianu. Nel so pontificáu, en 301, Armenia convirtiose na primer nación oficialmente cristiana de la historia. La tradición diz que morrió escabezáu por mandáu del emperador. Festividá: 26 d'abril

Sieglu IV

Númb.	Pontificáu	Nome papal (n'asturianu y llatín)	Imaxe	Nome real	Nacencia	Notes
30	Mayu-xunu de 308 al 16-I-309	Marcelu I San Marcelu MARCELLUS		Marcellus		Decretó que los qu'apostataran demientres les persecuciones tuvieran que facer penitencia primeru de ser almitíos otra vuelta na Ilesia. Los que taben a la escontra d'esa decisión ficieron que l'emperador Maxenciu lu esterrara. Morrió esiliáu. Festividá: 16 de xineru
31	18-IV-309 al 17-VIII-309	Eusebiu San Eusebiu EUSEBIUS		Eusebius	¿Cerdeña?	Continuó, nel so perbreve papáu, la engarradiella de los lapsi (apóstates). Maxenciu esterrolu y morrió en Sicilia.
32	2-VII-311 al 10/11-I-314	Melquíades San Melquídes MILTIADES O MELCHIADES		Miltiades o Melchiades	¿Norte d'África?	L'emperador Constantín promulga l'Edictu de Milán (313), que da fin a les persecuciones relixoses, y ofrez al pontífiz el Palaciu del Laterano, que se convertirá na sé pontificia (San Xuan del Laterano).
33	31-I-314 al 31-XII-335	Silvestre I San Silvestre SILVESTER		Silvester	Roma	Institúi el domingu como Día del Señor y convoca'l I Conceyu de Nicea (325), que condenó l'arrianismu y definió el credu de los católicos. Festividá: 31 d'avientu
34	18-I-336 al 7-X-336	Marcos San Marcos I MARCUS		Marcus	¿Roma?	Invistió embaxu d'un paliu al obispu d'Ostia, que dende aquella quedó autorizáu pa consagrar como papa al obispu de Roma. Festividá: 7 d'ochobre
35	6-II-337 al 12-IV-352	Xuliu I San Xuliu IULIUS		Iulius	Roma	Foi el que determinó qu'el 25 d'avientu tenía de ser el día de la Natividá del Señor. Atribúise-y tamién la fundación del archivu de la Santa Sede. Festividá: 12 d'abril
36	17-V-352 al 24-IX-366	Liberiu LIBERIUS		Liberius		Foi esterráu en Tracia pol emperador Constanciu II, que quería facer del arrianismu la relixón oficial del Imperiu romanu occidental. Ye, tamién, el primer papa qu'aínda nun foi canonizáu pola Ilesia católica, magar que sí que lo ye nes Ilesies orientales.
A	355-365	Félix II FELIX		Felix	¿Roma?	De la que Liberio foi esterráu dellos obispos arrianos, col apoyu del cleru romanu, ficiéronlu papa, anque nun foi reconocíu pol pueblu cristianu. Ye, poro, un antipapa, anque'l so nome se caltién pa la numberación de los pontífices; amás, na Edá Media foi consideráu como papa llexítimu (la semeya ye d'esa época). Festividá: 29 de xunetu
37	1-X-366 al 11-XII-384	Dámasu I San Dámasu DAMASUS		Damasus	Lusitania	Fizo del llatín la llingua oficial de la Ilesia, y-y encargó al historiador Xerónimu d'Estridón la traducción de la Biblia, nomada Vulgata, a esa llingua, estableciendo al facelo los llibros sagraos canónicos. Festividá: 11 d'avientu
A	366-367	Ursín URSINUS		Ursinus	Roma	Antipapa. Negose a reconocer el nomamientu de Dámasu, y foi esterráu por ello pol emperador Valentinianu II.
38	11-XII-384 al 26-XI-399	Siriciu San Siriciu SIRICIUS		Siricius	Roma	Decreta'l celibatu pa los clérigos. Delles fontes apunten que foi el primer pontífiz qu'usó'l títulu de papa Festividá: 26 de payares
39	27-XI-399 al 19-XII-401	Anastasiu I San Anastasiu ANASTASIUS		Anastasius		Animó a los cristianos del Norte d'África a lluchar escontra la herexía donatista. Festividá: 19 d'avientu

Sieglu V

Númb.	Pontificáu	Nome papal (n'asturianu y llatín)	Imaxe	Nome real	Nacencia	Notes
40	22-XII-401 al 12-III-417	Inocenciu I San Inocenciu I INNOCENTIUS		Innocentius	Albano (Italia)	Fíu del anterior papa, magar que nacíu primero de qu'esti se fixera clérigu, yera papa cuando Alaricu, rei de los visigodos, saquia Roma (24-VIII-410). Festividá: 28 de xunetu
41	18-III-417 al 26-XII-418	Zósimu San Zósimu ZOSIMUS		Zosimus	¿Grecia?	Absolvió del pecáu d'herexía a Pelagio, que yá fora condenáu por Inocenciu I. Eso causó bien de discusiones na Ilesia.
42	28/29-XII-418 al 4-IX-422	Bonifaciu I San Bonifaciu		Bonifacius
A	27-XII-418 al 3-IV-419	Olayu		Eulalius	Roma	antipapa; foi elixíu pontífiz como alternativa a Bonifaciu I; reconoció a ésti como papa llexítimu
43	10-IX-422 al 27-VII-432	Celestín I San Celestín		Coelestinus	Roma?	Conceyu d'Éfesu (431)
44	31-VII-432 a VIII-440	Sistu III San Sistu		Xystus		Festividá: 28 de marzu
45	29-IX-440 al 10-XI-461	Lleón I San Lleón Lleón el Grande		Leo	° 400? en Toscana	Convence a Atila, rei de los Hunos, de nun conquistar Roma (452) Festividá: 10 de payares
46	19-XI-461 al 29-II-468	Hilariu San Hilariu		Hilarius	Cerdeña
47	3-III-468 al 10-III-483	Simpliciu San Simpliciu		Simplicius	Tívoli (Italia)	Fin del Imperiu Romanu d'occidente (476)
48	13-III-483 al 1-III-492	Félix III San Félix		Felix	Roma	Félix II ye consideráu un antipapa, pero caltiénse na numberación.
49	1-III-492 al 21-XI-496	Xelasiu I San Xelasiu		Gelasius	Norte d'África?	Fíxase'l Canon de les Escritures Sagraes (494)
50	24-XI-496 al 19-XI-498	Anastasiu II		Anastasius	Roma?	Clodovéu, rei de los francos, conviértese al cristianismu

Alta Edá Media

Sieglu VI

númb.	Pontificáu	Nome como pontífiz	imaxe	Nome real	Nacencia	Notes
51	22-XI-498 al 19-VII-514	Símacu San Símacu		Symmachus	°450? en Cerdeña	depuestu por Teodoricu'l Grande ente 501-506
A	22-XI-498 al 1-III-499 y 23-X-501 al 506	Llorienzu		Laurentius	Roma?	antipapa; recibió'l sofitu de Teodoricu'l Grande nel so segundu reináu
52	20-VII-514 al 19-VII-523	Hormisdes San Hormisdes		Hormisdas	Frosinone (Italia)	Dionisiu l'Exiguu data'l 753 ab urbe condita como l'añu de nacencia de Xesús de Nazaret, poro, l'añu 1 de la dómina cristiana
53	13-VIII-523 al 18-V-526	Xuan I San Xuan		Ioannes	Toscana	Primer papa que viaxa a Constantinopla; encarceláu y martirizáu por orde de Teodoricu'l Grande
54	12-VII-526 al 22-IX-530	Félix IV San Félix		Felix	Samniu (Italia)	puestu na Siella de San Pedru por orde de Teodoricu'l Grande; nun edictu noma a Bonifaciu II como'l so socesor
55	22-IX-530 al 17-X-532	Bonifaciu II		Bonifacius	Roma	tentó d'elixir tamién elli mesmu al so socesor, na figura de Vixiliu (llueu tamién papa)
A	22-IX-530 al 14-X-530	Dióscoru		Dioscorus	Alexandria	antipapa; foi'l candidatu elixíu pol cleru en contra del nomamientu de Bonifaciu; la so muerte frayó la cisma
56	2-I-533 al 8-V-535	Xuan II		Mercurius	Roma	Primer papa que camuda'l so nome de bautismu
57	13-V-535 al 22-IV-536	Agapitu I San Agapitu		Agapetus	Roma	escomulga'l patriarca de Constantinopla Antimu I
58	8-VI-536 al III-537 †11-XI-537	Silveriu San Silveriu		Silverius	Frosinone? (Italia)	fíu llexítimu del papa Hormisdes; depuestu de la siella de San Pedru
59	20-III-537 al 7-VI-555	Vixiliu		Vigilius	Roma	II Conceyu de Constantinopla (553)
60	16-IV-556 al 4-III-561	Pelayu I		Pelagius	Roma
61	17-VII-561 al 13-VII-574	Xuan III		Catelinus	Roma	Invasión lombarda
62	2-VI-575 al 30-VI-579	Benedictu I		Benedictus o Bonosus	Roma
63	26-XI-579 al 7-II-590	Pelayu II		Pelagius	Roma	nun reconoz el títulu de ecuménicu pal patriarca de Constantinopla
64	3-IX-590 al 12-III-604	Gregoriu I San Gregoriu Gregoriu'l Grande		Gregorius	°540? en Roma	contribúi a la evolución del cantu llitúrxicu, nomáu en so honor, cantu gregorianu Festividá: 3 de setiembre

Sieglu VII

númb.	Pontificáu	Nome como pontífiz	imaxe	Nome real	Nacencia	Notes
65	13-IX-604 al 22-II-606	Sabinianu San Sabinianu			Blera (Italia)
66	19-II-606 al 12-XI-606	Bonifaciu III			Roma
67	25-VIII/15-IX-608 al 8/25-V-615	Bonifaciu IV San Bonifaciu			Valeria (Italia)	Mahoma emprima la so predicación en La Meca Festividá: 25 de mayu
68	13-XI-615 al 8-XI-618	Adeodatu I		Adeodatus o Deusdedit		Primer papa n'usar un sellu nos documentos pontificios Festividá: 8 de payares
69	23-XII-619 al 25-IX-625	Bonifaciu V			Nápoles	elixíu como papa l'8-XI-618, pero nun se consagró hasta recibir la confirmación d'Heracliu I
70	27-X-625 al 12-X-638	Honoriu I			Capua
71	28-V-640 al 2-VIII-640	Severín			Roma	elixíu como papa'l 15-X-638, pero nun se consagró hasta recibir la confirmación d'Heracliu I
72	24-XII-640 al 12-X-642	Xuan IV			° 580? en Salona (Dalmacia)
73	24-XI-642 al 14-V-649	Teodoru I			Xerusalén	escomulga'l patriarca de Constantinopla Paulu II
74	21-VII-649 al 16-IX-655	Martín I San Martín			Todi (Italia)	l'emperador bizantín Constante II lo depone como papa nel 653 y treslládalu a Constantinopla, esterrándolu'l 15-V-655 en Crimea
75	10-VIII-654 al 2-VI-657	Euxeniu I San Euxeniu			Roma	elixíu pol emperador Constante II mientres l'encarcelamientu de Martín I Festividá: 2 de xunu
76	30-VII-657 al 27-I-672	Vitalianu San Vitalianu			Segni (Italia)	Festividá: 27 de xineru
77	11-IV-672 al 17-VI-676	Adeodatu II			Roma?
78	2-XI-676 al 11-IV-678	Donu			Roma
79	27-VI-678 al 10-I-681	Agatón San Agatón			Sicilia
80	17-VIII-682 al 3-VII-683	Lleón II San Lleón			Calabria (Italia)	elixíu como papa en xineru de 681, pero sin la confirmación de Constantín IV hasta un añu depués.
81	26-VI-684 al 7-V-685	Benedictu II San Benedictu			Roma	papa caberu que necesitó la confirmación del emperador bizantín, treslladada al exarca de Rávena
82	23-VII-685 al 2-VIII-686	Xuan V			Antioquía (Siria)
83	21-X-686 al 21-IX-687	Conón
A	866-867	Teodoru				antipapa; yera'l candidatu de l'aristocracia romana p'asoceder a Xuan V; reconoz a Serxu I como pontífiz
A	687	Pascual				antipapa; nun reconoció a Serxu I como pontífiz
84	15-XII-687 al 8-IX-701	Serxu I San Serxu			Palermo (Italia)	introduz l'Agnus Dei na misa Festividá: 8 de setiembre

Sieglu VIII

númb.	Pontificáu	Nome como pontífiz	imaxe	Nome real	Nacencia	Notes
85	30-X-701 al 11-I-705	Xuan VI			Grecia
86	1-III-705 al 18-X-708	Xuan VII			Rossano (Italia)
87	15-I-708 al 4-II-708	Sisiniu			Siria
88	25-III-708 al 9-IV-715	Constantín			Siria	Viaxa a Constantinopla
89	12-V-715 al 11-II-731	Gregoriu II San Gregoriu			°669? en Roma	Escomulga al emperador Lleón III Isaúricu festividá: 13 de febreru
90	18-III-731 al 29-XI-741	Gregoriu III			Siria	Elixíu por aclamación popular; papa caberu en ser confirmáu pol exarca bizantín festividá: 28 de payares
91	10-XII-741 al 22-II-752	Zacaríes San Zacaríes			Calabria (Italia)
Ø	23-III-752 al 25-III-752	Esteban Papa Electu o Esteban II			Roma	Elixíu como papa, nun llegó a ser consagráu; nel pontificáu de Xuan XXIII suprímese de la llista de papes
92	26-III-752 al 26-IV-757	Esteban II o III			Roma	Surden los Estaos Pontificios
93	29-V-757 al 28-VI-767	Paulu I San Paulu			Roma	festividá: 20 de xunu
A	5-VII-767 al 6-VIII-768	Constantín II		Constantino di Nepi		Antipapa; impuestu como papa por so hermanu, el duque Teodoru de Nepi
A	31-VII-768	Felipe				Antipapa; elixíu pa deponer al antipapa Constantín II
94	7-VIII-767 al 24-I-772	Esteban III o IV			°720? en Sicilia	Conceyu de Laterano (769)
95	9-II-772 al 26-XII-795	Adrianu I			Roma	II Conceyu de Nicea (787)

Sieglu IX

númb.	Pontificáu	Nome como pontífiz	imaxe	Nome real	Nacencia	Notes
96	27-XII-795 al 12-VI-816	Lleón III			Roma	del 799 al 800 exíliase baxo protección de Carlomagnu; corona como emperador a Carlomagnu na Basílica de San Pedru (25-XII-800)
97	12-VI-816 al 24-I-817	Esteban IV o V			Roma	Corona en Reims a Lluis el Piadosu, rei de los francos
98	25-I-817 al 11-II-824	Pascual I San Pascual		Pascale Massimi	Roma	El pueblu romano nun quixo que fore enterráu na Basílica de San Pedru festividá: 16 de mayu
99	8-V-824 al 27-VIII-827	Euxeniu II padre del pueblu			Roma	Institúinse con elli los Seminarios
100	VIII-827 a X-827	Valentín			Roma
101	5-I-828 al 11-I-844	Gregoriu IV			Roma	Introduz la festividá de Tolos Santos
A	844	Xuan o Xuan VIII				Antipapa; yera'l candidatu elixíu pol pueblu romano p'asoceder a Gregoriu IV
102	I-844 al 7-I-847	Serxu II			Roma	Los sarracenos saquien Roma (846)
103	10-IV-847 al 17-VII-855	Lleón IV San Lleón			Roma	Manda llevantar nueves muries en Roma, creando la Civitas Leonina
A	855 †880	Anastasiu III Anastasiu'l Bibliotecariu			°810?	Antipapa, tenía'l sofitu del emperador Lotariu; ún de los posibles redactores del Liber Pontificalis
104	29-IX-855 al 17-IV-858	Benedictu III			Roma
105	24-IV-858 al 13-XI-867	Nicolás I San Nicolás Nicolás el Grande			°828? en Roma	Cisma fociana: elli y Fociu, Patriarca de Constantinopla, escomúlguense mutuamente (867)
106	14-XII-867 al 14-XII-872	Adrianu II			792 en Roma	Convoca'l IV Conceyu de Constantinopla
107	14-XII-872 all 16-XII-882	Xuan VIII			°820? en Roma	Evita otra cisma cola Ilesia oriental y reconoz a Fociu como patriarca; confirma y permite a San Metodiu y San Cirilu dar la lliturxa n'eslavu
108	16-XII-882 al 15-V-884	Marín I equivocadamente Martín II			Gallese (Italia)	Renueva la escomunión contra'l patriarca Fociu
109	17-V-884 al IX-885	Adrianu III Santu Adrianu			Roma	festividá: 8 de xunetu
110	14-IX-885 al 14-IX-891	Esteban V o VI			Roma
111	19-IX-891 al 4-IV-896	Formosu			°816? n'Ostia (Italia)	Fore escomulgáu pol Xuan VIII, pero restituyíu por Marín I
112	4-IV-896 al 19-IV-896	Bonifaciu VI			Roma?	elixíu col sofitu del emperador Lambertu d'Spoleto
113	22-V-896 al 14-VIII-897	Esteban VI o VII			Roma	Fai un xuiciu al cadabre de Formosu (896, synodus horrenda), nomándolu antipapa
114	VIII-897 al XI-897	Román			Gallese (Italia)	hermanu de Marín I; depuestu de la siella de San Pedru
115	XII-897	Teodoru II			Roma	restitúi la figura de Formosu como papa; fíu del patriarca Fociu
116	18-I-898 al 5-I-900	Xuan IX				Corona a Lamberto d'Spoleto como emperador, sustituyendo a Arnulfu

Sieglu X

númb.	Pontificáu	Nome como pontífiz	imaxe	Nome real	Nacencia	Notes
117	1-II-900 al VII-903	Benedictu IV			Roma	Corona como emperador a Lluis de Provenza (Lluis III el Ciegu)
118	VII-903 a IX-903	Lleón V			Ardea (Italia)	Depuestu pol antipapa Cristóbal
A	IX-903 a I-904	Cristóbal			Roma	antipapa, pero hasta'l sieglu XX, sí foi consideráu papa lexítimu; depón al anterior pontífiz
119	29-I-904 al 14-IV-911	Serxu III			Roma, nel 870?	Tentó enantes por dos veces xubir na siella de San Pedru; iniciu del periodu nomáu pornocracia
120	IV-911 al VI-913	Anastasiu III			Roma	Posible fíu de Serxu III
121	7-VIII-913 al 5-II-914	Landón		Landón	Sabina (Italia)	Últimu pontífiz hasta, Xuan Paulu I, n'usar un nome inéditu
122	III-714 al V-728	Xuan X			Tossignano (Italia), en 860	Primer papa que se pon na cabeza d'un exércitu, na Batalla de Garigliano (916)
123	V-928 al XII-928	Lleón VII			Roma	Muerre asesináu
124	XII-928 al II-931	Esteban VII o VIII			Roma	Depuestu y asesináu
125	III-931 al XII-935	Xuan XI			Roma, nel 911?	Fíu de Serxu III; privilexa l'Abadía de Cluny
126	3-I-936 al 13-VII-939	Lleón VII			Roma	Privilexa la reforma de Cluny
127	14-VII-939 al X-942	Esteban VIII o IX			Roma?
128	30-X-942 al 1-V-946	Marín II equivocadamente Martín III			Roma
129	10-V-946 al 8-XI-955	Agapitu II			Roma
130	16-XII-955 al 14-V-964	Xuan XII El Papa Neñu		Octavianu	Roma, 938?	Fíu d'Albericu II; depuestu ente XI-963 y II-964
A	6-XII-963 al 26-II-964	Lleón VIII			Roma	consideráu como antipapa nesti primer periodu del so pontificáu, impuestu por Otón I
131	22-V-964 al 23-VI-964 †4-VII-966	Benedictu V El Gramáticu			Roma	Depuestu por Otón I y esterráu n'Hamburgu
132	23-VI-964 al 1-III-965	Lleón VIII			Roma	papa llexítimu pa esti periodu; protexíu d'Otón I
133	1-X-965 al 6-IX-972	Xuan XIII		Giovanni Crescenzi	Roma	exiliáu ente avientu 965 y el 14-XI-966; evanxelización d'húngaros y polacos
134	19-I-973 a VI-974	Benedictu VI				Depuestu y asesináu
A	974	Bonifaciu VII		Francone Ferruchi		antipapa per primer vegada; fux pa Constantinopla
135	X-974 al 10-VII-983	Benedictu VII			Roma	promueve'l monacatu; impuesto por Sicco d'Spoleto y Otón II
136	XII-983 a IV-984 †20-VIII-984	Xuan XIV		Pietro Canepanova	Pavía (Italia)	muerre de fame tando encarceláu
A	IV-984 al 20-VII-985	Bonifaciu VII		Francone Ferruchi		antipapa per segunda vegada; muerre asesináu
137	VII-985 al 1-IV-996	Xuan XV		Xuan	Roma	Primer papa en facer una canonización, la de Ulricu d'Ausburgu
138	3-V-996 al 18-II-999	Gregoriu V		Bruno von Kärnthen (Bruno de Carintia)	Saxonia, 972?	primer papa alemán
A	997-998 †1013	Xuan XVI		Giovanni Filigato	Rossano (Italia)	antipapa; el so numberal sí computará pal siguiente papa de nome Xuan
139	2-IV-999 al 12-V-1003	Silvestre II		Gerbert d'Aurillac	Alverña (Francia), 945?	primer papa francés

Baxa Edá Media

Sieglu XI

númb.	Pontificáu	Nome como pontífiz	imaxe	Nome real	Nacencia	Notes
140	13-VI-1003 al XI/XII-1003	Xuan XVII		Siccone Secchi	Roma
141	XII-1003 al VII-1009	Xuan XVIII		Giovanni Fasano	Roma	Dexa la Siella de San Pedru
142	31-VII-1009 al 12-V-1012	Serxu IV		Pietro Martino Boccadiporco	Roma	La Ilesia del Santu Sepulcru ye destruyíu pol califa Al-Hakil bi-Amr Allah
143	18-V-1012 al 9-IV-1024	Benedictu VIII		Teofilatto dei Conti di Tusculo	Roma	Depuestu como papa hasta 1014
A	1012	Gregoriu VI		Gregorio		antipapa, busca'l sofitu del emperador Henrique II contra Benedictu VIII
144	4-V-1024 al 20-X-1032	Xuan XIX		Romano dei Conti di Tusculo	Roma	Hermanu de Benedictu VIII; yera llaicu nel momentu de la so eleición como pontífiz
145	21-X-1032 al IX-1044 1er periodu	Benedictu IX	50px	Teofilatto dei Conti di Tusculo	Roma, 1012	Sobrín de los dos papes anteriores. Gobierna en trés periodos. Espulsáu de la siella de San Pedru nésti primeru.
146	20-I-1044 al 10-IV-1045 †1063	Silvestre III		Giovanni di Crescenzi Ottaviani	Roma	Espulsáu por Benedictu IX
147	10-IV-1045 al V-1044 2du periodu	Benedictu IX	50px	Teofilatto dei Conti di Tusculo	Roma, 1012	Viende'l cargu pontificiu a Gregoriu VI
148	5-V-1045 al 20-XII-1046 †1047	Gregoriu VI		Giovanni Graciano Pierleoni	Roma	Obligáu a abdicar nel sínodu de Sutri, esterráu pa Colonia
149	24-XII-1046 al 9-IX-1047	Clemente II		Suidger von Morsleben und Hornburg	Saxonia, 1005	Corona como Emperador a Henrique III; dende agora'l cargu papal habrá tener l'autorización del emperador xermánicu
150	8-XI-1047 al 17-VI-1048 3er periodu †1055 o 1056	Benedictu IX	50px	Teofilatto dei Conti di Tusculo	Roma, 1012	Espulsáu del cargu papal
151	17-VII-1048 al 9-VIII-1048	Dámasu II		Poppo von Brixen	Baviera	Nomáu pol emperador Henrique III, nun hubo eleición papal
152	12-II-1049 al 19-IV-1054	Lleón IX San Lleón		Bruno von Egisheim-Dagsburg	Alsacia, 21-VI-1002	Produzse la cisma definitiva ente la Ilesia Occidental, catolicismu, y la Ilesia Oriental, ortodoxa (16-VII-1054)
153	13-IV-1055 al 28-VII-1057	Víctor II		Gebhard Graf von Calw, Tollenstein und Hirschberg	Baviera, 1018	Refuerza la condena contra'l matrimoniu de los sacerdotes
154	2-VIII-1057 al 29-III-1058	Esteban IX o X		Frederick de Lorena	Lorena, 1020	Refuerza la Reforma Gregoriana
A	1058 al 1059 †1073 o 1080	Benedictu X		Giovanni Mincio	Roma	Antipapa
155	6-XII-1058 al 27-VII-1061	Nicolás II		Gerhard de Borgoña	Chevron, 990	Coronáu como pontífiz el 24-I-1059; espulsa y escomulga al antipapa Benedictu X
156	30-IX-1061 al 21-IV-1073	Alexandru II		Anselmo da Baggio	Milán, 1010 o 1015	La so eleición nun tuvo'l sofitu imperial; nel 1063 tresforma la Reconquista en guerra santa
A	28-X-1061 al 31-V-1064 †1072	Honoriu II		Pietro Cadalo	Verona, 1009	Antipapa, elixíu como pontífiz contra Alexandru II; caltuvo hasta la muerte, el so drechu sobro la Siella de San Pedru.
157	22-IV-1073 al 25-V-1085	Gregoriu VII San Gregoriu		Ildebrando Aldobrandeschi di Soana	Sovana, 1020	Elixíu pontífiz por aclamación popular; nel 1075 publica'l Dictatus Papae
A	25-II-1080 al 8-I-1100	Clemente III		Wibert de Ravenna	Parma, 1029	Antipapa; elixíu como pontífiz por Henrique IV, al que corona como emperador
158	24-V-1086 al 16-IX-1087	Víctor III		Dauferio o Desiderio	Benevento, 1026	Nun acepta'l cargu hasta un añu depués; fixo una "protocruzada" nel norte d'África
159	12-III-1088 al 29-VII-1099	Urbanu II		Odón de Châtillon o de Lagery	Lagery, 1042	Entama la Primer Cruzada (1095-99)

Sieglu XII

númb.	Pontificáu	Nome como pontífiz	imaxe	Nome real	Nacencia	Notes
160	13-VIII-1099 al 21-I-1118	Pascual II		Rainiero de Bieda	Bieda, 1050
A	IX-1100 al I-1101 †1102	Teodoricu		Teodorico		Antipapa; nomáu papa col sofitu del Emperador Henrique IV. Encarceláu y esterráu pol papa Pascual II
A	I-1101 al 1105	Albertu		Adalberto o Alberto		Antipapa; nomáu papa pol emperador Henrique IV depués del antipapa Teodoricu; encarceláu
A	18-XI-1105 al 11-IV-1111	Silvestre IV		Maginulfo	Roma, 1050?	Antipapa; col sofitu imperial; renuncia a les pretensiones sobre la Siella de San Pedru
161	24-I-1118 al 29-I-1119	Xelasiu II		Giovanni Caetani Coniulo	Gaeta, 1060	Esiliáu na so ciudá natal, morriendo en Cluny (Francia)
A	10-III-1118 al 22-IV-1121 †1137	Gregoriu VIII		Maurice Bourdin	Limousin	Antipapa; elixíu con sofitu imperial contra Xelasiu II, fuxendo ésti de Roma
162	2-II-1119 al 13-XII-1124	Calistu II		Guido de Borgoña	Borgoña, 1050	Elixíu en Cluny, espulsando de Roma al antipapa Gregoriu VIII; convoca'l primer conceyu ecuménicu n'Occidente (Laterano, 1123); escomulga al Cometa Halley
A	15-XII-1124 al 21-XII-1124	Celestín II		Teobaldo Boccapecora		Antipapa, anque elixíu dafechu. Renuncia al cargu pontificiu
163	21-XII-1124 al 13-II-1130	Honoriu II		Lamberto Scannabecchi	Fiagnano	Créase la Orde del Temple
164	14-II-1130 al 24-IX-1143	Inocenciu II		Gregorio Papareschi	Roma	Tien de fuxir de Roma ante l'antipapa Anacletu II. II Conceyu de Laterano
A	23-II-1131 al 25-I-1138	Anacletu II		Pietro Pierleoni	Roma	Antipapa; coronáu pontífiz al mesmu tiempu qu'Inocenciu II, esiliándose ésti
A	13-III-1138 al 29-V-1138	Víctor IV		Gregorio Conti		Antipapa; elixíu como socesor del antipapa Anacletu II; acepta llueu l’autoridá d’Inocenciu II
165	26-IX-1143 al 8-III-1144	Celestín II		Guido Ghefucci da Castello	Città di Castello
166	12-III-1144 al 15-II-1145	Lluciu II		Gherardo Caccianemici dall'Orso	Boloña
167	15-II-1145 al 8-VII-1153	Euxeniu III Beatu Euxeniu		Pietro Bernardo dei Paganelli di Montemagno	Pisa	Organízase la Segunda Cruzada
168	9-VII-1153 al 3-XII-1154	Anastasiu IV		Corrado della Suburra	Roma
169	4-XII-1154 al 1-IX-1159	Adrianu IV		Nicholas Breakspear	Abbots Langley, 1100	Decreta qu'Irlanda pase a ser dominiu del rei d'Inglaterra (Henrique II)
170	7-IX-1159 al 30-VIII-1181	Alexandru III		Rolando Bandinelli	Siena, 1100	III Conceyu de Laterano; bula Regis Aeternis, que promulga l'añu xubilar xacobéu
A	7-IX-1159 al 20-IV-1164	Víctor IV		Ottaviano Crescenzi Ottaviani di Monticelli		Antipapa; col sofitu del emperador Federico Barbarossa contra Alexandru III
A	22-IV-1164 al 20-IX-1168	Pascual III		Guido	Cremona	Antipapa; socesor del antipapa Víctor IV; canonizó a Carlomagnu (canonización non reconocida pola Ilesia Católica)
A	IX-1168 al 29-VIII-1178 †1184	Calistu III		Giovanni di Struma		Antipapa; col sofitu del emperador Federico Barbarossa
A	29-III-1179 al I-1180	Inocenciu III		Lando Sitino	Sezze	Antipapa; cuartu y caber opositor a Alexandru III
171	1-IX-1181 al 25-XI-1185	Lluciu III		Ubaldo Allucingoli	Lucca, 1097	Entama a preparar la Tercer Cruzada, morriendo enantes de vela fecha
172	25-XI-1185 al 20-X-1187	Urbanu III		Uberto Crivelli	Cuggiono, 1120	Perda de Xerusalén
173	21-X-1187 al 17-XII-1187	Gregoriu VIII		Alberto de Morra	Benevento, 1100	Organiza la Tercer Cruzada
174	19-XII-1187 al 27-III-1191	Clemente III		Paolo Scolari	Roma	Lleva a cabu la Tercer Cruzada
175	30-III-1191 al 8-I-1198	Celestín III		Giacinto Bobone	Roma, 1106

Sieglu XIII

númb.	Pontificáu	Nome como pontífiz	imaxe	escudu	Nome real	Nacencia	Notes
176	8-I-1198 al 16-VII-1216	Inocenciu III			Lotario dei Conti di Segni	Gavignano, 1160	Caber pontífiz elixíu'l día de la muerte'l predecesor; IV Conceyu de Laterano (1215)
177	18-VII-1216 al 18-III-1227	Honoriu III			Cencio Savelli	Roma, 1160	Organiza la Quinta Cruzada
178	19-III-1227 al 22-VIII-1241	Gregoriu IX			Ugolino dei Conti di Segni	Anagni, 1145?	Sesta Cruzada, fecha pol emperador Federicu II, que sedrá escomulgáu
179	25-X-1241 al 10-XI-1241	Celestín IV			Goffredo Castiglioni	Milán	Muerre enantes de la consagración como papa
180	25-VI-1243 al 7-XII-1254	Inocenciu IV			Sinibaldo Fieschi	Xénova, 1195?	I Conceyu de Lyon (1245)
181	12-XII-1254 al 25-V-1261	Alexandru IV			Rinaldo dei Conti di Segni	Anagni, 1199?	Aprueba la creación de la Universidá de Salamanca (1255)
182	29-VIII-1261 al 2-X-1264	Urbanu IV			Jacques Pantaléon	Troyes, 1195?	Nunca nun residió en Roma; prohibió, ensin consecuencies práctiques, la torna y estudiu d'Aristóteles
183	5-II-1265 al 29-XI-1269	Clemente IV			Guy Foucois o Foucault o Foulques	Saint Gilles, 23-XI de 1190?	Tomás d'Aquino escribe la Summa Theologiae
184	1-IX-1271 al 10-I-1276	Gregoriu X Beatu Gregoriu			Tebaldo Visconti	Piacenza, 1210	Emprima la forma de conclave pa la eleición del pontífiz; tenta una reconciliación cola Ilesia Ortodoxa; II Conceyu de Lyon (1274)
185	21-I-1276 al 22-VI-1276	Inocenciu V Beatu Inocenciu			Pierre Tarentaise	Champagny, 1225?	Tenta d'organizar una cruzada p'aidar a Castiella na Reconquista
186	11-VII-1276 al 18-VIII-1276	Adrianu V			Ottobono Fieschi	Xénova, 1205	Muerre enantes de ser consagráu
Ø	5-IX-1276 al 6-IX-1276	Gregoriu XI			Guglielmo Visconti		Elixíu como papa, pero muerre enantes incluso de ser proclamáu, col Habemus Papam, como pontífiz
187	8-IX-1276 al 20-V-1277	Xuan XXI			Pedro Julião o Hispano	Lisboa, 1210?	Cueye equivocao’l nome de Xuan XXI en vez de Xuan XX
188	25-XI-1277 al 22-VIII-1280	Nicolás III			Giovanni Gaetano Orsini	Roma, 1210
189	22-II-1281 al 28-III-1285	Martín IV			Simon de Brion	Touraine, 1210?
190	2-IV-1285 al 3-IV-1287	Honoriu IV			Giacomo Savelli	Roma, 1210
191	22-II-1288 al 4-IV-1292	Nicolás IV			Girolamo Masci	Ascoli, 30-IX-1227
192	5-VII-1294 al 13-XII-1294 †19-V-1296	Celestín V San Celestín V			Pietro Angeleri da Morrone	Moline	Dexa la Siella de San Pedru festividá: 19 de mayu
193	24-XII-1294 al 11-X-1303	Bonifaciu VIII			Benedetto Caetani	Anagni, 1235?	Tendría de ser Bonifaciu VII, yá qu’ésti foi un antipapa

Sieglu XIV

númb.	Pontificáu	Nome como pontífiz	imaxe	escudu	Nome real	Nacencia	Notes
194	22-X-1303 al 7-VII-1304	Benedictu XI Beatu Benedictu XI			Nicola Boccasini	Treviso, 1240	Muerre envenenáu, en Perugia festividá: 7 de xunetu
195	5-VII-1305 al 20-IV-1314	Clemente V			Bertrand de Got	Villandraut, 1264	Elixíu en Perugia, coronáu en Lyon, tresllada la corte pontificia p'Aviñón (1309), siendo'l primer papa d'Aviñón; suprime la Orde del Temple cola bula Vox in excelso (13-IV-1312)
196	7-VIII-1316 al 4-XII-1334	Xuan XXII			Jacques d’Euse o Duèse	Cahors, 1249	Papa d'Aviñón; elixíu pontífiz tres dos años d'interregnum; institúi el Tribunal de la Rota y la festividá de la Santísima Trinidá
A	12-V-1328 al 25-VIII-1330 †16-XI-1333	Nicolas V			Pietro Rainalducci	Corvaro	Nomáu pontífiz por Lluis IV de Baviera (escomulgáu pol papa Xuan XXII); tien de fuxir de Roma, renunciando y aceutando l'autoridá de Xuan XXII
197	20-XII-1334 al 25-IV-1342	Benedictu XII			Jacques Fournier	Saverdun, 1285?	Papa d'Aviñón
198	7-V-1342 al 6-XII-1352	Clemente VI			Pierre Roger	Limoges, 1291	Papa d'Aviñón; peste pietra n'Europa (1347-1351)
199	18-XII-1352 al 12-IX-1362	Inocenciu VI			Étienne Aubert	Beyssac, 1282	Papa d'Aviñón
200	28-X-1362 al 19-XII-1370	Urbanu V Beatu Urbanu V			Guillaume Grimoard	Grizac, 1310	Regresa a Roma per un curtiu periodu (1367-1370), volviendo p'Aviñón
201	30-XII-1370 al 26-III-1378	Gregoriu XI			Pierre Roger de Beaufort	Limoges, 1330?	Papa d'Aviñón; regresa a Roma
202	8-IV-1378 al 15-X-1389	Urbanu VI			Bartomoleo Prignano	Nápoles, 1318?	Emprima la Gran Cisma d'Occidente
A	20-IX-1378 al 16-IX-1394	Clemente VII			Robertu de Xinebra	Annecy, 1342?	Antipapa de la Gran Cisma, elixíu como papa polos cardenales qu'elixeren a Urbanu VI; instala la so corte n'Aviñón; tien el sofitu de los reinos ibéricos, nórdicos y francés
203	2-XI-1389 al 1-XI-1404	Bonifaciu IX			Pietro Tomacelli	Nápoles, 1356?	Escolmulga al antipapa d'Aviñón Clemente VII

Sieglu XV

númb.	Pontificáu	Nome como pontífiz	imaxe	escudu	Nome real	Nacencia	Notes
A	28-IX-1394 al 27-XI-1423	Benedictu XIII el Papa Luna			Pedro Martínez de Luna y Gotor	Illueca, 1328?	Antipapa d'Aviñón; despuestu como pontífiz nos Conceyos de Pisa de 1409 y de Constanza de 1417, pero nun se somete. Esíliase en Peñíscola, siendo'l Reinu d'Aragón l'últimu estáu que lu reconoz como pontífiz
204	17-X-1404 al 6-XI-1406	Inocenciu VII			Cosimo de'Migliorati	Sulmona, 1336?
205	30-XI-1406 al 4-VII-1415 †18-X-1417	Gregoriu XII			Angelo Correr	Venecia, 1326?	Depuestu como pontífiz nel Conceyu de Pisa (1409), que nun reconoz; renuncia nel Conceyu de Constanza (4-VII-1415)
A	26-VI-1409 al 3-V-1410	Alexandru V			Pietro Philargi	Creta, 1340	Antipapa de Pisa; pontífiz que reina al mesmu tiempu xunto col papa Gregoriu XII y l'antipapa Benedictu XII
A	24-V-1410 al 29-V-1415 †27-XII-1419	Xuan XXIII			Baldassare Cossa	Nápoles, 1370	Antipapa de Pisa; preside'l Conceyu de Constanza
206	11-XI-1417 al 20-II-1431	Martín V			Oddone Colonna	Genazzano, 1368	Elixíu pontífiz nel Conceyu de Constanza, que pon fin a la Cisma d’Occidente; restitúi Roma como sé pontificia
A	10-VI-1423 al 26-VII-1429 †28-XII-1446	Clemente VIII			Gil Sánchez Muñoz y Carbón	Teruel, 1369?	Antipapa; sométese a la obediencia del papa Martín V
a	1424-1429	Benedictu XIV Primer Benedictu XIV			Bernard Garnier		Antipapa non reconocíu; nomáu cardenal pol antipapa Benedictu XIII, y elixíu como pontífiz por Jean Carrier
a	1430-1437	Benedictu XIV Segundu Benedictu XIV			Jean Carrier		Antipapa non reconocíu; nomáu cardenal pol antipapa Benedictu XIII; caltién el mesmu nome y númberu que’l so predecesor
207	3-III-1431 al 23-II-1447	Euxeniu IV			Gabriele Condulmer	Venecia, 1383
A	5-XI-1439 al 7-IV-1449 †7-I-1451	Félix V			Amedeo VIII de Savoya y Berri	Chambéry, 4-IX-1383	Últimu antipapa; elixíu papa nel Conceyu de Basilea; sométese a l’autoridá del papa Nicolás V
208	6-III-1447 al 24-III-1455	Nicolás V			Tommaso Parentucelli	Sarzana, 15-XI-1397	Funda la Biblioteca Vaticana en 1448; fin del Imperiu Bizantín cola cayida de Constantinopla (29-V-1453)
209	8-IV-1455 al 6-VIII-1458	Calistu III			Alfonso de Borja (Borgia)	Xátiva	Igua una cruzada contra l'Imperiu Otomanu col envís de reconquistar Constantinopla; anula la conderga contra Xuana d'Arcu
210	19-VIII-1458 al 15-VIII-1464	Píu II			Enea Silvio Piccolomini	Corsignano, 18-X-1405
211	30-VIII-1464 al 26-VII-1471	Paulu II			Pietro Barbo	Venecia, 23-II-1417
212	9-VIII-1471 al 12-VIII-1484	Sistu IV			Francesco della Rovere	Savona, 21-VII-1414	Permite la creación del Tribunal de la Inquisición n'Aragón y Castiella; institúi la festividá de la Inmaculada Concepción nel 8 d'avientu; constrúise la Capiella Sistina
213	29-VIII-1484 al 25-VII-1492	Inocenciu VIII			Giovanni Battista Cybo	Xénova, 1432	Otorga a Fernandu d'Aragón y Sabela de Castiella’l títulu de Católica Maxestá, tres la conquista de Granada
214	11-VIII-1492 al 18-VIII-1503	Alexandru VI			Roderic de Borja (Rodrigo de Borgia)	Xátiva, 1-I-1431	Marca les llendes d'influyencia ente Castiella y Portugal pal Nuevu Mundiu (1493)

Edá Moderna

Sieglu XVI

númb.	Pontificáu	Nome como pontífiz	imaxe	escudu	Nome real	Nacencia	Notes
215	22-IX-1503 al 18-X-1503	Píu III			Francesco Todeschini Piccolomini	Siena, 29-V-1439	Encarcela a César Borgia
216	1-XI-1503 al 21-II-1513	Xuliu II			Giuliano della Rovere	Albisola, 5-XII-1443	Aníciase la construcción de la Basílica de San Pedru
217	11-III-1513 al 1-XII-1521	Lleón X			Giovanni di Lorenzo de’Medici	Florencia, 11-XII-1475	Martín Luteru ruempe con Roma y emprima'l Protestantismu
218	9-I-1522 al 14-IX-1523	Adrianu VI			Adriaan Florenszoon Boeyens	Utrecht, 2-III-1459	Enantes de pontífiz, foi el tutor de Carllos I y rexente n'España
219	19-XI-1523 al 25-IX-1534	Clemente VII			Giulio de'Medici	Florencia, 26-V-1478	Carllos I saquia Roma (1527)
220	13-X-1534 al 10-XI-1549	Paulu III			Alessandro Farnese	Canino, 29-II-1468	Entama’l Conceyu de Trento (13-XII-1545)
221	7-II-1550 al 23-III-1555	Xuliu III			Giovanni Maria Ciocchi del Monte	Roma, 10-IX-1487
222	9-IV-1555 al 1-V-1555	Marcelu II			Marcello Cervini	Montefano, 6-V-1501	Caltuvo’l nome de nacencia
223	23-V-1555 al 18-VIII-1559	Paulu IV			Giovanni Pietro Carafa	Carpiglia Irpina, 28-VI-1476	Primer edición del Index Librorum Prohibitorum
224	25-XII-1559 al 9-XII-1565	Píu IV			Giovanni Angelo Medici	Milán, 31-III-1499	Zarra'l Conceyu de Trento (3-XII-1563)
225	7-I-1566 al 1-V-1572	Píu V San Píu			Antonio Michele Ghislieri	Bosco Marengo, 17-I-1504	Escomulga a Isabel I d'Inglaterra; promulga la Misa Tridentina
226	14-V-1572 al 10-IV-1585	Gregoriu XIII			Ugo Buoncompagni	Boloña, 1-I-1502	Refórmase'l Calendariu Xulianu (4/15-X-1582)
227	24-IV-1585 al 27-VIII-1590	Sistu V			Felice Peretti	Grottammare, 13-XII-1521
228	15-IX-1590 al 27-IX-1590	Urbanu VII			Giovanni Battista Castagna	Roma, 4-VIII-1521	Muerre enantes de ser consagráu como pontífiz
229	5-XII-1590 al 16-X-1591	Gregoriu XIV			Niccolò Sfondrati	Somma Lombardo, 11-II-1535	Escomulga a Henrique IV de Francia
230	29-X-1591 al 30-XII-1591	Inocenciu IX			Giovanni Antonio Facchinetti	Boloña, 20-VII-1519
231	30-I-1592 al 3-III-1605	Clemente VIII			Ippolito Aldobrandini	Fano, 24-II-1536	Conderga y fai executar por herexía a Giordano Bruno

Sieglu XVII

númb.	Pontificáu	Nome como pontífiz	imaxe	escudu	Nome real	Nacencia	Notes
232	1-IV-1605 al 27-IV-1605	Lleón XI			Alessandro Ottaviano de'Medici	Florencia, 2-VI-1535
233	16-V-1605 al 28-I-1621	Paulu V			Camillo Borghese	Roma, 17-IX-1552	Tenta d'aselar a Galileo Galilei
234	9-II-1621 al 8-VII-1623	Gregoriu XV			Alessandro Ludovisi	Boloña, 9-I-1554	Promulga les bules Aeterni Patris Filius y Decet Romanorum Pontificem, que regulen la eleición papal nos conclaves hasta güei
235	6-VIII-1623 al 29-VII-1644	Urbanu VIII			Maffeo Barberini	Florencia, 5-IV-1568	Faise'l xuiciu contra Galileo Galilei (23-IX-1632 al 22-VI-1633); nun reconoz la independencia de Portugal
236	15-IX-1644 al 7-I-1655	Inocenciu X			Giovanni Battista Pamphilj	Roma, 6-V-1574	Declara nulos los trataos de paz de Westfalia; tampoco nun reconoz la independencia de Portugal
237	7-IV-1655 al 22-V-1667	Alexandru VII			Fabio Chigi	Siena, 13-II-1599	Recibe a la reina Cristina de Suecia, de recién convertida na fe católico
238	20-VI-1667 al 9-XII-1669	Clemente IX			Giulio Rospigliosi	Pistoia, 28-I-1600	Bernini termina la columnata de la Plaza de San Pedru
239	29-IV-1670 al 22-VII-1676	Clemente X			Emilio Bonaventura Altieri	Roma, 13-VII-1590
240	21-IX-1676 al 12-VIII-1689	Inocenciu XI Beatu Inocenciu			Benedetto Odescalchi	Como, 16-V-1611
241	6-X-1689 al 1-II-1691	Alexandru VIII			Pietro Vito Ottoboni	Venecia, 22-IV-1610	Periodu de nepotismu papal
242	12-VII-1691 al 27-IX-1700	Inocenciu XII			Antonio Pignatelli	Nápoles, 13-III-1615	Llucha contra'l nepotismu papal

Sieglu XVIII

númb.	Pontificáu	Nome como pontífiz	imaxe	escudu	Nome real	Nacencia	Notes
243	23-XI-1700 al 19-III-1721	Clemente XI			Giovanni Francesco Albani	Urbino, 23-VII-1649	Sofita l'Archiduque Carllos d'Austria como rei d'España
244	18-V-1721 al 7-III-1724	Inocenciu XIII			Michelangelo Conti	Poli, 13-V-1655
245	29-V-1724 al 21-II-1730	Benedictu XIII			Pietro Francesco Orsini	Gravina in Puglia, 2-II-1649	Inaugura la escalinata de Piazza di Spagna, nel 1725
246	16-VII-1730 al 6-II-1740	Clemente XII			Lorenzo Corsini	Florencia, 7-IV-1652	Promulga la bula In Eminenti, primer decretu papal contra la Masonería
247	17-VIII-1740 al 3-V-1758	Benedictu XIV			Prospero Lorenzo Lambertini	Boloña, 31-III-1675	Papa illustráu; manda borrar del índiz de llibros prohibíos el De Revolutione, de Galileo Galilei
248	6-VII-1758 al 2-II-1769	Clemente XIII			Carlo della Torre di Rezzonico	Venecia, 17-III-1693	Sofita la Compañía de Xesús cediendo parte de les sos posesiones
249	19-V-1769 al 22-IX-1774	Clemente XIV			Giovanni Vincenzo Antonio Ganganelli	Sant'Arcangelo di Romagna, 31-X-1705	Promulga'l Dominus ac Redemptor (disolución de la Compañía de Xesús)
250	15-II-1775 al 29-VIII-1799	Píu VI			Giovanni Angelo Braschi	Cesena, 27-XII-1717	Condena la Revolución Francesa; ye apresáu en 1798 y deportáu a Valence-sur-Rhône, au muerre.

Edá Contemporánea

Sieglu XIX

númb.	Pontificáu	Nome como pontífiz	imaxe	escudu	Nome real	Nacencia	Notes
251	14-III-1800 al 20-VIII-1823	Píu VII			Barnaba Chiaramonti	Cesena, 14-VIII-1742	Unxe como emperador a Napoleón; encarceláu por ésti (1809-1814)
252	28-IX-1823 al 10-II-1829	Lleón XII			Annibale Sermattei della Genga	Genga, 22-VIII-1760	Posiciónase contra avances médicos como la vacuna contra la viruela
253	31-III-1829 al 1-XII-1830	Píu VIII			Francesco Saverio Castiglioni	Cingoli, 20-XI-1761
254	2-II-1831 al 1-VI-1846	Gregoriu XVI			Bartolomeo Alberto Cappellari	Belluno, 8-IX-1765	caber pontífiz en nun ser obispu
255	16-VI-1846 al 7-II-1878	Píu IX Beatu Píu IX			Giovanni Maria Mastai Ferretti	Senigallia, 13-V-1792	Convoca'l Conceyu Vaticanu Primeru (8-XII-1869 al 20-X-1870); fin de los Estaos Pontificios (20-IX-1870) festividá: 7 de febreru
256	20-II-1878 al 20-VII-1903	Lleón XIII			Gioacchino Vincenzo Raffaele Luigi Pecci	Carpineto Romano, 2-III-1810	Encíclica Rerum Novarum; anicia l'acercamientu pa coles Ilesies Anglicana y Ortodoxa

Sieglu XX

númb.	Pontificáu	Nome como pontífiz	imaxe	escudu	Nome real	Nacencia	Notes
257	9-VIII-1903 al 20-VIII-1914	Píu X San Píu			Giuseppe Melchiorre Sarto	Riese, 2-VI-1835	Ordena la redacción del Codex Iuris Canonici
258	6-IX-1914 al 22-I-1922	Benedictu XV			Giacomo della Chiesa	Xénova, 21-XI-1854	I Guerra Mundial
259	9-II-1922 al 10-II-1939	Píu XI			Ambrogio Damiano Achille Ratti	Desio, 31-V-1857	Créase l'estáu de la Ciudá del Vaticanu, cola robla de los Pautos del Laterano (11-II-1929)
260	12-III-1939 al 9-X-1958	Píu XII			Eugenio Maria Giuseppe Giovanni Pacelli	Roma, 2-III-1876	II Guerra Mundial
261	4-XI-1958 al 3-VI-1963	Xuan XXIII Beatu Xuan XXIII			Angelo Giuseppe Roncalli	Sotto il Monte, 25-XI-1881	Anicia'l Conceyu Vaticanu II (25-I-1959)
262	30-VI-1963 al 6-VIII-1978	Paulu VI			Giovanni Battista Enrico Antonio Maria Montini	Concesio, 26-IX-1897	Conclúi el Conceyu Vaticanu II (1965)
263	26-VIII-1978 al 28-IX-1978	Xuan Paulu I			Albino Luciani	Canale d'Agordo, 17-X-1912	Primer papa con dos nomes pontificios
264	16-X-1978 al 2-IV-2005	Xuan Paulu II			Karol Józef Wojtyła	Wadowice, 18-V-1920	Primer papa non italián en más de cuatro sieglos

Sieglu XXI

númb.	Pontificáu	Nome como pontífiz	imaxe	escudu	Nome real	Nacencia	Notes
265	dende’l 19-IV-2005	Benedictu XVI			Joseph Alois Ratzinger	Marktl am Inn, 16-IV-1927